Apocalípsis 4
4
Teyta Diosta ciëluchö alabayanqan
1Tsëpitanam ciëluchö punku kicharëkämuqta rikarqä. Puntata wiyashqänöllam cornëta waqamuqnöraq kënö nimaqta wiyarqä: <<Këman lloqamï. Kananmi rikätsishqëki ima pasananpaq kaqtapis>>.
2Tsë höram Espíritu Santu ciëluchö këkaq trönuta rikätsimarqan. Tsë trönuchömi juk tëkarqan. 3Tëkaqqa jaspe ruminö y cornalina ruminöran chipapäkurqan. Täkunan trönu jananpam esmeralda ruminöraq turmanyë chipapäkur arkurëkarqan.#Eze. 1.26-28; 10.1.
4Tsë trönu tumariqmi ishkë chunka chusku (24) trönukuna këkäyarqan. Tsë trönukunamanmi yulaq ratashllashqa y qori corönan yakashqa anciänukuna täkuriyarqan. 5Tsë chöpichö këkaq trönupitam tillapyäkurninraq relampagu yarqamurqan. Räyupis bunrurïpa bunrururmi wiyakamurqan.#Éxo. 19.16; Apoc. 8.5; 11.19; 16.18. Trönupa nöpanchönam qanchis candelabrukuna rawrëkäyarqan.#Zac. 4.2. Tsëkunaqa karqan Teyta Diospa qanchis espïritunkunam.#Apoc. 1.4. 6Trönu puntanchömi kuyëllapaq cristal vidriu niraq lamar rikakïkarqan.
Trönu tumariqmi chusku kawëkaqkuna#Eze. 1.13, 22. këkäyarqan. Pëkunaqa nöpanpapis qepanpapis nawiyuqllanam këkäyarqan. 7Punta kaqmi karqan leonnö. Ishkë kaqnam karqan törunö. Kima kaqnam karqan nunanö. Chusku kaqnam karqan pärïkaq#4.7a Wakin nunakunaqa bolëkaq niyanmi. pichaknö#4.7b Wakin nunakunaqa águila niyanmi..#Eze. 1.5-10; 10.14. 8Tsë chuskun kawëkaqkunaqa joqta sipsayuqmi#4.8 Wakin nunakunaqa älayuqmi niyanmi. karqan. Tsënöllam nöpanpapis qepanpapis nawiyuqllana këkäyarqan.#Eze. 1.18; 10.12.
Tsë kawëkaqkunam paqaspa y junaqpa kënö niyarqan:
<<¡Santu, santu, santu!
¡Llapanpaq poderyuq Teyta Dios santum këkan!#Isa. 6.2-3.
¡Pëqa unëpita kawaq, kananpis këkaq y shamunanpaq kaqmi këkan!>>
9Trönunchö tëkaq wiñëpa kawaq Teyta Diosta tsënö adorar payllä nir alabayaptinmi 10tsë ishkë chunka chusku (24) anciänukunapis wiñëpa kawaq Teyta Diospa nöpanman lätëkur adorayarqan. Corönankunata jorqurirmi Teyta Diospa trönunpa nöpanman churëkur niyarqan:
11<<Señor Teyta Diosllä, qamllam llapanpiqpis mas puëdiq kanki.
Llapantapis qammi kamashqanki.
Kawëta qoshqa kaptikim llapanpis kawëkäyan.
Tsëmi llapanpis respetayäshurniki alabayäshunki>>.
Currently Selected:
Apocalípsis 4: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.