Romanos 10

1Wawqikuna y panikuna, imanömi munëkü Israel mayïkuna salvakïkuyänanta. Salvakuyänanpaqmi llapan shonqüwan Teyta Diosta rowakü. 2Pëkunaqa imanömi Teyta Diosta cäsukïta tïrëkuyan. Tsënö kaptinpis manam käyiyantsu 3imanö pë perdonamashqantsiktapis. Pëkuna yarpäyan Diospa leyninkunata cumplirnin perdonashqa këtam. Perdonashqa këta munarpis manam Jesucristuta chaskikuyantsu. 4Jesucristo shamushqana kaptinmi Diospa leyninkunata cumplirtsu perdonashqa këkantsik, sinöqa Jesucristuman markäkurmi. Pëman markäkuq kaqtaqa llapantam Teyta Dios perdonan.

5Leykunata cumplirninraq Teyta Dios munashqannö kawëta munaqkunapaqqa Moiséspis kënömi qellqarqan: <<Leynïkunata cumpliq kaq nunaqa llapantam cumplinman>>.#Lev. 18.5.

6Tsënö kaptinpis Jesucristuman markäkurninlla perdonashqa kashqantsikta käyirmi kënö nintsik: <<Shonquntsikchö ama yarpäshuntsu:#Deut. 9.4. <¿Piraq ciëluman lloqanman?> nir>>.

(Tsë nishqannöllam pipis ciëlumanraqtsu ëwanman Jesucristuta kë patsaman kachamunanpaq.)

7<<Jina ama yarpäshuntsu <¿piraq patsa rurinman yëkunman?> nir>>.

(Tsë nishqannöllam pipis willakïninta musyëta munar patsa rurinmanraqtsu yëkunman Jesucristuta kawaritsimunanpaq.)

8Tsëpa rantinmi kënö nintsik: <<Teyta Diospa willakïninmi shimikikunachö y shonqïkikunachö këkan>>.#Deut. 30.12-14.

Tsëmi willakïninta willakur kënö nintsik: 9Señornintsik Jesucristo mandashuqniki kashqanta nirqa y wanushqanpita Teyta Dios kawaritsishqanta llapan shonqïkikunawan creyirqa salvashqam kayanki. 10Llapan shonqïkiwan creyiyaptikiqa Teyta Dios perdonayäshunkim. <<Señor Jesucristuqa mandamaqnïmi këkan>> niyaptikiqa Teyta Dios salvayäshunkim. 11Teyta Diospa palabranpis kënömi nin: <<Pipis pëman markäkuq kaqqa manam manakaqllapaqtsu markäkunqa>>.#Isa. 28.16.

12Tsëmi Israel nunatapis y mana Israel nunatapis markäkuptinqa Teyta Dios perdonan. Llapantsikpapis japallan Diosnintsik karmi mañakuq kaqtaqa pïmëtapis salvan. 13Teyta Diosmi palabranchö kënö nikan: <<Noqata mañakamaq kaqtaqa pïmëtapis salvashaqmi>>.#Joel 2.32.

14¿Imanöraq salvananpaq mañakuyanqa Jesucristo salvamaqnintsik kashqanta manaraq creyirqa? ¿Imanöraq creyiyanqa willakïninta manaraq wiyarqa? ¿Imanöraq wiyayanqa pipis mana willapëkaptin? 15¿Imanöraq willapanqa willakunanpaq pipis mana kachëkäyaptin? Teyta Diospa palabranchöpis kënömi qellqarëkan: <<Alli willakïta apamuqkuna alläpa kushikïpaqmi këkäyan>>.#Isa. 52.7.

16Willakuyaptinpis manam llapan nunakunatsu Jesucristupa alli willakïninta cäsukuyan. Tsëchi Isaías qellqashqanchöpis kënö nikan: <<Teyta Dios, willakuyashqäta ¿piraq creyishqa?>>#Isa. 53.1.

17Imanö kaptinpis Jesucristupa alli willakïninta#10.17 Wakin griego copiakunachömi Diospa alli willakïninta niyan. wiyarninran pëman pipis markäkun.

18¿Manatsuraq willakïninta Israel nunakuna wiyayashqa? Pëkuna unënam wiyayashqa. Teyta Diospa palabranmi nin:

<<Willakïninqa jinantinchömi musyakëkan.

Palabrankunaqa patsa kuchunyaqmi chëkan>>.#Sal. 19.4.

19Tsë willakushqankunata musyëkarpis ¿manatsuraq Israel nunakuna käyiyashqa? Pëkunaqa käyiyarqanmi#10.19 Israel nunakuna käyiyarqan mana Israel nunakunatapis Teyta Dios salvananpaq kashqanta.. Moiséspis kënömi qellqarqan: <<Forastëru nunakunatana yanaparmi qamkunata piñatsiyashqëki. Mana käyikuq nunakunata chaskirmi qamkunata llakitsiyashqëki>>.#Deut. 32.21.

20Tsënöllam Isaíaspis kënö qellqarqan: <<Mana ashimaqkunatam parlaparqü. Mana rowakamaqkunatam yanaparqü>>.#Isa. 65.1.

21Israel nunakunapaqnam kënö qellqarqan: <<Mana cäsumaq nunakunaman waran waranmi rikräta mashtararqü>>.#Isa. 65.2.

Currently Selected:

Romanos 10: qwhB

Highlight

Copy

Compare