Apocalípsis 2
2
Éfeso markachö markäkuqkunaman cartakunqan
1<<Éfeso markachö këkaq iglesiapa angelninpaq kë nishqaqta qellqë: Noqam allawka kaq makïchö qanchis qoyllurkunata tsararëkä. Qoripita rurashqa qanchis candelabrukunapa chöpinchömi purï.#Apoc. 1.20.
2<<Noqa rikëkämi imëpis markäkamur llapan rurayashqëkikunata. Llutan yachatsikuqkunata manam chaskiyarqunkitsu. Apóstol tukuqkuna ulikur llutanta yachatsikuyashqantapis musyariyarqunkim. 3Noqaman markäkuyashqëkipita jipatsiyäshuptikipis mana ajayëpam munashqänö kawëkäyanki.
4<<Munashqänö kawayaptikipis manam gustamantsu puntata kuyakuq kayashqëkita jaqiyanqëki. 5Puntata kuyakuq kayashqëkinö kananpis kuyakuq kayë. Tsënö mana kayaptikiqa [mana mäkïllapa] shamïkurmi candelabrïkikunata puntäpita jorqurishaq.
6<<Nicolaítakunapa costumbrinkunata#Apoc. 2.14-15. mana chaskirqa allitam rurëkäyanki. Pëkuna yachatsikuyashqantaqa manam noqapis wiyëta munätsu.
7<<Espíritu Santum iglesiakunata tsënö nikan. Rinriyuq kaqkunaqa nishqäkunata wiyakuyë. Imanö jiparpis mana ajayashpa markäkamuqkunataqa Teyta Diospa nöpanchö wiñëpa kawatsikuq montipa wayïnintam qarashaq>>.#Gén. 2.9; Apoc. 22.2.
Esmirna markachö këkaq markäkuqkunaman cartakunqan
8<<Esmirna markachö këkaq iglesiapa angelninpaq kë nishqaqta qellqë: Noqam qallanan y ushanan kä. Wanushqäpitapis kawarimurqümi.
9<<Noqa rikëkämi [llapan rurayashqëkikunata,] jipayashqëkita y waktsa kayashqëkitapis. Waktsa karpis rasunpa rïcunömi këkäyanki. Jina wiyëkämi wasëkikuna rimëkäyashqanta. Tsë nunakunaqa <Teyta Dios kuyashqan Israel nunam kayä> nikarpis Satanás munashqantam rurëkäyan.
10<<Jipakïkuna qamkunaman chëkämunnam. Tsënö kaptinpis ama mantsakäyëtsu. Diablum ishkitsiyäshïnikita munar carcelman wakinnikita llawitsiyäshunki. Tsëchömi chunka junaq jipayanki. Tsënö këkaptinpis wanuyashqëkiyaq mana ajayashpa noqaman markäkayämï. Tsënö kayaptikiqa corönatam qarayashqëki. Tsë corönaqa wiñë kawëmi.
11<<Espíritu Santum iglesiakunata tsënö nikan. Rinriyuq kaqkunaqa nishqäkunata wiyakuyë. Imanö jiparpis mana ajayashpa markäkamuqkunaqa manam nina qochaman jitashqatsu kayanqa>>.#Apoc. 20.14; 21.8.
Pérgamo markachö këkaq markäkuqkunaman cartakunqan
12<<Pérgamo markachö këkaq iglesiapa angelninpaq kë nishqaqta qellqë: Noqam ishkan lädupa afilashqa espädä tsarashqa këkä.
13<<Noqa rikëkämi [llapan rurayashqëkikunata y] markëkichö Satanáspa trönun këkashqanta. Tsënö kaptinpis mana ajayëpam noqaman markäkëkäyämunki. Willakïnïta willakuq Antipasta tsë markachö wanutsiyashqa kayaptinpis qepaman mana kutishpam markäkayämurqunki.
14<<Tsënö markäkayämaptikipis wakin rurëkäyashqëkikunaqa manam gustamantsu. Wakinnikim Balaam yachatsikushqannö llutanta yachëkätsiyanki. Balaam willapaptinmi Balac shutiyuq nuna Israel nunakunata#Núm. 22.5, 7; 31.16; Deut. 23.4. fiestankunaman qayatsirqan ïdulukunapa shutinchö pishtayashqan ëtsata mikuyänanpaq. Tsënöllam nunakunata yachatsirqan fornicación jutsata rurayänanpaq.#Núm. 25.1-3.
15<<Tsënöllam wakinnikikunaqa nicolaíta nunakunapa yachatsikïnintapis chaskiyarqunki. [Tsë yachatsikïtaqa alläpam melanëkü.] 16Tsë rëkur tsë yachatsikïkunata jaqiriyë. Mana jaqiyaptikiqa qamkunaman mana mäkïllapa shamïkurmi shimïpita yarqamuq espädawan ushakätsiyashqëki.
17<<Espíritu Santum iglesiakunata tsënö nikan. Rinriyuq kaqkunaqa nishqäkunata wiyakuyë. Imanö jiparpis mana ajayashpa markäkamuqkunataqa ciëluchö churarëkaq maná mikïtam#Éxo. 16.14-15, 33-34; Juan 6.48-50. qarashaq. Tsënöllam taksha yulaq rumita qoykushaq. Tsë rumichömi mushuq shutin#Isa. 62.2; 65.15. qellqarëkanqa. Tsë shutitaqa rumita chaskiqkunallam musyayanqa>>.
Tiatira markachö këkaq markäkuqkunaman cartakunqan
18<<Tiatira markachö këkaq iglesiapa angelninpaq kë nishqaqta qellqë: Noqam Teyta Diospa Tsurin kä. Nawïpis ninanöran chipapëkan. Chakïpis chipapëkaq broncipita rurashqanömi këkan.
19<<Noqa rikëkämi llapan rurayashqëkikunata y pïmëwanpis kuyanakïkäyashqëkita. Jina musyëkämi noqaman markäkïkäyashqëkita, yanapakuq këkäyashqëkita y munashqänö imëpis kawëkäyashqëkita. Unë sirwiyämashqëkipitapis masmi sirwikäyämanki.
20<<Tsënö kayaptikipis manam gustamantsu Jezabel#1Rey. 16.31; 2Rey. 9.22, 30. llutanta yachatsikuptin mana michäyashqëki. Tsë warmiqa profetïsa tukurmi noqaman markäkamuqkunata creyitsir yachëkätsin fornicación jutsata rurayänanpaq y ïdulukunapa shutinchö pishtayashqan ëtsata mikuyänanpaq. 21Kananyaqmi shuyararqü jutsankunata tsë warmi jaqirinanpaq. Tsënö kaptinpis manam jutsa rurëta jaqirintsu.
22<<Tsëmi pëta qeshyawan castigashaq. Tsë warmi yachatsishqanta chaskiqkunatapis jutsa rurëta mana jaqiriyaptinqa feyupam castigashaq. 23Wamrankunatapis wanutsishaqmi. Tsënöpam noqaman markäkamuqkuna käyikuyanqa nunakuna imata yarpäyanqantapis musyanqäta.#Sal. 7.9; Jer. 17.10. Noqaqa rurayashqanmannömi pïmëtapis juzgashaq.#Sal. 62.11-12; Prov. 24.12; Eze. 18.30; 33.20; Mat. 16.27.
24<<Wakinnikikunaqa tsë warmipa llutan yachatsikïninkunata manam chaskiyarqunkitsu. <Mas alli kaq yachatsikïta yachakushun> niptinpis tsë yachatsikushqankunaqa Satanáspitam këkan. Tsëmi niyaq: 25Yachatsiyashqaqkunata shamushqäyaq mana qonqashpa wiyakuyë. 26Imanö jiparpis mana ajayashpa markäkamuqkunataqa nacionkunata poderninchö tsaräyänanpaqmi churashaq. 27Mandakunäpaq Teytä churamashqannömi pëkunatapis mandakuq kayänanpaq churashaq. Tsënö puëdiq karmi nacionkunata fiërru väranwan mandayanqa. Allpa mankata shalluriqnömi chikiqninkunatapis ushakätsiyanqa.#Sal. 2.8-9. 28Tsë mandakuqkunatam waraq qoyllurnin#Núm. 24.17; 2Ped. 1.19. qoykushaq.#2.28 Waraq qoyllurnin qoykushaq ninanqa noqawanmi imëyaqpis kawanqa ninanmi.
29<<Espíritu Santum iglesiakunata tsënö nikan. Rinriyuq kaqkunaqa nishqäkunata wiyakuyë.
Currently Selected:
Apocalípsis 2: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.