Zekariah 4
4
Da Gold Lamp Stan An Da Two Olive Trees
1Den da angel messenja guy dat talk wit me befo time come back. He shake me wen I stay tinking plenny, jalike you wake up one guy wen he stay sleep. 2He aks me, “Wat you see dis time?”
I tell um, “I see one lamp stan, da kine dey make from gold. Get one bowl on da top, an on top da edge a da bowl, get seven olive oil lamps. Get seven places fo da wicks a da seven lamps. 3#JShow 11:4An get two olive trees by da lamp stan, one on da right side a da bowl, an one on da lef side.”
4I aks da angel guy dat talk wit me, “Boss, wat all dese mean?”
5He tell me, “You donno wat dem?!”
I tell um, “No, Boss.”
6Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa! 7Yoa problems jalike dis big strong mountain. But da mountain goin come flat land in front Zerubbabel. Den he goin put da las stone block fo da temple wea suppose to stay, an da peopo goin yell, ‘Az beautiful! Az beautiful!’ ”
8Den get anodda message from Da One In Charge: 9“Zerubbabel wen put down da foundation fo dis temple, an he goin build da whole ting too. Den you, Zerubbabel, goin know dat was Da One In Charge, Da God Ova All Da Armies, wen sen me by you guys. 10#Ezra 5:2#JShow 5:6No talk like az no good wen get ony litto bit work dat pau! Peopo goin stay good inside wen dey see Zerubbabel stay work, pulling da string fo make shua da walls line up! (Da seven olive oil lamps on top da lamp stan, dey fo no foget dat Da One In Charge get eyes dat look all ova da world.)”
11 #
JShow 11:4
Den I aks da angel guy, “Wat dese two olive trees on da right side an da lef side a da lamp stan?” 12An I aks him too, “Wat dese two olive branches by da side a da two gold pipes, dat pour out da gold color olive oil?”
13He tell, “You donno wat dem?!”
I tell him, “No, Boss.”
14So he tell me, “Dese branches, dey da two guys dat Da One In Charge wen pick. He put olive oil on top dea heads fo show dey work fo him, da Boss fo all da world.”
Currently Selected:
Zekariah 4: HPB
Highlight
Share
Compare
Copy
Want to have your highlights saved across all your devices? Sign up or sign in
©2020 Hawaii Pidgin Bible Ministries
hawaiipidginbible.org
Learn More About Hawaii Pidgin Bible
