Zacarías 13
13
Judá nunakuna Teyta Dios munanqannö kawakuyänanpaq ninqan
1<<Tsëpinmi pukyupita pashtamuq yakuwan paqaqnö Davidpita miraqkunapa y Jerusalénchö täraq nunakunapa jutsankunata perdonashaq>>.#Eze. 47.1-12; Joel 3.18; Juan 4.10-14; 7.38; Apoc. 22.1-2.
2Llapanta mandaq Teyta Diosmi nin: <<Tsë witsanmi kë jinantin nacionchö ïdulukunata ushakätsishaq. Tsëmi qepa yuriqkuna tsë ïdulukunapa shutinkunatapis musyayanqanatsu. Tsënöllam uli profëtakunatapis y llutanta yarpätsiq supëkunatapis ushakätsishaq. 3Noqapa shutïchö manakaqta pipis willakuptinqa kikinkunapa tëtan y mamäninmi kënö niyanqa: <¡Qamqa wanunkim! ¡Kikikipa yarpënikillapitam Teyta Diospa willakïninta willakïkanki!> Tsënö nirmi llutanta willakïkaqta kikinpa mamänin y tëtan tuksiyanqa.
4<<Tsë witsanmi llapan uli profëtakuna pasëpa penqakuyanqa ulikurkur manakaqkunata willakuyashqanpita. Tsëmi profëtakuna aqshukuyänan qaratsapita rurashqa mantuta imëpis aqshukuyanqanatsu ni profëta tukuyanqanatsu. 5Tsëpa rantinmi kënö niyanqa: <Noqaqa manam profëtatsu kä. Lluta nunalla karmi wamra kashqäpita patsa chakrallachö winakurqü>. 6Pipis <¿imanirtaq cuerpïkiqa roqushqa këkan?>#13.6 Baalpa profëtankuna roqukuyashqanta musyanëkipaq leyiyanki 1Rey. 18.28. nir tapuyaptinpis kënömi niyanqa: <Tsëtaqa yanasäkunapa wayinchö uryarmi malograkurqü> >>.
7Llapanta mandaq Teyta Diosmi nin:
<<Espäda, üshata mitsinanpaq churashqä yanasäpa contran tikrë.
Üsha mitsiqta wanuratsiptïmi üshankuna wakpa këpa ewkuyanqa.#Mat. 26.31; Mar. 14.27.
Achkaskunatapis ushakätsishaqmi.
8Tsëmi kë nacionchö tëkaqkunaqa pullanpita mas wanuyanqa.
Wakin kaqllanam kawëkar quedayanqa.
9Kawëkar quedaqkunataqa jutsannaq kayänanpaqmi purificäshaq.
Qellëta ninawan fundiqnömi y qoripa rakchanta ninawan jorquqnömi pëkunata purificäshaq.#Isa. 1.25; 48.10.
Pëkuna mañakayämaptinmi wiyashaq.#Ose. 2.23.
Pëkunatam kënö nishaq: <Qamkunaqa kuyashqä wamräkunam kayanki>.
Pëkunanam kënö niyämanqa: <Noqakunapa Diosnïkunaqa qammi kanki> >>.
Currently Selected:
Zacarías 13: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Zacarías 13
13
Judá nunakuna Teyta Dios munanqannö kawakuyänanpaq ninqan
1<<Tsëpinmi pukyupita pashtamuq yakuwan paqaqnö Davidpita miraqkunapa y Jerusalénchö täraq nunakunapa jutsankunata perdonashaq>>.#Eze. 47.1-12; Joel 3.18; Juan 4.10-14; 7.38; Apoc. 22.1-2.
2Llapanta mandaq Teyta Diosmi nin: <<Tsë witsanmi kë jinantin nacionchö ïdulukunata ushakätsishaq. Tsëmi qepa yuriqkuna tsë ïdulukunapa shutinkunatapis musyayanqanatsu. Tsënöllam uli profëtakunatapis y llutanta yarpätsiq supëkunatapis ushakätsishaq. 3Noqapa shutïchö manakaqta pipis willakuptinqa kikinkunapa tëtan y mamäninmi kënö niyanqa: <¡Qamqa wanunkim! ¡Kikikipa yarpënikillapitam Teyta Diospa willakïninta willakïkanki!> Tsënö nirmi llutanta willakïkaqta kikinpa mamänin y tëtan tuksiyanqa.
4<<Tsë witsanmi llapan uli profëtakuna pasëpa penqakuyanqa ulikurkur manakaqkunata willakuyashqanpita. Tsëmi profëtakuna aqshukuyänan qaratsapita rurashqa mantuta imëpis aqshukuyanqanatsu ni profëta tukuyanqanatsu. 5Tsëpa rantinmi kënö niyanqa: <Noqaqa manam profëtatsu kä. Lluta nunalla karmi wamra kashqäpita patsa chakrallachö winakurqü>. 6Pipis <¿imanirtaq cuerpïkiqa roqushqa këkan?>#13.6 Baalpa profëtankuna roqukuyashqanta musyanëkipaq leyiyanki 1Rey. 18.28. nir tapuyaptinpis kënömi niyanqa: <Tsëtaqa yanasäkunapa wayinchö uryarmi malograkurqü> >>.
7Llapanta mandaq Teyta Diosmi nin:
<<Espäda, üshata mitsinanpaq churashqä yanasäpa contran tikrë.
Üsha mitsiqta wanuratsiptïmi üshankuna wakpa këpa ewkuyanqa.#Mat. 26.31; Mar. 14.27.
Achkaskunatapis ushakätsishaqmi.
8Tsëmi kë nacionchö tëkaqkunaqa pullanpita mas wanuyanqa.
Wakin kaqllanam kawëkar quedayanqa.
9Kawëkar quedaqkunataqa jutsannaq kayänanpaqmi purificäshaq.
Qellëta ninawan fundiqnömi y qoripa rakchanta ninawan jorquqnömi pëkunata purificäshaq.#Isa. 1.25; 48.10.
Pëkuna mañakayämaptinmi wiyashaq.#Ose. 2.23.
Pëkunatam kënö nishaq: <Qamkunaqa kuyashqä wamräkunam kayanki>.
Pëkunanam kënö niyämanqa: <Noqakunapa Diosnïkunaqa qammi kanki> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.