SALMOS 93
93
1X̱anžo Dios nake' Benne' Wnná Bia' Ẕen, na' nakwe' da' záka'ḻe'en.
Da' nžejw ḻi'e naken yeḻa' wak ẕen.
Bzoa choche' yežlyó nga, na' bi gak no benne' wtén'.
2Gan ži'o ẕnna bi'o, X̱anto' Dios, wzóa chochen ža ni'te
na' Le' zoakzo' to chi'ize.
3Žónḻe'egak yegw ka' žax̱to', X̱anto' Dios.
Žónḻe'egaken žax̱to', na' ẕnnégaken zižje.
4X̱anžon', Bennen' zoe' ya'abá, napže' yeḻa' wak
ka nak da' zej nape yegw ka' žónḻe'egaken žax̱to',
na' ka nak da' nape nis ẕgo'nen che nisdo'.
5Chochḻe'e zej nak da' ka' wnnakzo', X̱anto' Dios.
La'y nakkze yodo' chio' to chi'ize.
Currently Selected:
SALMOS 93: zty
Highlight
Share
Compare
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.
