Oseas 12
12
1Awan serserbi ken makadadael ti amin nga aramid dagiti tattao ti Israel manipud bigat agingga iti rabii. Umad-adu ti panangallilawda ken dagiti naranggas nga aramidda. Makitulagda iti Asiria ken makinegosioda iti Egipto.”
2Adda pammabasol ti Apo nga iparangna a maibusor kadagiti tattao ti Juda. Dusaenna met dagiti tattao ti Israel gapu kadagiti aramidda. 3Idi#Gen. 25:26. #Gen. 32:24-26. addada pay laeng iti tian ti inada, nakigubalen ni Jacob a kapuonanda ken ni Esau a kasinginna. Idi maysan nga agtutubo ni Jacob, nakigabbo ni Jacob iti Dios— 4nakiranget#Gen. 28:10-22. iti maysa nga anghel ket nagballigi. Nagsangit ni Jacob ket nagdawat iti bendision. Idiay Betel, nasabatna ti Dios, ket nakisao kenkuana.#4 kenkuana, kuna ti sumagmamano a kadaanan a patarus; iti Hebreo, kadatayo. 5Daytoy ti Apo a Mannakabalin-amin a Dios—Apo ti naganna. 6Ngarud, dakayo a kaputotan ni Jacob, agtalekkayo iti Dios ket agsublikayo kenkuana. Agaramidkayo iti naimbag ken nalinteg, ket aguraykayo a siaanus kenkuana.
7-8Kuna ti Apo, “Ulbod dagiti tattao ti Israel a kas kadagiti Cananeo; pagay-ayatda a suitiken dagiti aggatgatang babaen kadagiti saan a husto a pagtimbangan. ‘Nabaknangkami,’ kunada. ‘Adu ti naurnongmi a sanikua. Ket awan ti mabalin a mangpabasol kadakami a sinaurmi ti ibabaknangmi.’ 9Ngem#Lev. 23:42-43. siak nga Apo a Diosyo a nangiruar kadakayo idiay Egipto, pagnaedenkayto manen iti tolda a kas idi immayak kadakayo idiay let-ang.
10“Nagsaoak kadagiti profeta ket nagipakitaak kadakuada iti adu a parmata. Babaen kadagiti profeta, binallaagak dagiti tattaok. 11Ngem idiay Galaad a pagdaydayawan dagiti didiosen, matayto dagiti tattao nga agdaydayaw kadakuada. Idiay met Gilgal, maidaton dagiti toro a kas sakrifisio, ket agbalinto dagiti altar sadiay a kas gabsuon ti bato ti tay-ak.”
12Kapilitan#Gen. 29:1-20. a nagkamang idiay Mesopotamia ni Jacob a kapuonantayo. Tapno magun-odna ti babai nga agbalin nga asawana, nagserbi iti sabali a tao ket impastorna dagiti karnerona. 13Imbaon#Ex. 12:50-51. ti Apo ti maysa a profeta a nangisalakan kadagiti tattao iti Israel iti pannakatagabuda idiay Egipto. Inaywananna ida. 14Napalalo ti pungtot ti Apo gapu iti inaramid dagiti tattao ti Israel. Rumbeng ngarud a mapapatayda gapu kadagiti krimen a pinataudda. Dusaennanto ida gapu iti pannakaibabain nga inyegda kenkuana.
Currently Selected:
Oseas 12: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
