Oseas 10
10
1Ubas nga adu ti bungana ti kayarigan idi dagiti tattao ti Israel. Bimmaknangda a bimmaknang ngem immadu met nga immadu dagiti altar a binangonda. Bimmaknang a bimmaknang ti dagada, ngem ad-adda met a pinapintasda dagiti adigi a bato a pagdaydayawanda. 2Ngem manangallilaw dagiti Israelita, ket ita, masapul nga agsagabada gapu kadagiti basbasolda. Rebbaento ti Apo dagiti altarda; dadaelennanto dagiti baton-lagip nga adigida.
3Iti saan a mabayag, kunanto dagitoy a tattao, “Awan arimi, gapu ta dikami nagbuteng iti Apo. Ngem ania met ti maipaay kadakami ti ari?” 4Ubbaw dagiti saoda; ulbod dagiti panagsapatada no makitulagda. Nagbalin a killo ti hustisia nga arigna iti makasabidong a ruot nga agwaras iti naarado a talon.
5Mapabutnganto dagiti taga-Samaria ket agladingitdanto iti pannakapukaw ti balitok a sinan-urbon ti baka#5 ti baka. Iti Hebreo, kadagiti…baka. a didiosen ti Bethaven.#5 BETHAVEN: Kayatna a sawen, “balay ti dakes” wenno “balay a pagdaydayawan iti didiosen” ket iti daytoy a bersikulo, mayaplikar iti siudad ti Betel, maysa a nagan a kayatna a sawen, “balay ti Dios.” Isuda ken dagiti papadi nga agserserbi iti imahen, sangitandanto ti didiosen. Agdung-awdanto inton maikkat dagiti napintas nga arkosna. 6Maipanto ti didiosen idiay Asiria a kas daton iti natan-ok nga emperador. Agsagabanto ti Israel iti pannakaibabain gapu iti balakad nga impangagna. 7Maitalawto ti arina, kas iti puted ti kayo nga yanud ti danum. Agpukaw a kas labutab ti danum. 8Madadaelto#Luc. 23:30; Pal. 6:16. dagiti santuario kadagiti tapaw ti Aven. Wen, ti disso a pagdaydayawan dagiti Israelita kadagiti didiosen. Agtubonto dagiti sisiitan a mula ken kalkalunay kadagiti altarda. Ngarud, kunadanto kadagiti bantay, “Ilemmengdakami!” ken kadagiti turod, “Gaburandakami!”
Ipaulog ni Yahweh ti Dusa ti Israel
9Kuna#Uk. 19:1-30. ti Apo, “Saan pay a nagsardeng ti panagbasol dagiti Israelita manipud idi addada idiay Gabaa. Isut' gapuna a madanon ida ti gubat sadiay. 10Rautekto#10 Rautekto; iti Hebreo, Iti tarigagayko. dagitoy managbasol a tattao ket dusaek ida. Agtitiponto dagiti pagilian a mangraut kadakuada tapno dusaenda ida gapu kadagiti adu a basolda.
11“Mayarig idi ti Israel iti bumalasang a baka a nasayaat ti pannakasanayna ken sisasagana nga agirik. Ngem inkeddengko ti mangikabil iti sangol#11 Iti Hebreo, pagbangon. iti napintas a tengngedna ket pagtrabahoek iti nadagdagsen. Pinagaradok ti Juda. Pinagsagadko ti Israel. 12Kinunak#Jer. 4:3. idi, ‘Agaradokayo iti baro a daga para iti pagimbaganyo. Agmulakayo iti kinalinteg ket apitenyo dagiti bendision a nagun-odyo iti kinapudnoyo kaniak. Ta tiempon ti panagpatulongyo ken ni Yahweh ket umaykonto ibuyat dagiti parabur kadakayo.’ 13Ngem kinadakes ketdi ti immulayo ket kinadangkes ngarud ti inapityo. Nangankayo iti bunga ti allilaw.
“Gapu ta nagtalekkayo kadagiti luganyo a pakigubat #13 luganyo a pakigubat; iti Hebreo, dalanyo. ken iti kaadu dagiti soldadoyo, 14umayto ti gubat iti iliyo ket madadaelto ti amin a sarikedkedyo. Kaslanto iti aldaw idi rinebbek ni Ari Salmana ti siudad ti Bet-arbel ket narumrumek dagiti inna ken dagiti annakda. 15Kastoyto ti mapasamak kadakayo, dakayo a tattao ti Betel gapu iti nakabutbuteng a kinadakes nga inaramidyo. Apaman a mangrugi ti gubat, matayto ti ari ti Israel.”
Currently Selected:
Oseas 10: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
