Salmos 128
128
1Ba neza zrente̱ naca na chee̱ benne' ca' dxelezrebe̱' Xránadxu Dios,
benne' ca' tu dxelúnzqueze̱' ca nadxixruj be'e Dios.
2Gate dxagu' da dxezi'u chee̱ zrin da nunu'
gaca chiu' tu da ba neza, ne gaca chawe' chiu'.
3Gaca zru'ulu' ca tu lba uva da dxebía da zixre
cuita xu'u lizru',
na' zri'inu' ca' xelácabe' ca xaga olivo ca' zaj ze̱
dxu'a ga dxagu'.
4Caní gun Xránadxu gaca chawe' chee̱ bénnea' dxezrebe̱' Le̱'.
5Dxenaba' gun Xránadxu, zue̱' xi'a Sión, gaca chawe' chiu',
chee̱ le'enu' gaca chawe' chee̱ xe̱zre Jerusalén xúgute̱ zra naca banu',
6ne chee̱ le'enu' zri'ine zre su'.
Dxenaba' gata' xel-la' dxebeza zri lazre' chee̱ benne' Israel ca'.
Currently Selected:
Salmos 128: zat
Highlight
Copy
Compare
Share
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.
