Zacarías 14
14
Teyta Dios shamurnin mandakunanpaq ninqan
1Jerusalén nunakuna, Teyta Dios juzgayäshunëkipaq kaq junaq chämunqanam. Rikëkäyaptikim chikiyäshuqniki nación nunakuna venciyäshurniki imëkëkitapis qochiyäshushqëkita rakinakuyanqa.
2Jerusalénta atacayänanpaqmi llapan nación nunakunata Teyta Dios apamunqa. Tsë nunakunam Jerusalénman yëkïkur tsëchö wayikunapita imëkantapis apakuyanqa. Warmikunatanam violar ushayanqa. Jerusalénchö täraq nunakunatam pullanta prësu apakuyanqa. Wakinllanam markankunachö quedariyanqa.
3Tsënam kikin Teyta Dios pelyanqa tsë nacionkunawan. Israel nunakunata unë yanapar pelyashqannömi tsë nacionkunapa contran pelyanqa. 4Tsë junaqmi Jerusalén tsimpan inti yarqamunan kaq lädu Olivos jirkachö Teyta Dios shäkurinqa. Tsëchö shäraptinmi Olivos jirka ishkëman partikanqa. Partikaptinmi jatun uran tikrarinqa inti yarqamunanpita hasta inti jeqashqanyaq. Pullan jirkam norti kaq lädupa rakikanqa y pullan kaqnam sur kaq lädupa. 5Qamkunanam safar ëwayanki tsë ishkan jirka chöpin uranpa Azal partiyaq chäyanqëkiyaq. Judá nacionpa reynin Uzías kashqan witsan temblor kaptin unë castëkikuna safayashqannömi qamkunapis safayanki. Tsë höram Teyta Diosqa shamunqa santu angelninkunawan.
6Tsë junaqqa manam kanqatsu atsikyëpis, alalëpis ni qajapupis. 7Manam paqaspis ni junaqpis kanan kashqannötsu kanqa, sinöqa paqas kaptinpis junaqnöllam atsikyëkanqa. Tsë junaqnöqa manam imëpis kashqatsu ni kanqanatsu. Teyta Diosllam musyan tsë junaq imanö kananpaq kashqantapis.#Isa. 24.23; Apoc. 22.5.
8Tsëmi usya tiempupis y tamya tiempupis tsuya yaku Jerusalénpita yarqamunqa.#Eze. 47.1-12; Juan 7.38; Apoc. 22.1-2. Pullan yakum chanqa inti yarqamunan kaq lädu lamaryaq#14.8a Inti yarqamunan kaq lädu lamarqa Kachi Lamarmi këkan. Pullan yakunam chanqa inti jeqanan kaq lädu lamaryaq.#14.8b Inti jeqanan kaq lädu lamarqa Mediterráneo Lamarmi këkan.
9Tsë junaqmi Teyta Dioslla kë jinantin patsachö rey kanqa. Tsëmi jinantinchö pëllata alabayanqa.
10Jinantin Judá nación pasëpa pampallam tikranqa Gebapita hasta Jerusalénpa sur kaq lädunchö këkaq Rimón partiyaq. Jerusalénnam jirka janachöna quedarinqa. Jerusalénchömi nunakuna täräyanqa Benjamín Punkupita hasta Unë Punku shutiyuq punku kashqanyaq. Tsë Unë Punkupa shutinmi kananqa këkan Esquïna Punku. Tsënöllam täräyanqa Hananeelpa rikachakunan törripita hasta reypaq üvasta jaluyänan partiyaq. 11Tsëmi Jerusalénchö nunakuna junta täräyanqa. Mananam ima maldicionpis pëkunapaq kanqanatsu, sinöqa yamënam täräyanqa.
12Jerusalén nunakunata atacayashqanpitam llapan contran nación nunakunata Teyta Dios mantsaripaq feyu qeshyawan castiganqa. Tsë qeshyawanqa kawëkaptinllam ëtsankunapis y nawinkunapis ismunqa. Tsënöllam qallunkunapis shiminllachö ismunqa. 13Tsë witsanmi Teyta Dios tsë nunakunata alläpa mantsakëman churanqa. Tsëmi kikinkunapura chikinakur pelyayanqa.
14Jerusalénta defendir pelyayänanpaqmi Judá parti markakunachö täraq nunakuna Jerusalénman shayämunqa. Lädun nacionkunachö täraq nunakunata vencïkurmi tsëtsika riquëzankunata qochiyanqa. Tsë riquëzakunam kanqa tsëtsika qellë, qori y ratashkuna. 15Chikiqninkunapa toldunkuna kashqanchö këkaq cawallukunata, mulakunata, camëllukunata, ashnukunata y wakin wätakunatapis mantsëpaq qeshyam usharinqa. Tsë qeshyaqa nunankunata tsarishqan qeshyallam kanqa.#Zac. 14.12.
16Jerusalén nunakunawan pelyayashqanpita kawëkar quedaq juk lädu nación nunakunaqa cada watam Jerusalénman shayämunqa puëdiq rey Teyta Diosta adorayänanpaq. Tsëchö adorarmi Ramäda fiestata rurayanqa.#Lev. 23.39-43; Deut. 16.13-17.
17Mëqan nación karpis llapanta mandaq Teyta Diosta adorayänanpaq Jerusalénman mana shamuptinqa tsë nacionchö manam tamya kanqatsu. 18Egiptupita karpis Ramäda fiestata rurayänanpaq mana shamuptinqa Teyta Diosmi wakin nacionkunata castigashqannölla castiganqa. Tsëmi pëkunapaqpis tamya kanqatsu. 19Tsënömi castiganqa Egipto nunakuna y mëqan nación nunakunapis Ramäda fiestata rurayänanpaq mana shayämuptinqa.
20Tsë witsanmi cawallukuna wallqarëkashqan campanillakunachöpis qellqaranqa: <<Teyta Diospaq santum>> nir. Teyta Diospa wayin templuchö arukuyänanpaq kaq mankakunapis altarpa nöpanchö këkaq tazonkunanö santum kayanqa. 21Jinantin Jerusalénchöpis y Judáchöpis llapan mankakunam llapanta mandaq Teyta Diospaq santu kayanqa. Santu kayaptinmi pipis adorayänanpaq shamur tsë mankakunawan apayämushqan sacrificiuta aruyanqa. Tsë witsanqa llapanta mandaq Teyta Diospa templunchö rantikuqkuna manam kayanqanatsu.
Currently Selected:
Zacarías 14: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Zacarías 14
14
Teyta Dios shamurnin mandakunanpaq ninqan
1Jerusalén nunakuna, Teyta Dios juzgayäshunëkipaq kaq junaq chämunqanam. Rikëkäyaptikim chikiyäshuqniki nación nunakuna venciyäshurniki imëkëkitapis qochiyäshushqëkita rakinakuyanqa.
2Jerusalénta atacayänanpaqmi llapan nación nunakunata Teyta Dios apamunqa. Tsë nunakunam Jerusalénman yëkïkur tsëchö wayikunapita imëkantapis apakuyanqa. Warmikunatanam violar ushayanqa. Jerusalénchö täraq nunakunatam pullanta prësu apakuyanqa. Wakinllanam markankunachö quedariyanqa.
3Tsënam kikin Teyta Dios pelyanqa tsë nacionkunawan. Israel nunakunata unë yanapar pelyashqannömi tsë nacionkunapa contran pelyanqa. 4Tsë junaqmi Jerusalén tsimpan inti yarqamunan kaq lädu Olivos jirkachö Teyta Dios shäkurinqa. Tsëchö shäraptinmi Olivos jirka ishkëman partikanqa. Partikaptinmi jatun uran tikrarinqa inti yarqamunanpita hasta inti jeqashqanyaq. Pullan jirkam norti kaq lädupa rakikanqa y pullan kaqnam sur kaq lädupa. 5Qamkunanam safar ëwayanki tsë ishkan jirka chöpin uranpa Azal partiyaq chäyanqëkiyaq. Judá nacionpa reynin Uzías kashqan witsan temblor kaptin unë castëkikuna safayashqannömi qamkunapis safayanki. Tsë höram Teyta Diosqa shamunqa santu angelninkunawan.
6Tsë junaqqa manam kanqatsu atsikyëpis, alalëpis ni qajapupis. 7Manam paqaspis ni junaqpis kanan kashqannötsu kanqa, sinöqa paqas kaptinpis junaqnöllam atsikyëkanqa. Tsë junaqnöqa manam imëpis kashqatsu ni kanqanatsu. Teyta Diosllam musyan tsë junaq imanö kananpaq kashqantapis.#Isa. 24.23; Apoc. 22.5.
8Tsëmi usya tiempupis y tamya tiempupis tsuya yaku Jerusalénpita yarqamunqa.#Eze. 47.1-12; Juan 7.38; Apoc. 22.1-2. Pullan yakum chanqa inti yarqamunan kaq lädu lamaryaq#14.8a Inti yarqamunan kaq lädu lamarqa Kachi Lamarmi këkan. Pullan yakunam chanqa inti jeqanan kaq lädu lamaryaq.#14.8b Inti jeqanan kaq lädu lamarqa Mediterráneo Lamarmi këkan.
9Tsë junaqmi Teyta Dioslla kë jinantin patsachö rey kanqa. Tsëmi jinantinchö pëllata alabayanqa.
10Jinantin Judá nación pasëpa pampallam tikranqa Gebapita hasta Jerusalénpa sur kaq lädunchö këkaq Rimón partiyaq. Jerusalénnam jirka janachöna quedarinqa. Jerusalénchömi nunakuna täräyanqa Benjamín Punkupita hasta Unë Punku shutiyuq punku kashqanyaq. Tsë Unë Punkupa shutinmi kananqa këkan Esquïna Punku. Tsënöllam täräyanqa Hananeelpa rikachakunan törripita hasta reypaq üvasta jaluyänan partiyaq. 11Tsëmi Jerusalénchö nunakuna junta täräyanqa. Mananam ima maldicionpis pëkunapaq kanqanatsu, sinöqa yamënam täräyanqa.
12Jerusalén nunakunata atacayashqanpitam llapan contran nación nunakunata Teyta Dios mantsaripaq feyu qeshyawan castiganqa. Tsë qeshyawanqa kawëkaptinllam ëtsankunapis y nawinkunapis ismunqa. Tsënöllam qallunkunapis shiminllachö ismunqa. 13Tsë witsanmi Teyta Dios tsë nunakunata alläpa mantsakëman churanqa. Tsëmi kikinkunapura chikinakur pelyayanqa.
14Jerusalénta defendir pelyayänanpaqmi Judá parti markakunachö täraq nunakuna Jerusalénman shayämunqa. Lädun nacionkunachö täraq nunakunata vencïkurmi tsëtsika riquëzankunata qochiyanqa. Tsë riquëzakunam kanqa tsëtsika qellë, qori y ratashkuna. 15Chikiqninkunapa toldunkuna kashqanchö këkaq cawallukunata, mulakunata, camëllukunata, ashnukunata y wakin wätakunatapis mantsëpaq qeshyam usharinqa. Tsë qeshyaqa nunankunata tsarishqan qeshyallam kanqa.#Zac. 14.12.
16Jerusalén nunakunawan pelyayashqanpita kawëkar quedaq juk lädu nación nunakunaqa cada watam Jerusalénman shayämunqa puëdiq rey Teyta Diosta adorayänanpaq. Tsëchö adorarmi Ramäda fiestata rurayanqa.#Lev. 23.39-43; Deut. 16.13-17.
17Mëqan nación karpis llapanta mandaq Teyta Diosta adorayänanpaq Jerusalénman mana shamuptinqa tsë nacionchö manam tamya kanqatsu. 18Egiptupita karpis Ramäda fiestata rurayänanpaq mana shamuptinqa Teyta Diosmi wakin nacionkunata castigashqannölla castiganqa. Tsëmi pëkunapaqpis tamya kanqatsu. 19Tsënömi castiganqa Egipto nunakuna y mëqan nación nunakunapis Ramäda fiestata rurayänanpaq mana shayämuptinqa.
20Tsë witsanmi cawallukuna wallqarëkashqan campanillakunachöpis qellqaranqa: <<Teyta Diospaq santum>> nir. Teyta Diospa wayin templuchö arukuyänanpaq kaq mankakunapis altarpa nöpanchö këkaq tazonkunanö santum kayanqa. 21Jinantin Jerusalénchöpis y Judáchöpis llapan mankakunam llapanta mandaq Teyta Diospaq santu kayanqa. Santu kayaptinmi pipis adorayänanpaq shamur tsë mankakunawan apayämushqan sacrificiuta aruyanqa. Tsë witsanqa llapanta mandaq Teyta Diospa templunchö rantikuqkuna manam kayanqanatsu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.