Mateo 24
24
Templuta ushakätsiyänanpaq kanqanta Jesús willakunqan
Marcos 13.1-2; Lucas 21.5-6
1Templupita yarqurir Jesús ëwëkaptinmi discïpulunkuna rikätsiyarqan templu kuyëllapaq kashqanta.
2Tsëmi Jesús kënö nirqan: <<Rasunpam niyaq: Kë llapan rikäyanqëkita chipyëpam juchutsiyanqa. Manam ni juk rumillapis perqarëkar quedanqatsu>>.
Manaraq kutimuptin imakuna kananpaq Jesús ninqan
Marcos 13.3-13; Lucas 21.7-19
3Tsëpitanam Olivos jirkaman ëwëkur Jesús täkurirqan. Japallankunalla këkarmi discïpulunkuna tapukuyarqan: <<Teyta, willëkayämë. ¿Imëtaq nishqëkinö kanqa? Kutimunëkipaq y kë patsa ushakänanpaq ¿ima señaltaq kanqa?>>
4Jesúsnam nirqan: <<Paqtam pipis engañayäshunkiman. 5Atskaqmi shutïchö shayämunqa <noqam Cristo kä> nir. Tsënö nirmi atskaq nunakunata engañayanqa. 6Guërra kaptinpis y guërra kananpaq kashqanta musyarpis ama mantsakäyankitsu. Puntataqa tsëkunaran kanqa. Tsënö kaptinpis kë patsaqa manaran ushakanqaraqtsu. 7Juk nacionmi juk nacionwan guërrata rurayanqa y juk marka nunakunam juk marka nunakunawan wanutsinakuyanqa. Tsënöllam [pestipis,] muchïpis, temblorpis jinantinchö kanqa. 8Tsë jipakïkunaqa kanqa qallananllaran.
9<<Tsë witsanmi jipatsiyäshunki y wanutsiyäshunki. Noqa rëkurmi pïmëpis chikiyäshunki.#Mat. 10.22. 10Tsënö jiparmi markäkuyanqanta atskaq jaqiriyanqa. Pëkunam markäkuqkunata chikir autoridäkunaman juknintapis juknintapis apatsiyanqa. 11Uli profëtakunapis atskaq yurimurmi llutanta yachatsir atskaq nunakunata engañayanqa. 12Mëtsëchöpis jutsata rurar kawakurmi manana kuyanakuyanqanatsu. 13Tsënö kaptinpis wanuyashqanyaq markäkuqkunaqa salvashqam kayanqa.#Mat. 10.22. 14Teyta Diospa mandakïninpa alli willakïninta mëtsë nacionkunachöpis willakuriyaptinran kë patsa ushakanqa.
Jipakïkuna kananpaq Jesús käyitsinqan
Marcos 13.14-23; Lucas 21.20-24
15<<Profëta Daniel qellqashqannöllam Teyta Dios melanashqan kaqta sagrädu templuchö rikäyanki.#Dan. 9.27; 11.31; 12.11. (Kë qellqashqäta leyiqkunaqa shumaq käyikuyätsun.)#24.15 Kë qellqashqäta leyiqkunaqa shumaq käyikuyätsun nishqanqa manam Jesucristo nishqantsu këkan, sinöqa kë libruta qellqaq Mateo yapashqanmi. 16Tsënöta rikar Judeapa markankunachö täraqkuna jirkakunapa safakuyätsun. 17Wayi jananchö këkaqkuna#24.17 Tsë witsanmi wayita qatananpa rantin terrädu jananman tsaqllarir leqitawan taqrayaq. Tsë jananchömi awakuyaq, aqakuyaq y trïgutapis akrayaq. imankunatapis mana jorqushpa ewkuyätsun. 18Chakrachö këkaqkunapis ama ponchunkuna jorquq kutiyätsuntsu.#Luc. 17.31.
19<<¡Allaw, imanöraq jipayanqa qeshyaq warmikuna y llullu wawayuq warmikuna! 20Teyta Diosta mañakuyë safayanqëki junaq tamya killachö ni jamakï junaqchö mana kananpaq. 21Tsë witsanqa nunakuna alläpam jipayanqa. Teyta Dios kë patsata kamashqanpitam nimëpis tsënöqa jipayashqatsu.#Dan. 12.1; Apoc. 7.14. Tsënöllam yapëqa manana imëpis tsënö jipayanqanatsu. 22Akrashqan nunakunata ankuparmi Teyta Dios tsë jipë junaqkunata pasatsinqa. Mana pasatsiptinqa llapanpis wanurmi ushakäyanqa.
23<< <Teyta Dios kachamushqan Cristo këchömi këkan> niyäshuptiki ama creyiyankitsu. <Wakchömi këkan> niyäshuptikipis ama cäsuyankitsu. 24Tsë witsanmi Cristo tukuqkuna y uli profëtakunapis yuriyämunqa. Nunakunata creyitsiyänan rëkurmi espantëpaq milagrukunata rurayanqa. Tsënö rurarmi Teyta Dios akrashqan nunakunatapis engañëta munayanqa. 25Manaraq tsënö kaptinmi musyayänëkipaq willëkäyaq.
26<< <Teyta Dios kachamushqan Cristo chusyaq jirkachömi këkan> niyäshuptikipis rikaq ama ëwayankitsu. <Tsë wayichömi këkan> niyäshuptikipis ama creyiyankitsu. 27Tillapyämuptin ciëlupa juk kuchunpita juk kaq kuchunyaq atsikyashqanta rikäyashqannömi Nunapa Tsurin kutimuqta llapanpis rikäyanqa.#Luc. 17.23-24. 28Mëchöpis wanushqakuna jitaräyanqanmanmi wiskurkuna ëllukäyanqa>>.#24.28 Tsënö nirmi Jesucristo käyitsirqan ninqankuna jinantinchö pasananpaq kashqanta.#Luc. 17.37.
Jesús kë patsaman kutimunanpaq kanqan
Marcos 13.24-37; Lucas 17.26-30, 34-36; 21.25-33
29<<Tsëpitanam alläpa jipakïkuna pasariptin intipis tutapakurkunqa, killapis atsikyanqanatsu, qoyllurkunapis shikwayämunqa y ciëlupis karkaryanqa.#Isa. 13.10; 34.4; Eze. 32.7; Joel 2.10, 31; 3.15; Apoc. 6.12-13. 30Tsënam Nunapa Tsurin shamunanpaq señal ciëluchö rikakämunqa. Nunapa Tsurin shamuptinmi pukutë jananchö alläpa chipapëkar puëdiq shamïkaqta jinantinchö nunakuna rikäyanqa. Tsënö shamïkaqta rikarmi llapan nación nunakuna mantsakar waqayanqa.#Dan. 7.13; Apoc. 1.7. 31Cornëta fuertipa waqëkuptinmi angelninkunata Nunapa Tsurin kachamunqa akrashqan kaqkunata mëtsëpitapis ëlluyänanpaq.
32<<Hïgus montita rikar käyikuyë. Raprankuna tseqllimuptinmi usya tiempu qallananpaqna kanqanta musyayanki. 33Tsënöllam niyashqaqnö pasakushqanta rikar musyayanki Teyta Diospa mandakïnin chämunanpaq ichikllana pishikashqanta. 34Rasunpam niyaq: Kanan tiempu nunakuna manaraq ushakäyaptinmi llapan niyashqaqkuna cumplikanqa. 35Ciëluwan kë patsa ushakaptinpis noqa nishqäkunaqa manam ushakanqatsu.
36<<Nunapa Tsurin imë junaq imë höra kutimunanpaq kanqanta manam nunapis ni angelpis [ni Diospa Tsurinpis] musyayantsu. Tsëtaqa Teytällam musyan.
37<<Noé kawashqan witsan nunakuna kawayashqannömi#Gén. 6.5-8. Nunapa Tsurin shamunan witsanpis kawayanqa. 38Diluviu manaraq kaptinmi arcaman Noé yëkushqan junaqyaq nunakuna mikur, upyar y casakur këkäyarqan. 39Tsënö këkäyaptinmi cuentata qokuyarqantsu diluviu janankunachöna këkashqanta, y llapankunam tsë diluviuwan#Gén. 7.6-24. ushakäyarqan. Tsënöllam mana musyayashqan höra Nunapa Tsurinpis shamunqa.
40<<Tsë höram ishkaq nunakuna chakranchö uryëkäyaptin juk kaqta apakunqa y juk kaqta jaqirinqa. 41Marëchö ishkaq warmikuna aqakïkäyaptinmi juk kaqta apakunqa y juk kaqta jaqirinqa. 42Tsëmi mäkuq mäkuq kayänëki. Manam musyayankitsu imë junaq Señorniki kutimunanpaq kashqanta.
43<<Käyikuyë. Imë höra suwa shamunanpaq kanqanta musyarqa mana punushpam wayinta pipis täpanman. 44Tsënölla qamkunapis mäkuq mäkuq këkäyë. Mana musyayashqëki höram Nunapa Tsurin shamunqa.#Luc. 12.39-40.
Sirwikuqman Jesús iwalatsinqan
Lucas 12.41-48
45<<Mas markäkunqan y käyikuq sirwiqnintam wayinman patrón churan wakin sirwikuqkunatapis höranchö qarananpaq. 46Patronnin kutimur käyitsishqannö llapantapis rurëkaqta tarïkuptinqa tsë sirwikuq alläpam kushikunqa. 47Rasunpam niyaq: Tsë sirwiqninpa poderninmanmi llapan imëkantapis patronnin churanqa. 48Mana markäkïpaq sirwikuqqa <patronnï manaran kutimunqaraqtsu> nirmi 49sirwikuq mayinkunata maqan y upyaq mayinkunawan mikur upyar jitaräkun. 50Tsënö këkaptinmi mana yarpashqan höra patronnin kutimur 51mana ankupashpa alli tukuq nunakunatawan juntu tsë sirwiqninta castiganqa. Tsëchömi alläpa waqar kirunkunatapis ruchuchütsiyanqa>>.
Currently Selected:
Mateo 24: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Mateo 24
24
Templuta ushakätsiyänanpaq kanqanta Jesús willakunqan
Marcos 13.1-2; Lucas 21.5-6
1Templupita yarqurir Jesús ëwëkaptinmi discïpulunkuna rikätsiyarqan templu kuyëllapaq kashqanta.
2Tsëmi Jesús kënö nirqan: <<Rasunpam niyaq: Kë llapan rikäyanqëkita chipyëpam juchutsiyanqa. Manam ni juk rumillapis perqarëkar quedanqatsu>>.
Manaraq kutimuptin imakuna kananpaq Jesús ninqan
Marcos 13.3-13; Lucas 21.7-19
3Tsëpitanam Olivos jirkaman ëwëkur Jesús täkurirqan. Japallankunalla këkarmi discïpulunkuna tapukuyarqan: <<Teyta, willëkayämë. ¿Imëtaq nishqëkinö kanqa? Kutimunëkipaq y kë patsa ushakänanpaq ¿ima señaltaq kanqa?>>
4Jesúsnam nirqan: <<Paqtam pipis engañayäshunkiman. 5Atskaqmi shutïchö shayämunqa <noqam Cristo kä> nir. Tsënö nirmi atskaq nunakunata engañayanqa. 6Guërra kaptinpis y guërra kananpaq kashqanta musyarpis ama mantsakäyankitsu. Puntataqa tsëkunaran kanqa. Tsënö kaptinpis kë patsaqa manaran ushakanqaraqtsu. 7Juk nacionmi juk nacionwan guërrata rurayanqa y juk marka nunakunam juk marka nunakunawan wanutsinakuyanqa. Tsënöllam [pestipis,] muchïpis, temblorpis jinantinchö kanqa. 8Tsë jipakïkunaqa kanqa qallananllaran.
9<<Tsë witsanmi jipatsiyäshunki y wanutsiyäshunki. Noqa rëkurmi pïmëpis chikiyäshunki.#Mat. 10.22. 10Tsënö jiparmi markäkuyanqanta atskaq jaqiriyanqa. Pëkunam markäkuqkunata chikir autoridäkunaman juknintapis juknintapis apatsiyanqa. 11Uli profëtakunapis atskaq yurimurmi llutanta yachatsir atskaq nunakunata engañayanqa. 12Mëtsëchöpis jutsata rurar kawakurmi manana kuyanakuyanqanatsu. 13Tsënö kaptinpis wanuyashqanyaq markäkuqkunaqa salvashqam kayanqa.#Mat. 10.22. 14Teyta Diospa mandakïninpa alli willakïninta mëtsë nacionkunachöpis willakuriyaptinran kë patsa ushakanqa.
Jipakïkuna kananpaq Jesús käyitsinqan
Marcos 13.14-23; Lucas 21.20-24
15<<Profëta Daniel qellqashqannöllam Teyta Dios melanashqan kaqta sagrädu templuchö rikäyanki.#Dan. 9.27; 11.31; 12.11. (Kë qellqashqäta leyiqkunaqa shumaq käyikuyätsun.)#24.15 Kë qellqashqäta leyiqkunaqa shumaq käyikuyätsun nishqanqa manam Jesucristo nishqantsu këkan, sinöqa kë libruta qellqaq Mateo yapashqanmi. 16Tsënöta rikar Judeapa markankunachö täraqkuna jirkakunapa safakuyätsun. 17Wayi jananchö këkaqkuna#24.17 Tsë witsanmi wayita qatananpa rantin terrädu jananman tsaqllarir leqitawan taqrayaq. Tsë jananchömi awakuyaq, aqakuyaq y trïgutapis akrayaq. imankunatapis mana jorqushpa ewkuyätsun. 18Chakrachö këkaqkunapis ama ponchunkuna jorquq kutiyätsuntsu.#Luc. 17.31.
19<<¡Allaw, imanöraq jipayanqa qeshyaq warmikuna y llullu wawayuq warmikuna! 20Teyta Diosta mañakuyë safayanqëki junaq tamya killachö ni jamakï junaqchö mana kananpaq. 21Tsë witsanqa nunakuna alläpam jipayanqa. Teyta Dios kë patsata kamashqanpitam nimëpis tsënöqa jipayashqatsu.#Dan. 12.1; Apoc. 7.14. Tsënöllam yapëqa manana imëpis tsënö jipayanqanatsu. 22Akrashqan nunakunata ankuparmi Teyta Dios tsë jipë junaqkunata pasatsinqa. Mana pasatsiptinqa llapanpis wanurmi ushakäyanqa.
23<< <Teyta Dios kachamushqan Cristo këchömi këkan> niyäshuptiki ama creyiyankitsu. <Wakchömi këkan> niyäshuptikipis ama cäsuyankitsu. 24Tsë witsanmi Cristo tukuqkuna y uli profëtakunapis yuriyämunqa. Nunakunata creyitsiyänan rëkurmi espantëpaq milagrukunata rurayanqa. Tsënö rurarmi Teyta Dios akrashqan nunakunatapis engañëta munayanqa. 25Manaraq tsënö kaptinmi musyayänëkipaq willëkäyaq.
26<< <Teyta Dios kachamushqan Cristo chusyaq jirkachömi këkan> niyäshuptikipis rikaq ama ëwayankitsu. <Tsë wayichömi këkan> niyäshuptikipis ama creyiyankitsu. 27Tillapyämuptin ciëlupa juk kuchunpita juk kaq kuchunyaq atsikyashqanta rikäyashqannömi Nunapa Tsurin kutimuqta llapanpis rikäyanqa.#Luc. 17.23-24. 28Mëchöpis wanushqakuna jitaräyanqanmanmi wiskurkuna ëllukäyanqa>>.#24.28 Tsënö nirmi Jesucristo käyitsirqan ninqankuna jinantinchö pasananpaq kashqanta.#Luc. 17.37.
Jesús kë patsaman kutimunanpaq kanqan
Marcos 13.24-37; Lucas 17.26-30, 34-36; 21.25-33
29<<Tsëpitanam alläpa jipakïkuna pasariptin intipis tutapakurkunqa, killapis atsikyanqanatsu, qoyllurkunapis shikwayämunqa y ciëlupis karkaryanqa.#Isa. 13.10; 34.4; Eze. 32.7; Joel 2.10, 31; 3.15; Apoc. 6.12-13. 30Tsënam Nunapa Tsurin shamunanpaq señal ciëluchö rikakämunqa. Nunapa Tsurin shamuptinmi pukutë jananchö alläpa chipapëkar puëdiq shamïkaqta jinantinchö nunakuna rikäyanqa. Tsënö shamïkaqta rikarmi llapan nación nunakuna mantsakar waqayanqa.#Dan. 7.13; Apoc. 1.7. 31Cornëta fuertipa waqëkuptinmi angelninkunata Nunapa Tsurin kachamunqa akrashqan kaqkunata mëtsëpitapis ëlluyänanpaq.
32<<Hïgus montita rikar käyikuyë. Raprankuna tseqllimuptinmi usya tiempu qallananpaqna kanqanta musyayanki. 33Tsënöllam niyashqaqnö pasakushqanta rikar musyayanki Teyta Diospa mandakïnin chämunanpaq ichikllana pishikashqanta. 34Rasunpam niyaq: Kanan tiempu nunakuna manaraq ushakäyaptinmi llapan niyashqaqkuna cumplikanqa. 35Ciëluwan kë patsa ushakaptinpis noqa nishqäkunaqa manam ushakanqatsu.
36<<Nunapa Tsurin imë junaq imë höra kutimunanpaq kanqanta manam nunapis ni angelpis [ni Diospa Tsurinpis] musyayantsu. Tsëtaqa Teytällam musyan.
37<<Noé kawashqan witsan nunakuna kawayashqannömi#Gén. 6.5-8. Nunapa Tsurin shamunan witsanpis kawayanqa. 38Diluviu manaraq kaptinmi arcaman Noé yëkushqan junaqyaq nunakuna mikur, upyar y casakur këkäyarqan. 39Tsënö këkäyaptinmi cuentata qokuyarqantsu diluviu janankunachöna këkashqanta, y llapankunam tsë diluviuwan#Gén. 7.6-24. ushakäyarqan. Tsënöllam mana musyayashqan höra Nunapa Tsurinpis shamunqa.
40<<Tsë höram ishkaq nunakuna chakranchö uryëkäyaptin juk kaqta apakunqa y juk kaqta jaqirinqa. 41Marëchö ishkaq warmikuna aqakïkäyaptinmi juk kaqta apakunqa y juk kaqta jaqirinqa. 42Tsëmi mäkuq mäkuq kayänëki. Manam musyayankitsu imë junaq Señorniki kutimunanpaq kashqanta.
43<<Käyikuyë. Imë höra suwa shamunanpaq kanqanta musyarqa mana punushpam wayinta pipis täpanman. 44Tsënölla qamkunapis mäkuq mäkuq këkäyë. Mana musyayashqëki höram Nunapa Tsurin shamunqa.#Luc. 12.39-40.
Sirwikuqman Jesús iwalatsinqan
Lucas 12.41-48
45<<Mas markäkunqan y käyikuq sirwiqnintam wayinman patrón churan wakin sirwikuqkunatapis höranchö qarananpaq. 46Patronnin kutimur käyitsishqannö llapantapis rurëkaqta tarïkuptinqa tsë sirwikuq alläpam kushikunqa. 47Rasunpam niyaq: Tsë sirwiqninpa poderninmanmi llapan imëkantapis patronnin churanqa. 48Mana markäkïpaq sirwikuqqa <patronnï manaran kutimunqaraqtsu> nirmi 49sirwikuq mayinkunata maqan y upyaq mayinkunawan mikur upyar jitaräkun. 50Tsënö këkaptinmi mana yarpashqan höra patronnin kutimur 51mana ankupashpa alli tukuq nunakunatawan juntu tsë sirwiqninta castiganqa. Tsëchömi alläpa waqar kirunkunatapis ruchuchütsiyanqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.