Romanos 3
3
1Tsëpinqa Israel nuna kashqanpis y señalashqa kashqanpis ¿allipaqtsuraq këkan? 2Allipaqmi. Tsënö alli këkan puntata Israel nunakunata Teyta Dios willakïninta musyatsishqa kaptinmi.#Sal. 147.19.
3Tsënö musyëkarpis manam llapantsu Teyta Dios nishqanta cumpliyarqan. ¿Pëkuna mana cumpliyaptintsuraq Teyta Diospis änikushqankunata cumplinqanatsu? 4Ama tsënö yarpäshuntsu. Pëqa nunakuna uli kayaptinpis llapan änikushqankunatam cumplin. Teyta Diospa palabranchöpis kënömi qellqarëkan: <<Nishqëkita cumplirmi rasun kaqchö juzguëkämanki. Juzgamaptiki imanö tsapakïtapis manam puëdïtsu>>.#3.4 Kë textuchö nikan juzgarpis änikushqankunata Teyta Dios cumplishqantam.#Sal. 51.4.
5Wakin nunakunanam mana käyir kënö niyan: <<Jutsata rurashqäpita Teyta Dios perdonamar allitam rurëkan. Castigamarqa mana allitam rurëkan>>.
6Nunakuna tsënö niyaptinpis manam tsënötsu këkan. Nunakunata juzgananpaq kashqanta musyëkarqa ¿imanirtaq käyiyankitsu castigarpis allita rurashqanta?
7Jina wakin nunakunapis mana allita yarparmi niyan: <<Teyta Diosta änishqäta mana cumpliptïpis perdonamaptinmi nunakuna käyiyan ankupäkuq kashqanta. Tsënö këkaptinqa ¿imanirtaq jutsata rurashqäpita juzgamanqa?>>
8Tsë nunakuna yarpäyashqannö kaptinqa jutsata rurashun Teyta Dios ankupäkuq kashqanta käyiyänanpaq. Tsënö yarparqa upa yarpëtam yarpëkäyan. Tsënö yachatsir purishqäta wakin nunakuna niyaptinpis manam tsënötsu yachëkätsï. Tsënö niq nunakunataqa Teyta Diosmi juzgar mana ankupashpa castiganqa.
Llapan nunakuna jutsayuq kayanqan
9¿Wakin nunakunapita mas jutsannaqtsuraq Israel nunakuna këkäyan? Manam. Kë cartachö nishqänöpis Israel nunapis mana Israel nunapis jutsayuqmi këkäyan. 10Teyta Diospa palabranchöpis kënömi qellqarëkan:
<<Manam jukllëllapis jutsannaqqa kantsu.
11Pipis manam käyikuntsu.
Pipis manam Teyta Diosta ashintsu.
12Llapanmi jutsata rurayan.
Llapanpis mana allikunatam rurayan.
Pipis manam kantsu allita ruraqqa.
Ni jukllëllapis manam kantsu.#Sal. 14.1-3; 53.1-3.
13Shiminkunapis kicharëkaq sepultüranömi këkan.
Ulikïtaqa imanömi yachëkuyan.#Sal. 5.9.
Parlayashqanpis culebrapa venënunnömi këkan.#Sal. 140.3.
14Nuna mayinkunatam maldisir ashayan.#Sal. 10.7.
15Nuna mayinta wanutsiyänanpaqpis chaki pishillam ëwayan.
16Mëpa ëwarpis mana allikunata rurarmi nuna mayinkunata llakitsiyan.
17Alli kawakï imanö kashqantapis manam musyayantsu.#Isa. 59.7-8.
18Teyta Diosta mantsakuyänanpaqqa manam ichikllapis yarpäyantsu>>.#Sal. 36.1.
19Teyta Diospa palabranchö tsënö niptinmi musyantsik leyninkunata musyaq nunakunapis jutsayuq kayashqanta. Tsëmi nunakunata Teyta Dios juzgaptin pipis tsapakïta puëdinqatsu. 20Teyta Diospa leyninkunata cumplishqanwanqa manam pipis jutsankunapita perdonashqatsu kanqa. Teyta Diospa leyninkunaqa manam salvamänantsikpaqtsu këkan, sinöqa jutsayuq kashqantsikta käyitsimänantsikpaqmi.#Gál. 2.16.
Jesucristuman markäkushqa Teyta Dios salvamanqantsik
21Kananmi Teyta Dios musyatsimarquntsik leyninkunata cumplita mana puëdishqapis imanöpa salvamänantsikpaq kashqanta. Tsëtam Moisés y profëtakuna qellqayashqankunachöpis musyatsimantsik. 22Jesucristuman markäkushqam Teyta Dios perdonamarnintsik pï kashqapis salvamantsik.#Gál. 2.16.
23Llapan nunakunam jutsayuq kar Teyta Diospa nöpanman chëta puëdiyantsu. 24Tsënö këkashqapis Jesucristo rantimashqam Teyta Dios ankupäkuq kar perdonamantsik. 25Tsënö perdonamantsik Jesucristo noqantsik rëkur sacrificiu kar yawarninta ramashqan rëkur pëman markäkushqam. Tsënöpam Teyta Dios musyatsimantsik alli juzgakuq juez kashqanta#3.25 Alli juzgaq juez karqa jutsayuq nunata karpis o pëpa rantinta karpis castiganmi. Tsëmi jutsata rurashqantsikpita Jesucristuta rantintsik castigarqa alli juzgaq juez Teyta Dios këkan. Mana alli juzgaq juez karqa nunatapis ni rantintapis manam castiganmantsu.. Unëpitanam nunakuna jutsayuq kayaptinpis Teyta Dios castigarqantsu. 26Tsënö castigarqantsu nunakunapa rantin Jesucristuta cruzchö castigananpaq karmi. Tsënöpam käyitsimantsik alli juzgakuq juez kashqanta y Jesucristuman markäkuqkunata perdonashqanta.
27Tsënö këkaptinqa ama alabakushuntsu: <<Allikunata ruraptïmi Teyta Dios salvamashqa>> nir.
Manam allikunata rurashqantsikpitatsu Teyta Dios salvamarquntsik, sinöqa pëman markäkushqantsikpitam. 28Tsëmi kënö nï: Manam leyninkunata cumplishqantsikpitatsu Teyta Dios salvamarquntsik, sinöqa Jesucristuman markäkushqantsikpitam salvamarquntsik.
29¿Teyta Diosqa Israel nunakunallapatsuraq Diosnin? ¿Manatsuraq mana Israel nunakunapapis Diosnin? Pëqa mana Israel nunapapis Diosninmi. 30Teyta Diosqa jukllëllam.#Deut. 6.4. Tsëmi Israel nunatapis mana Israel nunatapis Jesucristuman markäkuq kaqtaqa salvëkan.
31Markäkïnintsik rëkurlla salvakurqa ¿Diospa leyninkunata manakaqmantsuraq churëkantsik? Manam. Sinöqa Jesucristuman markäkushqam tsë leykunata cumpliqtanöna Teyta Dios chaskimantsik.
Currently Selected:
Romanos 3: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanos 3
3
1Tsëpinqa Israel nuna kashqanpis y señalashqa kashqanpis ¿allipaqtsuraq këkan? 2Allipaqmi. Tsënö alli këkan puntata Israel nunakunata Teyta Dios willakïninta musyatsishqa kaptinmi.#Sal. 147.19.
3Tsënö musyëkarpis manam llapantsu Teyta Dios nishqanta cumpliyarqan. ¿Pëkuna mana cumpliyaptintsuraq Teyta Diospis änikushqankunata cumplinqanatsu? 4Ama tsënö yarpäshuntsu. Pëqa nunakuna uli kayaptinpis llapan änikushqankunatam cumplin. Teyta Diospa palabranchöpis kënömi qellqarëkan: <<Nishqëkita cumplirmi rasun kaqchö juzguëkämanki. Juzgamaptiki imanö tsapakïtapis manam puëdïtsu>>.#3.4 Kë textuchö nikan juzgarpis änikushqankunata Teyta Dios cumplishqantam.#Sal. 51.4.
5Wakin nunakunanam mana käyir kënö niyan: <<Jutsata rurashqäpita Teyta Dios perdonamar allitam rurëkan. Castigamarqa mana allitam rurëkan>>.
6Nunakuna tsënö niyaptinpis manam tsënötsu këkan. Nunakunata juzgananpaq kashqanta musyëkarqa ¿imanirtaq käyiyankitsu castigarpis allita rurashqanta?
7Jina wakin nunakunapis mana allita yarparmi niyan: <<Teyta Diosta änishqäta mana cumpliptïpis perdonamaptinmi nunakuna käyiyan ankupäkuq kashqanta. Tsënö këkaptinqa ¿imanirtaq jutsata rurashqäpita juzgamanqa?>>
8Tsë nunakuna yarpäyashqannö kaptinqa jutsata rurashun Teyta Dios ankupäkuq kashqanta käyiyänanpaq. Tsënö yarparqa upa yarpëtam yarpëkäyan. Tsënö yachatsir purishqäta wakin nunakuna niyaptinpis manam tsënötsu yachëkätsï. Tsënö niq nunakunataqa Teyta Diosmi juzgar mana ankupashpa castiganqa.
Llapan nunakuna jutsayuq kayanqan
9¿Wakin nunakunapita mas jutsannaqtsuraq Israel nunakuna këkäyan? Manam. Kë cartachö nishqänöpis Israel nunapis mana Israel nunapis jutsayuqmi këkäyan. 10Teyta Diospa palabranchöpis kënömi qellqarëkan:
<<Manam jukllëllapis jutsannaqqa kantsu.
11Pipis manam käyikuntsu.
Pipis manam Teyta Diosta ashintsu.
12Llapanmi jutsata rurayan.
Llapanpis mana allikunatam rurayan.
Pipis manam kantsu allita ruraqqa.
Ni jukllëllapis manam kantsu.#Sal. 14.1-3; 53.1-3.
13Shiminkunapis kicharëkaq sepultüranömi këkan.
Ulikïtaqa imanömi yachëkuyan.#Sal. 5.9.
Parlayashqanpis culebrapa venënunnömi këkan.#Sal. 140.3.
14Nuna mayinkunatam maldisir ashayan.#Sal. 10.7.
15Nuna mayinta wanutsiyänanpaqpis chaki pishillam ëwayan.
16Mëpa ëwarpis mana allikunata rurarmi nuna mayinkunata llakitsiyan.
17Alli kawakï imanö kashqantapis manam musyayantsu.#Isa. 59.7-8.
18Teyta Diosta mantsakuyänanpaqqa manam ichikllapis yarpäyantsu>>.#Sal. 36.1.
19Teyta Diospa palabranchö tsënö niptinmi musyantsik leyninkunata musyaq nunakunapis jutsayuq kayashqanta. Tsëmi nunakunata Teyta Dios juzgaptin pipis tsapakïta puëdinqatsu. 20Teyta Diospa leyninkunata cumplishqanwanqa manam pipis jutsankunapita perdonashqatsu kanqa. Teyta Diospa leyninkunaqa manam salvamänantsikpaqtsu këkan, sinöqa jutsayuq kashqantsikta käyitsimänantsikpaqmi.#Gál. 2.16.
Jesucristuman markäkushqa Teyta Dios salvamanqantsik
21Kananmi Teyta Dios musyatsimarquntsik leyninkunata cumplita mana puëdishqapis imanöpa salvamänantsikpaq kashqanta. Tsëtam Moisés y profëtakuna qellqayashqankunachöpis musyatsimantsik. 22Jesucristuman markäkushqam Teyta Dios perdonamarnintsik pï kashqapis salvamantsik.#Gál. 2.16.
23Llapan nunakunam jutsayuq kar Teyta Diospa nöpanman chëta puëdiyantsu. 24Tsënö këkashqapis Jesucristo rantimashqam Teyta Dios ankupäkuq kar perdonamantsik. 25Tsënö perdonamantsik Jesucristo noqantsik rëkur sacrificiu kar yawarninta ramashqan rëkur pëman markäkushqam. Tsënöpam Teyta Dios musyatsimantsik alli juzgakuq juez kashqanta#3.25 Alli juzgaq juez karqa jutsayuq nunata karpis o pëpa rantinta karpis castiganmi. Tsëmi jutsata rurashqantsikpita Jesucristuta rantintsik castigarqa alli juzgaq juez Teyta Dios këkan. Mana alli juzgaq juez karqa nunatapis ni rantintapis manam castiganmantsu.. Unëpitanam nunakuna jutsayuq kayaptinpis Teyta Dios castigarqantsu. 26Tsënö castigarqantsu nunakunapa rantin Jesucristuta cruzchö castigananpaq karmi. Tsënöpam käyitsimantsik alli juzgakuq juez kashqanta y Jesucristuman markäkuqkunata perdonashqanta.
27Tsënö këkaptinqa ama alabakushuntsu: <<Allikunata ruraptïmi Teyta Dios salvamashqa>> nir.
Manam allikunata rurashqantsikpitatsu Teyta Dios salvamarquntsik, sinöqa pëman markäkushqantsikpitam. 28Tsëmi kënö nï: Manam leyninkunata cumplishqantsikpitatsu Teyta Dios salvamarquntsik, sinöqa Jesucristuman markäkushqantsikpitam salvamarquntsik.
29¿Teyta Diosqa Israel nunakunallapatsuraq Diosnin? ¿Manatsuraq mana Israel nunakunapapis Diosnin? Pëqa mana Israel nunapapis Diosninmi. 30Teyta Diosqa jukllëllam.#Deut. 6.4. Tsëmi Israel nunatapis mana Israel nunatapis Jesucristuman markäkuq kaqtaqa salvëkan.
31Markäkïnintsik rëkurlla salvakurqa ¿Diospa leyninkunata manakaqmantsuraq churëkantsik? Manam. Sinöqa Jesucristuman markäkushqam tsë leykunata cumpliqtanöna Teyta Dios chaskimantsik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.