Marcos 2

Purita mana puëdiq nunata Jesús kachakätsinqan

Mateo 9.1-8; Lucas 5.17-26

1Tsëpita juk ishkë junaqtanam Capernaúmman Jesús kutirqan. Tsëchö këkashqanta musyëkurmi 2këkashqan wayiman atskaq ëllukäyarqan. Wayi rurinchö pasëpa kichki kaptinmi punkuchöpis nunakuna junta kayarqan. Teyta Diospa willakïninta Jesús willapäkïkaptinmi 3purita mana puëdiq nunata wantushqa chuskuq nunakuna chätsiyarqan. 4Atskaq nunakuna kichkiyaptinmi punkupa yëkatsita puëdiyarqantsu. Tsëmi wayi jananman lloqaratsir wayi qataraqta kicharir kirmantawan Jesúspa nöpanman urätsiyarqan. 5Tsë nunakuna pëman markäkuyashqanta musyarmi qeshyëkaq nunata Jesús kënö nirqan: <<Llapan jutsëkipita perdonashqanam kanki>>.

6Tsënam ley yachatsikuqkuna kënö nir yarpakachäyarqan: 7<<¿Imanirtaq kë nuna tsënö parlan? ¡Tsënö nirqa Dios tukïkanmi! Teyta Diosllam jutsa ruraqkunataqa perdonan>>.

8Tsënö yarpäyashqanta musyarmi Jesús kënö nirqan: <<¿Imanirtaq tsënö yarpëkäyanki? 9¿Mëqantaq mas sasa këkan? ¿Nunapa jutsankunata perdonëku? ¿O qeshyaqta kachakätsiku? 10Nunapa Tsurinqa kë patsachö nunakunata perdonananpaq puëdiqmi këkan. Tsëtam kanan musyayanki>>.

Tsëpitanam purita mana puëdiq nunata kënö nirqan: 11<<¡Sharkï! Kirmëkita aparkur wayikiman ewkï>>.

12Tsënö niptinmi tsë höra sharkur kirmanta aparkur kachakashqana ewkurqan. Tsëta rikarmi nunakuna pasëpa espantashqa Teyta Diosta alabar niyarqan: <<¡Kë nuna kachakätsishqantanöqa manam imëpis rikarquntsiktsu!>>

Discïpulun kananpaq Levíta Jesús qayanqan

Mateo 9.9-13; Lucas 5.27-32

13Tsëpitanam Jesús kutirqan Galilea qocha kuchunman. Pë këkashqanman atskaq nunakuna ëllukäyaptinmi yachatsirqan. 14Tsëpita ewkurmi Jesús rikarqan Alfeupa tsurin Leví#2.14 Levípa juk kaq shutinmi karqan Mateo. impuestuta cobrar tëkaqta. Pëtam kënö nirqan: <<Qatimë>>.

Tsënö niptinmi Jesúswan Leví ewkurqan.

15Tsëpitanam wayinchö mikuyänanpaq Jesústa Leví qayatsirqan. Tsëchömi impuestu cobraq nunakuna y jutsasapa nunakunapis Jesúswan y discïpulunkunawan juntu mikuyarqan. (Jesústam atskaq impuestu cobraq nunakuna y jutsasapa nunakunapis qatiyarqan.) 16Tsëta rikëkurmi ley yachatsikuq fariseukuna Jesúspa discïpulunkunata kënö niyarqan: <<¿Imanirtaq impuestu cobraqkunawan y jutsasapa nunakunawanpis Jesús mikïkan?>>

17Tsënö niyashqanta wiyëkurnam Jesús kënö nirqan: <<Sänu kaqkunaqa manam mëdicuta wanayantsu, sinöqa qeshyaqkunallam. Noqaqa manam jutsannaq nunakunamantsu shamurqü, sinöqa jutsasapa nunakunamanmi>>.

Ayünupaq y mushuq yachakïpaq Jesús käyitsinqan

Mateo 9.14-17; Lucas 5.33-39

18Juk kutim Juanpa discïpulunkuna y fariseukunapis ayunëkäyarqan. Tsëmi nunakuna Jesústa tapuyarqan: <<Juanpa discïpulunkuna y fariseukunapa discïpulunkunaqa imëpis ayunayanmi. Qampa discïpulïkikunaqa ¿imanirtaq ayunayantsu?>>

19Jesúsnam nirqan: <<Casakuq jövin këkaptinqa casakï fiestaman invitashqakuna ¿ayunayanmantsuraq? 20Casakuq jövinta wanuratsiyaptinqa ayunayanqam>>.

21<<Manam pipis makwa ratashta mushuq ratashwan remendantsu. Mushuq ratashqa qentikarmi makwa ratashta mas rachitsin. 22Tsënölla manam pipis tsëraq rurashqa vïnuta makwa kuntuman winantsu. Winaptinqa vïnu poqurmi ushakäratsinqa. Tsënö kaptinqa vïnupis y kuntupis ushakanqam. Tsëmi tsëraq rurashqa vïnutaqa mushuq kuntuman winantsik>>.#2.22 Makwa ratashta y makwa kuntuta Jesucristo iwalatsirqan nunakunapa unë costumbrinkunamanmi. Mushuq ratashta y tsëraq rurashqa vïnutanam Jesucristo iwalatsirqan kikinpa yachatsikïninman. Tsënö iwalatsirmi Jesucristo nirqan pëpa yachatsikïnin mushuq kar unë costumbrinkunaman mana iwalashqanta.

Jamakï junaqpaq Jesús poderyuq kanqan

Mateo 12.1-8; Lucas 6.1-5

23Jamakï junaqchömi murushqa trïgukuna kuchunpa discïpulunkunawan Jesús pasëkäyarqan. Tsëpa pasarmi discïpulunkuna espïgata pallarir uchuyarqan.#Deut. 23.25. 24Tsëmi fariseukuna kënö niyarqan: <<Rikë. ¿Imanirtaq jamakï junaq këkaptin leynintsikta mana cäsur discïpulïkikuna trïguta pallëkäyan?>>

25Jesúsnam nirqan: <<¿Manaku imëllapis leyiyarqunki yanapaqninkunawan mallaqar David imata rurashqantapis? 26Sumo sacerdöti Abiatar këkashqan witsanshi Teyta Diospa wayinman yëkur Diospaq churayashqan tantata David mikunaq. Tsënöllash yanapaqninkunatapis qaranaq.#1Sam. 21.1-6. Tsë tantaqa manam David ni pëwan këkaq nunakuna mikuyänanpaqtsu karqan, sinöqa sacerdötikunalla mikuyänanpaqmi>>.#Lev. 24.9.

27Tsëpitanam Jesús nirqan: <<Manam jamakï junaq rëkurtsu nunata Teyta Dios kamarqan, sinöqa nunakuna rëkurmi jamakï junaqta kamarqan. 28Tsëmi Nunapa Tsurinqa jamakï junaqpaqpis poderyuq këkan>>.

Currently Selected:

Marcos 2: qwhB

Highlight

Copy

Compare