Daniel 12
12
Ti Panungpalan
1Intuloy#Pal. 12:7; Mat. 24:21; Mar. 13:19; Pal. 7:14; 12:7. ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios. 2Adunto#Is. 26:19; Mat. 25:46; Jn. 5:29. kadagiti natay ti agbiagto manen. Agbiagto iti agnanayon ti dadduma kadakuada, ket dagiti dadduma, iti agnanayon a pannakaibabain. 3Agraniagto dagiti mamasirib a kas iti lawag ti langit. Aglawagto nga agnanayon a kas kadagiti bituen dagiti nangisuro kadagiti adu a tattao nga agaramid iti naimbag.”
4Kinunana#Pal. 22:10. kaniak: “Ita, Daniel, rikpam ti libro ket timbream agingga iti panungpalan. Kabayatanna, adunto a tattao ti mangigaed a mangammo iti kaipapanan dagiti mapaspasamak ngem agbambannogdanto laeng.”
5Kalpasanna, nakitak ti dua a lallaki. Nakatakder ti maysa igid iti karayan ket ti maikadua, iti ballasiw. 6Maysa kadakuada ti nangsaludsod iti anghel nga adda iti surong ti karayan, “Kasano pay ti kabayag sakbay nga aggibus dagitoy nakaskasdaaw a banag?”
7Ingngato#Pal. 10:5; Pal. 12:14. ti anghel dagiti imana sadi langit ket nagsapata iti nagan ti Agnanayon a Dios. Nangngegko a kinunana, “Tallo ket gudua a tawen. Inton agpatinggan ti pannakaidadanes dagiti tattao ti Dios, mapasamakto aminen dagitoy a bambanag.”
8Nangngegko ti imbagana. Ngem diak naawatan, isu a sinaludsodko, “Apo, kasanonto ti panaggibus amin dagitoy?”
9Kinunana, “Daniel, inkan, ta masapul a mailimed dagitoy a balikas ket saanda a maipakaammo agingga iti panungpalan. 10Adunto#Pal. 22:11. a tattao ti magugoran ken madalusan. Saanto a makaawat dagiti managdakdakes, ngem itultuloyda ti kinadakesda. Dagitinto la masirib ti makaawat.
11“Manipud#Dan. 9:27; 11:31; Mat. 24:15; Mar. 13:14. pannakaisardeng ti inaldaw a panangidatag iti daton, kayatna a sawen, manipud iti pannakaisaad ti Nakabutbuteng a Mangdadael,#11 Nakabutbuteng a Mangdadael: Kitaenyo ti 9:27. 1,290 nga aldawto ti mapalabas. 12Nagasat dagiti agtalinaed a napudno agingga nga aggibus ti 1,335 nga aldaw.
13“Ngem sika, Daniel, agtalinaedka a napudno agingga iti panungpalan. Mataykanto, ngem agungarkanto tapno awatem ti gunggonam iti maudi nga aldaw.”
Currently Selected:
Daniel 12: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society