Genesis 49
49
Dagiti Maudi a Balikas ni Jacob
1Inayaban ni Jacob dagiti annakna ket kinunana, “Umasidegkayo kaniak ket ibagak ti mapasamakto kadakayo iti masakbayan:
2“Aribungbongandak, dakayo nga annakko;
denggenyo ni Israel a tatangyo.
3“Ruben nga inauna, sika ti pigsak;
wen, sika ti inauna a bungak,
sika ti katangsitan ken kapigsaan kadagiti amin nga annakko.
4Mayarigka iti nadawel a karayan,
ngem saanto a sika ti kangrunaan,
ta kinaiddam ti babai nga inkabbalayko
ket tinulawam ti idda ni amam.
5“Agkabsat da Simeon ken Levi;
inusarda ti armasda nga agranggas.
6Diak makiraman kadagiti nalimed a saritaanda,
wenno makibiang kadagiti taripnongda,
gapu ta agpapatayda iti tao iti pungtotda
pagang-angawanda a pilayen dagiti toro a baka.
7Mailunod koma ti pungtotda ta nakaro unay;
mailunod koma ti ungetda ta ranggasda ti napalalo.
Iwaraskonto ida iti entero nga Israel
Ket iwarakto ida kadagiti tattaona.
8“Juda, dayawendakanto dagiti kakabsatmo.
Bekkelem dagiti kabusormo.
Agrukbabto kenka dagiti kakabsatmo.
9Leon#Num. 24:9; Pal. 5:5. ti kayarigan ni Juda.
Patayenna ti tukmaanna sa agsubli iti aponna.
Kasla leon nga agunnat sa agidda,
awan makaitured a mangsinga kenkuana.
10Ikutan ni Juda ti setro,
agnanayon nga agturay dagiti kaputotanna.
Yegto dagiti nasion dagiti sagut a pagbayadda kenkuana.
Ket agtamedda a mangipakita iti panagtulnogda.
11Igalutna ti urbon nga asnona iti puon ti ubas,
iti kasayaatan nga ubas.
Labaanna dagiti pagan-anayna iti arak a nalabaga.
12Nalabbaga dagiti matana iti kaiinumna iti arak.
Napudaw dagiti ngipenna iti kaiinumna iti gatas.#12 Nalabbaga…gatas; wenno nangisngisit ngem arak dagiti matana, napurpuraw ngem gatas dagiti ngipenna.
13“Agnaedto ni Zabulon iti igid ti taaw;
pagsangladanto ti barko ti baybayna.
Dumanonto idiay Sidon ti beddengna.
14“Arig ni Issacar iti asno
nga agidda iti baet dagiti pagkargaan.
15Ngem makitana a nasayaat ti paginanaan
ken makaliwliwa ti daga
ket agrukob a mangbaklay iti karga,
mapilit nga agtrabaho a kas tagabu.
16“Iturayanto ni Dan dagiti tattaona.
Agbalindanto a kas kadagiti
dadduma a tribu ti Israel.
17Arigto ni Dan iti uleg iti igid ti dalan;
wen, nagita nga uleg iti igid ti dana
a mangkagat iti mukod ti kabalio
a pakatnagan ti nagsakay.
18“Urayek ti panangispalmo, O Apo!
19“Maysanto a bunggoy ti mannanakaw ti mangdarup ken ni Gad
ngem sumarangetto ket sunsonenna ida.
20“Agtaud iti talon ni Aser dagiti nababaknang a taraon;
a maikari iti lamisaan ti ari.
21“Maysa nga ugsa ni Neftali nga agtaray a siwawaya,
napipintas dagiti urbon a yanakna.#21 Maysa…yanakna; wenno maysa a narangpaya a kayo ni Neftali, a nangpataud iti napipintas a sangsanga.
22“Kasla atap nga asno ni Jose iti igid ti maysa nga ubbog,
urbon ti kabalio iti bakras ti turod.#22 Kasla…turod; wenno Kasla kayo ni Jose iti igid ti ubbog, agbungbunga a kayo nga agsaknap iti ngato ti inaladan.
23Sirurungsot a darupen dagiti kabusorna,
ibiatda dagiti panada a mangsunson kenkuana.
24Ngem agtalinaed a nalagda ti bai ti panana
ket mapapigsa dagiti takiagna#24 Ngem…takiagna; wenno Ngem napugsat ken natukkol dagiti baida, wen naisina dagiti piskel dagiti takiagda.
gapu iti Mannakabalin a Dios ni Jacob,
gapu iti Pastor a manalaknib iti Israel.
25Ti Dios ni amam ti tumulong kenka,
ti Dios a Mannakabalin-amin ti mangbendision kenka:
Paraburannaka iti tudo nga aggapu iti ngato
ken danum nga aggapu iti uneg ti daga.
Paraburannaka iti annak ken adu a baka.
26Bendisionannaka iti bukel ken sabong,#26 bukel ken sabong; Iti Hebreo a teksto, nabilbileg dagiti ammayo ngem.
kadagiti bambantay idi ugma,#26 bambantay idi ugma kuna ti maysa a kadaanan a patarus. Iti Hebreo, dagidi kapuonak a mapan.
dagiti makaay-ayo a banag nga aggapu kadagiti agnanayon a turod.
Maisaad koma dagitoy a bendision iti ulo ni Jose,
iti muging ti napili kadagiti kakabsatna a lallaki.
27“Arig narungsot a lobo ni Benjamin:
Binigat ken rinabii nga agpapatay ken aglamut.”
28Dagitoy dagiti sangapulo ket dua a tribu ti Israel ket daytoy ti imbaga ni tatangda idi agpakada kadakuada a nangbendisionanna iti tunggal maysa kadagiti annakna.
Ti Ipapatay ken Pannakaitabon ni Jacob
29Binilin ni Jacob dagiti annakna, “Ita ta innakon tumipon kadagiti pimmusay a kapuonak, itabondak iti nakaitaneman dagiti nagannak kaniak iti rukib nga adda iti talon ni Efron a Heteo, 30idiay#Gen. 23:3-20. Macpela, iti daya ti Mamre iti daga ti Canaan. Ginatang ni Abraham daytoy a rukib ken ti talon ken ni Efron a Heteo tapno agpaay a pagitaneman. 31Sadiay#Gen. 25:9-10; Gen. 35:29. ti nakaitabonan ni Abraham ken ni Sara nga asawana agraman ni Isaac ken ni Rebecca nga asawana. Sadiay met ti nangitanemak ken ni Lea. 32Nagatang kadagiti Heteo ti talon ken ti rukib nga adda iti sakupna. Itanemdak sadiay.”
33Idi#Ara. 7:15. malpas ti panangbilin ni Jacob kadagiti annakna, nagidda ket natayen.
Currently Selected:
Genesis 49: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
