Zacarías 3

Josuépa ratashninta trocatsiqta revelacionchö rikanqan

1Tsëpitanam Teyta Dios rikätsimarqan sumo sacerdöti Josuéta.#Esd. 5.2. Pëqa shëkarqan Teyta Diospa angelnin lädunchömi. Josuépa allawka kaq lädunchömi Satanás këkarqan Josuéta acusarnin.#1Crón. 21.1; Job 1.6; Apoc. 12.10. 2Acusaptinmi Teyta Diospa angelnin kënö nirqan: <<¡Teyta Diosmi upälläkunëkipaq nikäshunki, Satanás!#1Juan 2.1; Jud. 9. ¡Jerusalénta akraq Teyta Diosmi upälläkunëkipaq nikäshunki! Kë nunaqa ¿manaku rawrëkaq ninapita jorqushqa shanshëkaq carbonnö këkan?>>

3Josuéqa alläpa rakcha ratashnin yakashqam angelpa lädunchö shëkarqan. 4Tsëmi yanapaqninkunata ángel ordenarqan: <<Yakarëkashqan rakcha ratashninta qotutsiyë>> nir.#3.4 Kë textuchö rakcha ratashninqa jutsankunam këkan. Qotutsishqanqa perdonashqanmi këkan.

Tsëpitanam Josuéta kënö nirqan: <<Llapan jutsëkipitam perdonarquq. Kananqa kuyëllapaq ratashta yakatsiyäshunëkipaqmi nishaq>>.#Apoc. 19.8.

5Tsëpitanam kënö nirqan: <<Sumo sacerdöti yakakunan limpiu görrata Josuéta yakatsiyë>>.

Tsënam limpiu görrata yakatsiyarqan. Tsënöllam kuyëllapaq ratashtapis yakatsiyarqan. Tsënö yakatsiyaptinmi Teyta Diospa angelnin lädunchö shëkarqan.

6Yakaratsiyaptinnam Josuéta Teyta Diospa angelnin kënö nirqan: 7<<Llapanta mandaq Teyta Diosmi nin: <Llapan nishqäta cäsumaptikiqa templüta y patiüta täpanëkipaqmi churashqëki. Tsënöllam churashqëki sirwimaq angelnïkunanö kanëkipaq.

8<< <Sumo sacerdöti Josué, qampis y sacerdöti mayikikunapis shumaq wiyayämë. Qamkunaqa señalnömi këkäyanki.#3.8 Qamkunaqa señalnömi këkäyanki ninanqa qamkuna sirwiyämaptikim nunakuna tantiyayanqa yanapëkashqäta ninanmi. Tsënö kayaptikim Renuevo nishqan sirwimaqnï nunata#Jer. 23.5-6; 33.15-16; Zac. 6.12. kachamushaq.

9<< <Josué, nöpëkiman churashqä rumita rikë. Tsë rumiqa qanchis nawiyuqmi këkan. Tsë rumimanqa kikïmi qellqashaq. Tsëmi juk junaqllachö nunakunapa jutsankunata perdonashaq. Noqa llapanta mandaq Teyta Diosmi tsënö nï. 10Tsë junaqqa jukniki jukniki üvas montiki chakinchö y hïgus montiki chakinchö vecïnïkikunawan kushishqa täkuriyanki.#Miq. 4.4. Noqa llapanta mandaq Teyta Diosmi tsënö nï> >>.

Currently Selected:

Zacarías 3: qwhB

Highlight

Copy

Compare