Salmos 43
43
1Bchi'a chia', Dios, ne ble'e lau naca' xrlátaje.
Bselá neda' lu na' benne' ca' dxuluzúe̱' Lue' chalá'ala,
ne lu na' benne' ca' dxelezí xe̱'e̱, ne dxelune̱' da zrinnaj.
2Nacu' Lue' Dios chia', ne dxuzé̱ chuchu' neda'.
¿Bizr chee̱ na' nusán lazru' neda'?
¿Bizr chee̱ na' dxewí'ine lazra' lawe' da dxusaca zi' neda'
benne' ca' dxeledábague̱' neda'?
3Gusel-la chia' xel-la' naxaní' chiu', ne da li chiu'.
Da caní xulusí na neda' neza.
Xeleché̱ na neda' lu xi'a lá'azxa chiu', ne naga zúaquezu' Lue'.
4Chu'a naga zua lucugu chee̱ Dios.
Chu'a lau Dios, Bénnea' dxune̱' dxebeda', na' zua' lu da ba neza.
Güe lá'ana' Lue' nen da zríadi'i na du, Dios chia'.
5¿Bizr chee̱ na' dxate ni'a na'u, bénne'du xu'a?
¿Bizr chee̱ na' zu' ste̱be lu xichaj lázrdawa'?
Guleza lazre' Dios lawe' da güe lá'anaqueza' Le̱' da xula.
Naque̱' Benne' dxuselé̱' neda', ne Dios chia'.
Currently Selected:
Salmos 43: zat
Highlight
Share
Compare
Copy
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
