Taga-Colosas 3
3
1Idi#Sal. 110:1. napagungar ni Cristo, napagungarkayo met. Ngarud, birokenyo dagiti adda idiay langit a yan ni Cristo a situtugaw iti tronona, iti makannawan ti Dios. 2Panunotenyo dagiti adda sadiay, saan a dagiti adda ditoy daga. 3Ta nataykayon. Naidulinen ti biagyo iti Dios iti pannakikaysayo ken ni Cristo. 4Ni Cristo ti pudno a biagyo. Inton agparang, addakayto met a kaduana ket mairanudkayto iti gloriana!
Ti Daan ken ti Baro a Biag
5Ngarud, masapul nga iwaksiyo dagiti naidagaan a tarigagay a kas iti immoralidad, kinarugit, kinaderrep, kinarugso ken kinaagum (ta ti kinaagum maysa a kita ti panagrukbab iti didiosen). 6Gapu kadagitoy, agdissuorto ti pungtot ti Dios kadagiti saan nga agtulnog kenkuana.#6 Awan ti kadagiti…kenkuana iti dadduma a manuskrito. 7Adda idi tiempo a nagbibiagkayo kadagiti kasta a panaggartem, idi iturayannakayo dagita a tarigagay.
8Ngem ita, masapul nga idianyo amin dagitoy: pungtot, derrep ken gura. Dikay agsao iti makapabain. Awan koma ti narugit a balikas nga agaon kadagiti bibigyo. 9Dikay#Ef. 4:22. agiinnulbod, ta inuksobyon ti daan a kinatao agraman dagiti ugalina, 10ket#Ef. 4:24; Gen. 1:26. inkawesyon ti baro a kinatao. Daytoy ti baro a tao a kanayon a mapabpabaro tapno umasping iti Dios a namarsua kenkuana, ket naan-anay ti pannakaammoyo kenkuana. 11Iti kasta, awan Hentil wenno Judio, nakugit wenno saan a nakugit, ganggannaet, narungsot a tao, tagabu ken siwawayawaya, no di ket ni Cristo ti isuamin ken adda iti isuamin.
12Tattaonakayo#Ef. 4:2. ti Dios. Inayat ken pinilinakayo a kukuana. Ngarud, ipakitayo a naasikayo, naimbag, napakumbaba, nasingpet ken naanus. 13No#Ef. 4:32. adda pagkunaan ti maysa ken maysa, agiinnanus ken agpipinnakawankayo. Masapul nga agpipinnakawankayo a kas iti panangpakawan ti Apo kadakayo. 14Ket kadagitoy amin,#14 kadagitoy amin; wenno kadagiti amin a tattao. inayonyo ti ayat a mamagsinggalut a naan-anay iti isuamin. 15Ti talna nga agtaud ken ni Cristo ti mangiwanwan koma kadagiti panangeddeng nga aramidenyo. Daytoy ti nangawisan ti Dios kadakayo iti maymaysa a bagi ket agyamankayo iti Dios. 16Agtalinaed#Ef. 5:19-20. koma kadagiti pusoyo ti mensahe ni Cristo iti amin a kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti salmo, himno ken naespirituan a kankanta, a napno ti pusoyo iti panagyaman iti Dios. 17Ngarud, amin nga aramiden ken sawenyo, aramidenyo iti nagan ni Apo Jesus. Agyamankayo iti Dios Ama babaen kenkuana.
Dagiti Pagrebbengan iti Baro a Biag
18Babbai,#Ef. 5:22; 1 Ped. 3:1. agtulnogkayo kadagiti assawayo, ta dayta ti rebbengyo nga aramiden a kas Kristiano.
19Lallaki,#Ef. 5:25; 1 Ped. 3:7. ayatenyo dagiti assawayo, ket diyo rangranggasan ida.
20Annak,#Ef. 6:1. agtulnogkayo kadagiti nagannak kadakayo, ta daytoy ti pakaragsakan ti Dios.
21Amma,#Ef. 6:4. diyo pagsakiten ti nakem dagiti annakyo tapno dida maupay.
22Dakayo#Ef. 6:5-8. nga adipen, agtulnogkayo iti amin a banag kadagiti appoyo, saan laeng a no kitkitaendakayo tapno maay-ayoda kadakayo, ngem aramidenyo daytoy a sipupudno gapu iti panagraemyo iti Apo. 23Aniaman nga aramidenyo, ipapusoyo a kasla maipaay iti Apo, a saan a kadagiti tattao. 24Laglagipenyo a gunggonaannakayto ti Apo. Awatenyonto ti tawid nga agpaay kadagiti tattaona. Ta ni Cristo ti napudpudno nga Apo a pagserserbianyo. 25Ti#Deut. 10:17; Ef. 6:9. siasinoman nga agaramid iti dakes, madusanto a kas iti kaikarianna, gapu ta awan idumduma ti Dios iti panangukomna.
Currently Selected:
Taga-Colosas 3: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society