Zacarías 9
9
Israel nacionpa vecïnun nacionkunapaq willakunqan
1Këchömi qellqarëkan Teyta Diospa willakïnin Hadrac markachö täraq nunakunapaq y Damasco markachö täraq nunakunapaq.#Isa. 17.1-3; Jer. 49.23-27; Amós 1.3-5. Llapan trïbu Israel nunakuna imanö kawayashqanta Teyta Dios rikashqannömi Siriachö täraq nunakunatapis rikëkan. 2Damascupa colindaqninchö täraq Hamat nunakunata, Tiro nunakunata y Sidón nunakunatapis mëläya yachaq kayaptinpis pëmi juzgananpaq rikëkan.#Isa. 23.1-18; Eze. 26.1—28.26; Joel 3.4-8; Amós 1.9-10; Mat. 11.21-22; Luc. 10.13-14.
3Tiro nunakunaqa markankunata tsapayänanpaqmi altu murällata sharkatsiyashqa. Alläpa rïcu kayänanpaqmi allpatanöraq qellëta ëlluyashqa y leqitatanöraq qorita ëlluyashqa. 4Tsënö këkaqtam Teyta Diosqa muchïwan castiganqa. Llapan riquëzankunatapis lamarman jitarirmi markankunata chipyëpa kayëkunqa.
5Tsëta rikëkurmi Ascalón markachö täraqkunaqa alläpa mantsakäyanqa. Gaza nunakunapis alläpa llakikurmi tsuktsukyäyanqa. Pipis yanapananpaq manana kaptinmi Ecrón nunakunapis alläpa llakikuyanqa. Gaza markapa mandakuqnintapis wanuratsiyanqam. Ascalón markapis chusyaqmi tikrarinqa. 6Asdod markachöpis juk lädu nunakunam täräyanqa.
Teyta Diosmi kënö nin: <<Puëdiq tukuyashqanpitam filisteo#9.6 Ascalón, Gaza, Ecrón y Asdod markakunaqa filisteo nunakuna täräyashqan markam karqan. nunakunata castigashaq.#Isa. 14.29-31; Jer. 47.1-7; Eze. 25.15-17; Joel 3.4-8; Amós 1.6-8; Sof. 2.4-7. 7Yawaryuq ëtsata mikïkäyashqantapis shiminkunapitam qochishaq. Ïdulukunapaq kankayashqan sacrificiuta mikïkäyaptinmi qochishaq.
<<Kawëkar quedaq nunakunaqa noqata sirwiyämarmi Judá nunakunanöna kayanqa. Ecrón nunakunaqa jebuseo#9.7 Jebuseo nunakunaqa Jerusalénchö täräyarqan Israel nunakuna tsëchö manaraq täräyaptinmi. Jebuseo nunakunata ushakätsinanpa rantinqa Israel nunakuna jaqiriyarqan pëkunawan juntu täräyänanpaq. Tsëpita masta musyanëkipaq leyinki 2Sam. 5.6-7; 24.18; 1Rey. 9.20-21. nunakunanömi kayanqa.
8<<Templüta pipis mana atacananpaq kikïmi cuidashaq. Kuyashqä nunakunata pipis mana jipatsinanpaq kikïmi cuidashaq>>.
Siónman rey chaptin alabayanqan
9<<¡Sión nunakuna, alläpa kushikuyë!
¡Jerusalén nunakuna, kushikur qotsuyë!#Sof. 3.14-15.
Rikäyë mandakuqniki rey shamïkaqta.
Pëmi allillata ruraq salvashuqniki këkan.
Qollmi shonqu karmi ashnun montashqa shamïkan.
Pollïnun montashqam shamïkan.#Mat. 21.5-6; Juan 12.14-15.
10<<Pëmi Efraín nunakunapa guërra carrëtankunatapis ushakätsinqa.
Jerusalénchö guërrapaq kaq cawallukunatapis ushakätsinqam.
Guërrata rurayänanpaq flëchankunatapis llapantam ushakätsinqa.
Pëmi jinantin nacionchö täraq nunakunapaq alli kawakïta apamunqa.
Lamar kuchunpita juk kaq kuchunyaqmi kë patsachö täraq nunakunata mandanqa.
Tsënöllam mandakunqa Éufrates mayupita hasta kë patsa kuchunyaq.#Sal. 72.8.
11<<Jerusalén nunakuna, yawarta ramar pactu rurashqantsikta yarparmi yanapayashqëki.#Éxo. 24.8; Mat. 26.28; Mar. 14.24; Heb. 9.20.
Yakunnaq jatun pözuchönö prësu këkäyashqëkipitam jorqayämushqëki.
12¡Juk lädu nacionchö tärarpis kutikamïta yarparqa nacionnikikunaman kutikayämïna!
Alläpa jipayashqëkipita ishkë kuti mastam bendicionnïta churamushaq.
13Judá nunakuna, flëchana arcünömi kayanki.
Efraín nunakuna, flëchänömi kayanki.
Sión nunakuna, espädänömi kayanki.
Qamkunatam kachayashqëki Grecia nunakunata podernikiman churayänëkipaq>>.
14Kuyashqan nunakunaman Teyta Dios shamurmi flëchankunatapis imëka räyu janraraqtanöraq contrankunaman flëchëkärinqa.
Puëdiq Teyta Diosmi cornëtanta tocar sur kaq lädupita löcu vientunö shamunqa contrankunata ushakätsinanpaq.
15Kuyashqan nunakunatam llapanta mandaq Teyta Dios tsapanqa.
Tsapaptinmi contrankuna warakarpis ratatsiyanqatsu.
Tsëmi kuyashqan nunakuna kushikurnin imëka machashqa nunanö büllata rurayanqa.
Chikiqninkunata wanuratsirmi yawarninkunawan pichushqa kayanqa.
Sacrificiupaq apayashqan yawar tazonchö junta winarëkaqnömi y altarpa waqrankunachö yawar pichushqanömi chikiqninkunapa yawarninwan pichukushqa kayanqa.
16Tsë junaqqa Teyta Diosmi kuyashqan nunakunata salvanqa.
Mitsikuq nuna üshankunata salvashqannömi pëkunatapis salvanqa.
Kuyashqan nunakunaqa corönachö kuyëllapaq adornunömi nacionninkunachö kayanqa.
17Täräyashqan nacionmi imëpis täkï munë y kuyëllapaq kanqa.
Trïgupis y mushuq vïnupis atskam kanqa.
Tsëchömi ollqu wamrakunapis y warmi wamrakunapis kuyëllapaq winayanqa.#Jer. 31.12.
Currently Selected:
Zacarías 9: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
