Romanos 2
2
Teyta Dios juzgananpaq ninqan
1Israel nuna, qampis jutsayuq këkar ¿imanirtaq nuna mayikita juzguëkanki? Tsënö juzgayaptikiqa pï kaptikipis Teyta Diosmi juzgashurniki castigashunki.#Mat. 7.1; Luc. 6.37.
2Musyantsikmi pitapis jutsa ruraq kaqtaqa jutsata rurashqanmannö Teyta Dios castigananpaq kashqanta. 3Tsënö këkaptin ¿Teyta Diospa castïgunpita qamkunapis safayankitsuraq? 4Teyta Dios manaraq castigayäshuptiki ama yarpäyëtsu manana castigayäshunëkipaq kashqanta. Pëqa ankupäkuq, pacienciakuq y perdonakuq karmi jutsëkikunata jaqiriyänëkita shuyarëkan. 5Tsënö këkaptinpis rumi shonqu karmi jutsëkikunata jaqiriyankitsu. Tsëmi juzganan junaqchö Teyta Dios alläpa piñakur castigayäshunki.
6Tsë junaqqa imanöpis kawayashqanmannömi llapan nunakunata juzganqa.#Prov. 24.12; Jer. 17.10; Eze. 18.30; 33.20; Mat. 16.27. 7Teyta Diospa nöpanchö kawëta munar alli ruraqkunataqa wiñëpa kawayänanpaqmi gloriaman pushanqa. 8Teyta Diosta mana cäsukur jutsa ruraqkunataqa piñarkurmi mana ankupashpa castiganqa.
9Mana ankupashpa castigaptinmi llapanpis jutsa ruraqkuna jipar llakikuyanqa. Puntatam Israel nunakuna jipayanqa y tsëpitanam mana Israel nunakunana. 10Alli ruraqkunaqa Diospa nöpanchömi alli kawëta chaskiyanqa. Puntatam Israel nunakuna chaskiyanqa y tsëpitanam mana Israel nunakunana.
11Teyta Diosqa pimanpis mana qaqashpam nunakunata juzganqa.#Deut. 10.17. 12Tsëmi leyninkunata musyaqkunatapis y mana musyaqkunatapis jutsata rurayashqanpita Teyta Dios ushakätsinqa. Leyninkunata musyaqkunataqa tsë leykuna nishqanmannömi juzganqa. 13Manam leyninkunata yachakuyashqanllapitatsu Teyta Dios pitapis salvanqa, sinöqa leyninkunata cäsukur rurayashqanpitam salvanqa.
14Mana Israel nunakuna Diospa leyninkunata mana musyarpis allita rurarqa tsë leykunata musyaqnömi këkäyan. 15Jutsankunapita llakikuyaptinmi y allita rurayanqanpita kushikuyaptinmi musyantsik nunakunapa shonqunkunachö Diospa leyninkuna qellqarëkashqanta. 16Tsëmi pakëllapa jutsata rurayashqanpita juzganan junaqchö Teyta Dios pitapis juzganqa. Tsënö juzgananpaqmi Jesucristuta Teyta Dios churashqa. Tsënö kananpaq kaqtam alli willakïta willakur pitapis käyitsï.
Diospa leyninkunata Israel nunakuna mana cäsuyanqan
17Israel nunakuna, käyikuyë. Qamkunam yarpäyanki Diospa leyninkunata yachayashqëkipita mana juzgayäshunëkipaq kashqanta. Tsënöllam kushikuyanki Teyta Dios akrayäshunqëkipita. 18Teyta Diospa leyninkunata yacharmi pë munashqannö kawayänëkipaqpis musyayanki. Tsëmi alli kashqanta y mana alli kashqantapis käyiyanki. 19Wiskunö kaqkunata pushaqnö y paqaschönö këkaqkunata aktsiqnö kayashqëkitam yarpäyanki. 20Mana yachaqkunapa y wamrakunapa alli yachatsiqnin kayashqëkitam yarpäyanki. Tsënöqa yarpäyanki Diospa leyninkunata yachakushqa karmi.
21Wakin nunakunata tsënö yachëkätsirqa ¿imanirtaq kikikikunaraq cäsuyankitsu? Mana suwakuyänanpaq yachëkätsirqa ¿imanirtaq kikikikunaqa suwakuyanki? 22Adulteriuchö mana kayänanpaq yachëkätsirqa ¿imanirtaq kikikikunaqa adulteriuchö këkäyanki? Ïdulukunata rikëtapis mana munëkarqa ¿imanirtaq ïdulukunapa adornunkunata suwakuyanki? 23Diospa leyninkunata yachashqëkipita alabakïkarqa ¿imanirtaq tsë leykunata mana cumplir Teyta Diosta manakaqpaq churëkäyanki? 24Tsënö kawayaptikichi ari Teyta Diospa palabranchö kënö qellqarëkan: <<Qamkuna mana allikunata rurar kawayaptikim mana creyiqkunapis Teyta Diosta manakaqpaq churayan>>.#Isa. 52.5; Eze. 36.22.
Señalakïpita yachatsinqan
25Teyta Diospa leyninkunata cumpliyaptikiqa señalakuyashqëkipis allim. Leyninkunata mana cumpliyaptikiqa señalakuyashqëkipis manakaqllapaqmi. 26Mana señalakushqakunapis Diospa leyninkunata cumplikäyaptinqa ¿manatsuraq señalakushqatanö Teyta Dios chaskinqa? 27Tsëmi mana señalakushqa karpis Diospa leyninkunata cumpliqkunaqa juiciu junaqchö kënö niyäshunki: <<Señalakushqa këkarqa y Diospa leyninkunata shumaq yachëkarqa ¿imanirtaq Teyta Diosta cäsuyarqëkitsu?>>
28Manam tëtan maman Israel nuna kashqanpitatsu pipis rasunpa Israel nunaqa. Ni manam señalakushqa kashqanpitatsu pipis rasunpa señalakushqa këkan. 29Sinöqa rasunpa señalakushqa këkan shonqunta Espíritu Santu señalashqa kaptinmi.#2.29 Cuerpunta señalar compañonninpa punta qaranta roqurir jorquqnömi shonqunkunata señalar jutsa rurëta jaqiriyänanpaq käyitsiyan.#Deut. 10.16; 30.6; Jer. 4.4. Pëkunata nunakuna chikiyaptinpis Teyta Diosqa kuyanmi.
Currently Selected:
Romanos 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romanos 2
2
Teyta Dios juzgananpaq ninqan
1Israel nuna, qampis jutsayuq këkar ¿imanirtaq nuna mayikita juzguëkanki? Tsënö juzgayaptikiqa pï kaptikipis Teyta Diosmi juzgashurniki castigashunki.#Mat. 7.1; Luc. 6.37.
2Musyantsikmi pitapis jutsa ruraq kaqtaqa jutsata rurashqanmannö Teyta Dios castigananpaq kashqanta. 3Tsënö këkaptin ¿Teyta Diospa castïgunpita qamkunapis safayankitsuraq? 4Teyta Dios manaraq castigayäshuptiki ama yarpäyëtsu manana castigayäshunëkipaq kashqanta. Pëqa ankupäkuq, pacienciakuq y perdonakuq karmi jutsëkikunata jaqiriyänëkita shuyarëkan. 5Tsënö këkaptinpis rumi shonqu karmi jutsëkikunata jaqiriyankitsu. Tsëmi juzganan junaqchö Teyta Dios alläpa piñakur castigayäshunki.
6Tsë junaqqa imanöpis kawayashqanmannömi llapan nunakunata juzganqa.#Prov. 24.12; Jer. 17.10; Eze. 18.30; 33.20; Mat. 16.27. 7Teyta Diospa nöpanchö kawëta munar alli ruraqkunataqa wiñëpa kawayänanpaqmi gloriaman pushanqa. 8Teyta Diosta mana cäsukur jutsa ruraqkunataqa piñarkurmi mana ankupashpa castiganqa.
9Mana ankupashpa castigaptinmi llapanpis jutsa ruraqkuna jipar llakikuyanqa. Puntatam Israel nunakuna jipayanqa y tsëpitanam mana Israel nunakunana. 10Alli ruraqkunaqa Diospa nöpanchömi alli kawëta chaskiyanqa. Puntatam Israel nunakuna chaskiyanqa y tsëpitanam mana Israel nunakunana.
11Teyta Diosqa pimanpis mana qaqashpam nunakunata juzganqa.#Deut. 10.17. 12Tsëmi leyninkunata musyaqkunatapis y mana musyaqkunatapis jutsata rurayashqanpita Teyta Dios ushakätsinqa. Leyninkunata musyaqkunataqa tsë leykuna nishqanmannömi juzganqa. 13Manam leyninkunata yachakuyashqanllapitatsu Teyta Dios pitapis salvanqa, sinöqa leyninkunata cäsukur rurayashqanpitam salvanqa.
14Mana Israel nunakuna Diospa leyninkunata mana musyarpis allita rurarqa tsë leykunata musyaqnömi këkäyan. 15Jutsankunapita llakikuyaptinmi y allita rurayanqanpita kushikuyaptinmi musyantsik nunakunapa shonqunkunachö Diospa leyninkuna qellqarëkashqanta. 16Tsëmi pakëllapa jutsata rurayashqanpita juzganan junaqchö Teyta Dios pitapis juzganqa. Tsënö juzgananpaqmi Jesucristuta Teyta Dios churashqa. Tsënö kananpaq kaqtam alli willakïta willakur pitapis käyitsï.
Diospa leyninkunata Israel nunakuna mana cäsuyanqan
17Israel nunakuna, käyikuyë. Qamkunam yarpäyanki Diospa leyninkunata yachayashqëkipita mana juzgayäshunëkipaq kashqanta. Tsënöllam kushikuyanki Teyta Dios akrayäshunqëkipita. 18Teyta Diospa leyninkunata yacharmi pë munashqannö kawayänëkipaqpis musyayanki. Tsëmi alli kashqanta y mana alli kashqantapis käyiyanki. 19Wiskunö kaqkunata pushaqnö y paqaschönö këkaqkunata aktsiqnö kayashqëkitam yarpäyanki. 20Mana yachaqkunapa y wamrakunapa alli yachatsiqnin kayashqëkitam yarpäyanki. Tsënöqa yarpäyanki Diospa leyninkunata yachakushqa karmi.
21Wakin nunakunata tsënö yachëkätsirqa ¿imanirtaq kikikikunaraq cäsuyankitsu? Mana suwakuyänanpaq yachëkätsirqa ¿imanirtaq kikikikunaqa suwakuyanki? 22Adulteriuchö mana kayänanpaq yachëkätsirqa ¿imanirtaq kikikikunaqa adulteriuchö këkäyanki? Ïdulukunata rikëtapis mana munëkarqa ¿imanirtaq ïdulukunapa adornunkunata suwakuyanki? 23Diospa leyninkunata yachashqëkipita alabakïkarqa ¿imanirtaq tsë leykunata mana cumplir Teyta Diosta manakaqpaq churëkäyanki? 24Tsënö kawayaptikichi ari Teyta Diospa palabranchö kënö qellqarëkan: <<Qamkuna mana allikunata rurar kawayaptikim mana creyiqkunapis Teyta Diosta manakaqpaq churayan>>.#Isa. 52.5; Eze. 36.22.
Señalakïpita yachatsinqan
25Teyta Diospa leyninkunata cumpliyaptikiqa señalakuyashqëkipis allim. Leyninkunata mana cumpliyaptikiqa señalakuyashqëkipis manakaqllapaqmi. 26Mana señalakushqakunapis Diospa leyninkunata cumplikäyaptinqa ¿manatsuraq señalakushqatanö Teyta Dios chaskinqa? 27Tsëmi mana señalakushqa karpis Diospa leyninkunata cumpliqkunaqa juiciu junaqchö kënö niyäshunki: <<Señalakushqa këkarqa y Diospa leyninkunata shumaq yachëkarqa ¿imanirtaq Teyta Diosta cäsuyarqëkitsu?>>
28Manam tëtan maman Israel nuna kashqanpitatsu pipis rasunpa Israel nunaqa. Ni manam señalakushqa kashqanpitatsu pipis rasunpa señalakushqa këkan. 29Sinöqa rasunpa señalakushqa këkan shonqunta Espíritu Santu señalashqa kaptinmi.#2.29 Cuerpunta señalar compañonninpa punta qaranta roqurir jorquqnömi shonqunkunata señalar jutsa rurëta jaqiriyänanpaq käyitsiyan.#Deut. 10.16; 30.6; Jer. 4.4. Pëkunata nunakuna chikiyaptinpis Teyta Diosqa kuyanmi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.