Genesis 1
RIPV
1
Ti Pakasaritaan ti Pannakaparsua ti Lubong
1Idi punganay, pinarsua ti Dios ti lubong.#1 Idi…lubong; wenno Idi rugian ti Dios a parsuaen ti lubong. 2Gusoguso ken awan urnos ti amin ken nakumotan iti napuskol a sipnget ti nadawel a taaw a nanglapunos iti amin, ket ti Espiritu ti Dios#2 ti Espiritu ti Dios; wenno ti pannakabalin ti Dios; wenno adda angin a naggapu iti Dios; wenno adda napigsa nga angin. aggargaraw iti rabaw ti danum.
3Imbilin#2 Mac. 7:28; 2 Cor. 4:6. ti Dios, “Mapaadda ti lawag.” Ket napaadda ti lawag. 4Naragsakan ti Dios iti nakitana. Pinaglasinna ti lawag ken ti sipnget. 5Pinanagananna ti lawag iti “Aldaw,” ket ti sipnget, “Rabii.”
Limmabas ti rabii, ket dimteng ti bigat. Daytoy ti umuna nga aldaw.
6-7Kalpasanna,#2 Ped. 3:5. imbilin ti Dios, “Mapaadda ti tangatang a mamagsina iti danum tapno agyan iti dua a lugar.” Ket kasta ti napasamak. Nangaramid ti Dios iti tangatang a namaglasin iti danum nga adda iti baba ti tangatang ken ti adda iti ngatoenna. 8Pinanagananna ti tangatang iti “Langit.”
Limmabas ti rabii, ket dimteng ti bigat.#8 Limmabas ti rabii, ket…bigat; mangrugi ti aldaw iti ilelennek ti init ket aggibus iti sumaruno nga aldaw nga ilelennek ti init. Daytoy ti maikadua nga aldaw.
9Kalpasanna, imbilin ti Dios, “Mapagtitipon iti maymaysa a disso ti danum nga adda iti baba ti tangatang tapno agparang ti daga.” Ket naaramid a kasta. 10Pinanagananna ti namaga a disso iti “Daga.” Pinanagananna ti naurnong a danum iti “Taaw.” Naragsakan ti Dios iti nakitana. 11Imbilin ti Dios, “Tumaud iti daga dagiti amin a kita ti mula a mangted iti bukel ken dagiti amin a kita ti kayo nga agbunga.” Ket naaramid a kasta. 12Nagtubo ngarud dagiti amin a kita ti mula a mangted iti bukel ken dagiti amin a kita ti kayo nga agbunga. Naragsakan ti Dios iti nakitana.
13Limmabas ti rabii, ket dimteng ti bigat. Daytoy ti maikatlo nga aldaw.
14Imbilin ti Dios, “Agparang dagiti silaw iti tangatang tapno paglasinenda ti aldaw ken ti rabii, ken tapno ipakitada ti pangrugian dagiti tiempo, aldaw ken tawen. 15Agpaaydanto a silaw iti tangatang tapno lawaganda ti daga.” Ket naaramid a kasta. 16Inaramid ti Dios dagiti dua a dadakkel a silaw: ti init nga agraniag iti aldaw ken ti bulan nga agraniag iti rabii. Inaramidna pay dagiti bituen. 17Inkabilna dagiti silaw iti tangatang a manglawag iti daga, 18mangraniag iti aldaw ken rabii, ken mamaglasin iti lawag ken sipnget. Naragsakan ti Dios iti nakitana.
19Limmabas ti rabii, ket dimteng ti bigat. Daytoy ti maikapat nga aldaw.
20Imbilin ti Dios, “Maaddaan dagiti dandanum iti adu a kita ti sibibiag a parsua, kasta met a maaddaan ti tangatang kadagiti tumatayab.” 21Pinarsua ti Dios dagiti dadakkel a parsua iti taaw, ken amin a kita ti parsua iti danum ken amin a kita ti tumatayab. Naragsakan ti Dios idi makitana dagiti inaramidna. 22Binendisionanna amin ida, ket imbagana kadagiti parsua nga agnaed iti danum nga umaduda, ket punnoenda ti taaw. Binilinna met dagiti tumatayab nga umaduda.
23Limmabas ti rabii, ket dimteng ti bigat. Daytoy ti maikalima nga aldaw.
24Imbilin ti Dios, “Maaddaan ti daga iti amin a kita ti ayup: naamo ken naatap, dadakkel ken babassit.” Ket naaramid a kasta. 25Inaramid amin ida ti Dios. Naragsakan ti Dios iti nakitana.
26Kalpasanna,#Kin. Sol. 2:23; Sir. 17:3-4; 1 Cor. 11:7. kinuna ti Dios, “Ita, aramidentayo ti tao. Umaspingdanto kadatayo, ket kalanglangatayto ida. Iturayandanto dagiti ikan, dagiti tumatayab, ken amin nga animal a naamo ken naatap,#26 animal a naamo ken naatap, kuna ti maysa a kadaanan a patarus; iti Hebreo, atap nga animal ken amin a daga. dadakkel ken babassit.” 27Iti#Mat. 19:4; Mar. 10:6. #Gen. 5:1-2. kasta, pinarsua ti Dios ti tao a kalanglangana. Pinarsuana ida a lalaki ken babai. 28Binendisionanna ida a kunana, “Aganakkayo iti adu tapno agnaedto dagiti kaputotanyo iti amin a paset ti daga ket iturayandanto ti daga. Iturayanyo dagiti ikan, dagiti tumatayab, ken amin nga atap nga animal. 29Itedko a taraonyo dagiti amin a kita ti bukel ken amin a bunga ti kayo. 30Ngem itedko kadagiti amin nga atap nga animal ken amin a tumatayab dagiti ruruot ken mulmula nga adda bulongna a kas taraonda.” Ket naaramid a kasta. 31Kinita ti Dios dagiti amin nga inaramidna, ket napalalo ti ragsakna.
Limmabas ti rabii, ket dimteng ti bigat. Daytoy ti maikanem nga aldaw.