1 Taga-Corinto 5

Immoralidad iti Iglesia

1Ita,#Deut. 22:30. maipadpadamag nga adda immoralidad iti gimongyo, maysa a kita ti kinadakes a di aramiden uray pay dagiti pagano. Naibaga kaniak a kakaiddaen ti maysa a lalaki ti agsiuman#1 AGSIUMAN: iparit ti Linteg ti Roma ken ti Nasantoan a Surat dagiti Judio ti panangasawa ti maysa a lalaki iti agsiuman kenkuana. kenkuana. 2Apay a natangsitkayo pay laeng? Rebbengyo koma ketdi ti agladingit ket laksidenyo dayta a tao iti grupoyo. 3-4Iti nagan ni Apotayo a Jesus, inukomkon dayta a lalaki a nakaaramid iti nakarimrimon a banag. Ta nupay awanak dita, kasla addaak met laeng ta adda dita ti espirituk. Ngarud, inton agtataripnongkayo, adda met ti espirituk iti ummongyo babaen iti pannakabalin ni Apotayo a Jesus, 5ket yawatyo dayta a lalaki ken ni Satanas tapno madadael ti managbasol a katataona ket maisalakan ti espirituna inton dumteng ti Aldaw ti Apo.

6Saan#Gal. 5:9. a rumbeng a pagtangsityo daytoy. Ammoyo daytoy a pagsasao, “Bassit la a lebadura ti mamagbussog iti entero a masa.” 7Masapul#Ex. 12:5. ngarud nga ikkatenyo daytoy daan a lebadura ti basol tapno naan-anay ti kinadalusyo. Iti kasta, mayarigkayto iti baro a masa nga awan lebadurana ta naidatonen ni Cristo a korderotayo iti Paskua. 8Ngarud,#Ex. 13:7; Deut. 16:3. rambakantayo ti fiesta babaen iti tinapay nga awan lebadurana, ti tinapay ti kinadalus ken kinapudno, saan nga iti tinapay nga addaan iti lebadura ti basol ken kinadakes.

9Insuratko idi kadakayo a dikayo makipulpulapol kadagiti mannakikamalala. 10Ngem saan a dagiti immoral a tattao ditoy lubong ti kayatko a sawen, wenno dagiti naagum wenno dagiti mannanakaw wenno dagiti agrukbab kadagiti didiosen, ta maliklikanyo dagitoy no pumanawkay a mamimpinsan iti lubong. 11Kayatko a sawen, dikayo makipulapol iti tao nga ibilangna ti bagina a kabsat idinto nga immoral, naagum, agrukbab kadagiti didiosen, mamadpadakes, mammartek wenno mannanakaw. Diyo kapulapol wenno uray kalanglang la koma ti kasta a tao.

12-13Ania#Deut. 13:5; 17:7 (LXX). ngamin ti karbengak a mangukom kadagiti saantayo a kakadua? Ti Dios ti mangukomto kadakuada. Saan aya a rumbeng a dakayo ti mangukom kadagiti kakaduayo iti iglesia? Kas kuna ti Nasantoan a Surat, “Pagtalawenyo ti dakes a tao iti grupoyo.”

Currently Selected:

1 Taga-Corinto 5: RIPV

Highlight

Copy

Compare