Songs 41
41
Fo da main music guy, one David kine song
1Whoeva tink plenny
Bout how fo help da peopo
Dat no mo notting,
Dey can stay good inside!
Da One In Charge, goin help dem
Wen bad tings happen to dem!
2Da One In Charge make shua
Notting bad happen to dem!
An make shua dey stay alive,
An stay good inside, inside da Israel land!
He no let da peopo dat stay agains dem
Make any kine to dem!
3Da One In Charge help um come good
Wen dey stay sick!
Erytime dey gotta stay in bed
Cuz dey no feel good,
Try make da sick come mo betta!
4Dis wat I wen tell:
“Eh! You Da One In Charge! Dis me!
I like you do someting good fo me!
I like you make me come good.
I sick cuz a all da bad tings
I wen do agains you.”
5Da guys dat stay agains me talk bad bout me. Dey tell:
“We like him mahke!
We like his name get wipe out
An erybody foget who him!”
6Dey come by me fo visit,
But ony talk junk kine stuff.
Dey like find out wen bad stuff
Happen to me.
Den dey go all ova da place
Fo talk bout dat.
7All da peopo dat hate me, come togedda
Fo wispa to each odda bout me.
Dey tink all kine bad stuff bout me.
8Dey tell:
“Az one real bad sick he get!
Az why he stay in bed now,
But no way he goin get up
One mo time!”
9 #
Matt 26:23; Mark 14:18; Luke 22:21; John 13:18 Even my bestes fren,
Da guy I wen trus plenny,
Da guy dat stay an eat at my house
Befo time,
Even him wen go agains me!
10But you, Da One In Charge,
I like you do good tings fo me
An get me up outa da bed
Fo me pay back dose peopo
Fo wat dey wen do.
11Wen da peopo dat stay agains me
No can tell, “Us guys win!”
Den I goin know
Dat you stay good inside
Wen you tink bout me.
12You hold me up so I no fall down
Cuz I stay all pono inside.
Az why you goin let me stan
In front you foeva.
Book Numba One Pau
13 #
Songs 106:48
Eh you guys! Tell good tings
Bout Da One In Charge!
He stay da God fo us Israel peopo
From befo time till foeva!
Dass how he stay!
Dass it!
Currently Selected:
Songs 41: HPB
Highlight
Copy
Compare
Share
Want to have your highlights saved across all your devices? Sign up or sign in
©2020 Hawaii Pidgin Bible Ministries
hawaiipidginbible.org
Learn More About Hawaii Pidgin Bible
