Romanos 6
6
Jutsata mana ruranantsikpaq käyitsikunqan
1Tsënö kaptinqa Teyta Dios mas ankupämänantsikpaq ¿jutsata rurakurtsuraq kawashwan? 2¡Manam! Noqantsikqa jutsa rurëpaq wanushqanönam këkantsik. Tsënö këkarqa ¿imanöparaq jutsata rurar kawakushwan?
3¿Manaku musyayanki Jesucristo cruzchö wanushqannö noqantsikpis bautizakur jutsa rurëpaq wanushqanöna këkashqantsikta? 4Bautizakushqantsik höram Jesucristuwan pampakashqanö karquntsik. Tsëpitam Jesucristuta Teyta Dios poderninwan kawaritsishqannö noqantsiktapis mushuq kawëta qomarquntsik.#Col. 2.12. 5Jesucristo wanushqannö noqantsikpis jutsa rurëpaq wanushqa këkarqa pë kawarimushqannömi kawarimushun.
6Shumaq käyikushun. Unë kawënintsikqa Jesucristuwan cruzchö wanushqanam këkan. Tsëmi kananqa jutsapa munëninchönatsu këkantsik.#Gál. 2.20. 7Wanushqakuna jutsata manana rurayashqannömi noqantsikpis jutsata mana rurashpana kawanantsik. 8Tsëmi kananqa Jesucristuwan wanushqana kar musyantsik pëpa makinchöna kawanantsikpaq kashqanta.
9Tsënöllam musyantsik Jesucristo kawarimushqana kar imëpis manana wanunanpaq kashqanta. Pëqa wanïta vencishqanam. 10Juk kutilla wanurmi jutsa rurëpita jorqamänantsikpaq wanurqan. Kananqa Teyta Diospa nöpanchönam kawëkan. 11Tsënölla qamkunapis jutsa rurëpaq wanushqanöna kayë. Kananqa [Señornintsik] Jesucristuchö kar Teyta Dios munashqannö kawayë.
12Tsënö këkaptinqa jutsapa munëninchö amana kawayëtsu. Shonqïkikuna jutsaman apayäshuptikipis ama rurayëtsu. 13Llutan rurëkunamanpis ama yakakäyëtsu. Wanuyashqëkipita kawarimushqanö këkarqa Teyta Diospa munëninchöna kawayë. Llapan cuerpïkipis Teyta Diosllapaqna katsun. 14Manam Teyta Diospa leyninkunata cumpliyashqëkiman markäkurtsu salvakuyanki, sinöqa ankupäkuq këninman markäkurmi. Tsënö karqa manam jutsapa munëninchönatsu këkäyanki.
Teyta Dios patronnintsik kanqanta käyitsinqan
15Ankupäkuq Teyta Diosman markäkurlla salvacionta chaskikarqa ¿jutsata rurakullartsuraq kawakushun? ¡Manam! 16Jutsata rurakurlla kawashqaqa jutsa rurëmi patronnintsik. Sirwiqninta llapan munashqanta patrón ruratsishqannömi jutsa rurëpis patronnintsik kar munashqanta ruratsimantsik. Tsënö kawarqa castigashqam kashun. Teyta Dios patronnintsik kaptinqa salvakuntsikmi.
17Nöpataqa jutsa rurëmi qamkunapa patronnikikuna karqan. Tsënö kaptinpis Jesucristupa willakïninta llapan shonqïkikunawan chaskishqa karmi kananqa Jesucristupa munëninchöna këkäyanki. Tsëmi Teyta Diosta payllä nikü. 18Jutsapa munëninpita librina karmi Teyta Dios munashqanta rurarna kawëkäyanki.
19Patronman iwalatsikïpa tsënö parlëkä shumaq käyiyänëkipaqmi. Nöpataqa jutsapa munëninchö karmi melanëpaq kaqkunata rurar kawayarqunki. Kananqa amana tsënö kawayënatsu, sinöqa jutsata mana rurashpa Teyta Dios munashqannöna kawayë.
20Jutsapa munëninchö karqa Teyta Diosta mana cäsukushpam kawayarqëki. 21Teyta Diosta mana cäsukur ¿ima allitataq jorquyarqunki? Käyikuyaptikiqa tsë llutan rurayashqëkikuna llapanpis penqakïpaqmi këkan. Tsënö kawayashqëkipitam wanuyanki.
22Kananqa jutsa rurëpita librina karmi Teyta Diospa munëninchöna kawëkäyanki. Tsëmi pë munashqannö kawayänëkipaq yanapëkäyäshunki y pëpa nöpanchömi wiñëpa kawayanki. 23Jutsa rurëqa wanïmanmi apamantsik. Señornintsik Jesucristo noqantsik rëkur wanushqa kaptinmi Teyta Dios alli këninwan salvamantsik nöpanchö wiñëpa kawanantsikpaq.#Prov. 12.28.
Currently Selected:
Romanos 6: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanos 6
6
Jutsata mana ruranantsikpaq käyitsikunqan
1Tsënö kaptinqa Teyta Dios mas ankupämänantsikpaq ¿jutsata rurakurtsuraq kawashwan? 2¡Manam! Noqantsikqa jutsa rurëpaq wanushqanönam këkantsik. Tsënö këkarqa ¿imanöparaq jutsata rurar kawakushwan?
3¿Manaku musyayanki Jesucristo cruzchö wanushqannö noqantsikpis bautizakur jutsa rurëpaq wanushqanöna këkashqantsikta? 4Bautizakushqantsik höram Jesucristuwan pampakashqanö karquntsik. Tsëpitam Jesucristuta Teyta Dios poderninwan kawaritsishqannö noqantsiktapis mushuq kawëta qomarquntsik.#Col. 2.12. 5Jesucristo wanushqannö noqantsikpis jutsa rurëpaq wanushqa këkarqa pë kawarimushqannömi kawarimushun.
6Shumaq käyikushun. Unë kawënintsikqa Jesucristuwan cruzchö wanushqanam këkan. Tsëmi kananqa jutsapa munëninchönatsu këkantsik.#Gál. 2.20. 7Wanushqakuna jutsata manana rurayashqannömi noqantsikpis jutsata mana rurashpana kawanantsik. 8Tsëmi kananqa Jesucristuwan wanushqana kar musyantsik pëpa makinchöna kawanantsikpaq kashqanta.
9Tsënöllam musyantsik Jesucristo kawarimushqana kar imëpis manana wanunanpaq kashqanta. Pëqa wanïta vencishqanam. 10Juk kutilla wanurmi jutsa rurëpita jorqamänantsikpaq wanurqan. Kananqa Teyta Diospa nöpanchönam kawëkan. 11Tsënölla qamkunapis jutsa rurëpaq wanushqanöna kayë. Kananqa [Señornintsik] Jesucristuchö kar Teyta Dios munashqannö kawayë.
12Tsënö këkaptinqa jutsapa munëninchö amana kawayëtsu. Shonqïkikuna jutsaman apayäshuptikipis ama rurayëtsu. 13Llutan rurëkunamanpis ama yakakäyëtsu. Wanuyashqëkipita kawarimushqanö këkarqa Teyta Diospa munëninchöna kawayë. Llapan cuerpïkipis Teyta Diosllapaqna katsun. 14Manam Teyta Diospa leyninkunata cumpliyashqëkiman markäkurtsu salvakuyanki, sinöqa ankupäkuq këninman markäkurmi. Tsënö karqa manam jutsapa munëninchönatsu këkäyanki.
Teyta Dios patronnintsik kanqanta käyitsinqan
15Ankupäkuq Teyta Diosman markäkurlla salvacionta chaskikarqa ¿jutsata rurakullartsuraq kawakushun? ¡Manam! 16Jutsata rurakurlla kawashqaqa jutsa rurëmi patronnintsik. Sirwiqninta llapan munashqanta patrón ruratsishqannömi jutsa rurëpis patronnintsik kar munashqanta ruratsimantsik. Tsënö kawarqa castigashqam kashun. Teyta Dios patronnintsik kaptinqa salvakuntsikmi.
17Nöpataqa jutsa rurëmi qamkunapa patronnikikuna karqan. Tsënö kaptinpis Jesucristupa willakïninta llapan shonqïkikunawan chaskishqa karmi kananqa Jesucristupa munëninchöna këkäyanki. Tsëmi Teyta Diosta payllä nikü. 18Jutsapa munëninpita librina karmi Teyta Dios munashqanta rurarna kawëkäyanki.
19Patronman iwalatsikïpa tsënö parlëkä shumaq käyiyänëkipaqmi. Nöpataqa jutsapa munëninchö karmi melanëpaq kaqkunata rurar kawayarqunki. Kananqa amana tsënö kawayënatsu, sinöqa jutsata mana rurashpa Teyta Dios munashqannöna kawayë.
20Jutsapa munëninchö karqa Teyta Diosta mana cäsukushpam kawayarqëki. 21Teyta Diosta mana cäsukur ¿ima allitataq jorquyarqunki? Käyikuyaptikiqa tsë llutan rurayashqëkikuna llapanpis penqakïpaqmi këkan. Tsënö kawayashqëkipitam wanuyanki.
22Kananqa jutsa rurëpita librina karmi Teyta Diospa munëninchöna kawëkäyanki. Tsëmi pë munashqannö kawayänëkipaq yanapëkäyäshunki y pëpa nöpanchömi wiñëpa kawayanki. 23Jutsa rurëqa wanïmanmi apamantsik. Señornintsik Jesucristo noqantsik rëkur wanushqa kaptinmi Teyta Dios alli këninwan salvamantsik nöpanchö wiñëpa kawanantsikpaq.#Prov. 12.28.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.