Census 21
21
Dey Wipe Out Da Arad Land
1 #
Census 33:40
Da king fo da Canaan peopo Arad side dat live inside da Negev Boonies hear dat da Israel peopo stay come by da road dat go thru Atarim. So him an his guys go afta da Israel peopo, an catch some a dem an make dem prisonas. 2Den da Israel peopo make dis strong promise to Da One In Charge, fo erybody know dat dey goin do um: “If az fo real dat you let us win ova dese guys, we goin wipe out dea towns to da max, jalike dey one sacrifice fo you.” 3Da One In Charge lissen wat da Israel peopo tell, an let dem win ova da Canaan peopo. Dey wipe out dem an dea towns to da max, jalike dey one sacrifice. So dey call da place Hormah, dat mean Wipe Out Fo God.
Da Bronze Snake
4 #
Rules2 2:1
Dey go from Mount Hor by da road to da Red Sea, fo go aroun Edom. But da peopo come huhu wen dey going, cuz dey no like wait. 5#1Cor 10:9Dey grumble bout God an Moses. Dey tell, “How come you bring us guys outa Egypt? Fo make us mahke inside da boonies, o wat?! No mo bread! No mo watta! An us hate dis no good kine manna food!”
6Den Da One In Charge sen poison kine snakes by dem. Dea poison, sore jalike da fire. Dey bite da peopo, an plenny Israel peopo mahke. 7Da peopo come by Moses, an tell, “Us wen do bad kine stuff wen we grumble bout Da One In Charge an about you. Try aks Da One In Charge fo make da snakes go way from us guys.” So Moses pray fo da peopo.
8Da One In Charge tell Moses, “Make one ting dat look jalike one poison kine snake, an put um on top one high pos. Wen da snakes bite somebody, da peopo can look da snake statue on top da pos, an goin stay alive.” 9#2Kings 18:4; John 3:14So Moses make one bronze metal snake, an put um up on top one high pos. Den wen one snake bite somebody, da guy look da bronze snake statue, an dey goin stay alive.
Dey Go Moab Side
10Da Israel peopo leave dat place an make camp Obot side. 11From Obot, dey go make camp Iye-Abarim, inside da boonies da east side a da Moab land wea da sun come up. 12From dea dey go make camp inside da Zered Gulch. 13Dey go from dea make camp da odda side a da Arnon Riva, dat stay inside da boonies dat go all da way inside da Amor peopo land. Da Arnon Riva go by da edge a da Moab land, wit Moab one side an da Amor peopo da odda side. 14Az why da Book Bout Da Wars Fo Da One In Charge tell:
“Waheb inside Sufah an da gulches,
Da Arnon Riva,
15An da cliff in da small gulches dat go nea da town dey call Ar,
Wea can look down an see da edge a da Moab land.”
16From dea dey go Beer side. Dass da well fo watta wea Da One In Charge tell Moses, “Tell da peopo come togedda. I goin give dem watta.”
17Den da Israel peopo sing dis song:
“Go come up! Let da well bring up watta!
Sing bout um!
18Sing bout da puka dat da prince guys wen dig.
An da alii fo da peopo wen make um
Wit da sticks dat show dey da leada guys
An wit dea sticks fo walk.”
Den da peopo go from da boonies to Mattanah, 19an from Mattanah to Nahaliel, from Nahaliel to Bamot, 20an from Bamot to da part a Moab wea get da top a da Pisgah Range, wea da land you can see az ony wase land.
Dey Win Ova Sihon An Og
(Rules Secon Time 29:7; 31:4; Songs 135:11; 136:19-20)
21Da Israel peopo sen messenja guys by Sihon, da king fo da Amor peopo, fo tell him: 22“Let us go pass thru yoa land. We no goin go inside no wheat field o grape field, o drink watta from yoa pukas. We goin go by da king highway till we go pass yoa land.”
23But Sihon no let da Israel peopo pass thru his land. He bring his whole army togedda, an go out inside da boonies fo fight da Israel guys. Wen da Amor guys come Jahaz town, dey fight wit da Israel guys. 24But da Israel guys kill Sihon wit swords, an take ova his land from da Arnon Riva to da Jabbok Riva. But dey go ony to da edge a da Ammon land, cuz da Ammon peopo strong an no let nobody come inside dea land. 25Da Israel guys take ova all da Amor towns, an stay dea—Heshbon an all da small towns aroun um. 26Heshbon, dass da main town wea Sihon stay da king fo da Amor peopo. Befo time Sihon wen fight da Moab king, an take away all his land to da Arnon Riva.
27Az how come da poet guys tell:
“Go come by Heshbon
An build um one mo time.
Make Sihon big town new one mo time.
28 #
Jer 48:45-46
Had fire go out from Heshbon,
One big fire come from Sihon big town.
Da fire burn up Ar, Moab side,
An da ones dat own da up country
Nea da Arnon Riva.
29Bummahs! You Moab peopo!
You peopo dat pray to da god Kemosh,
You come wipe out awready!
Da Moab king, his boys run away,
An his girls come prisonas.
Sihon take um.
He one king guy fo da Amor peopo.
30“But us guys, we wipe out da Amor guys!
We wipe out Heshbon, an Dibon too!
We bus um up all da way to Nofah,
An go all da way to Medeba.”
31So den, da Israel peopo live dea wea da Amor peopo wen live befo time.
32Afta Moses sen spy guys Jazer side fo scope um out, da Israel peopo take ova da towns aroun dea, an take away da land from da Amor peopo dat stay ova dea. 33Den dey turn fo go north side up da road dat go Bashan. Og, da king fo Bashan, an all his army go out fo fight dem by Edrei.
34Da One In Charge tell Moses, “No sked Og dem, cuz I goin let you guys win ova dem an take ova dea land. Make to him jalike you guys wen do to Sihon, da king Heshbon side.”
35So dey bus up Og, an his boys, an all his peopo. No mo nobody stay alive dea. An dey take ova his land.
Currently Selected:
Census 21: HPB
Highlight
Copy
Compare
Share
Want to have your highlights saved across all your devices? Sign up or sign in
©2020 Hawaii Pidgin Bible Ministries
hawaiipidginbible.org
Learn More About Hawaii Pidgin Bible