Joel 3
3
Llapan nación nunakunata Teyta Dios juzgananpaq ninqan
1 1 (4.1) Teyta Diosmi nin:
<<Tsë junaqkuna chämuptinmi Judá nunakunatapis y Jerusalén nunakunatapis yanapashaq allina kawakuyänanpaq.
2 2 (4.2) Llapan nación nunakunata ëllïkurmi Josafat Pampaman#3.2 Josafat ninanqa Teyta Diosmi juzgan ninanmi. Tsëpitam Josafat Pampaman apashaq ninanqa juzganäpaq apashaq ninan. Tsënöllam këkan 3.12 versïculuchöpis. apashaq.
Tsëchömi pëkunata juzgashaq kuyashqä Israel nunakunapa contran tikrariyashqanpita.
Qoykushqä nacionninkunapitam Israel nunakunata tsë contrankuna jinantinpa qarquyashqa.
Israel nación noqapa këkaptinpis kikinkunapaqmi rakinakuyashqa.
3 3 (4.3) Sortiyarirmi kuyashqä nunakunata rakinakuyashqa.
Wamrakunatam ollqutapis warmitapis rantikur ushayashqa.
Tsë yulaq qellëwanmi upyayashqa y prostitüta warmikunawan kakuyashqa.
4 4 (4.4) <<¡Tiro y Sidón markachö täraq nunakuna!#Isa. 23.1-18; Eze. 26—28; Amós 1.9-10; Zac. 9.1-4; Mat. 11.21-22; Luc. 10.13-14.
¡Filistea nacionchö täraq nunakuna!#Isa. 14.29-31; Jer. 47; Eze. 25.15-17; Amós 1.6-8; Sof. 2.4-7; Zac. 9.5-7.
¿Imanirtaq piñatsiyämanki?
¿Imanirtaq conträ shäriyanki?
Ichikllanam pishikan qamkunata castigayänaqpaq.
5 5 (4.5) Qamkunaqa suwayämarmi yulaq qellënïta, qorïta y alläpa kuyëllapaq imätapis templïkikunaman apakuyarqunki.
6 6 (4.6) Qamkunaqa Judá nunakunatapis y Jerusalén nunakunatapis karuman apëkurmi griego nunakunapa sirwiqninkunapaq rantikuyarqunki.
7 7 (4.7) Karuman rantikuyaptikipis kikïmi ëllukarkamushaq.
Pëkunata rantikuyashqëkinöllam qamkunatapis rantikuyashqëki.
8 8 (4.8) Ollqutapis warmitapis tsurikikunata Judá nunakunamanmi rantikushaq.
Pëkunanam karuchö täraq sabeo nunakunaman rantikuyanqa.
Noqa Teyta Diosmi tsënö nï>>.
9 9 (4.9) Jinantin nacionkunachö kënö willakuyë:
<<¡Guërraman ëwayänëkipaq alistakuyë!
¡Allin kaq soldädukunata apayë!
¡Puëdiq kaqkunaqa, llapëki guërraman ëwayë!
10 10 (4.10) Lampëkikunapita espädëkikuna rurayë.
Ösikikunapita lanzëkikuna rurayë.#Isa. 2.4; Miq. 4.3.
Mantsakuq karpis <¡puëdiqmi kä!> niyë.
11 11 (4.11) Israelpa lädunchö këkaq nacionkuna, llapëki jinallachö ëllukäyämï>>.
Teyta Dios, soldädïkikunata pushakallämunki.
12 12 (4.12) <<Llapan nación nunakuna alistakurir Josafat Pampaman ëwayätsun.
Tsëchömi Israelpa lädunchö këkaq nacionkunata juzgashaq.
13 13 (4.13) Pëkunapa jutsankunata mananam mas awantänatsu.
Poqushqa trïguta ösiwan segaqnö wanutsiyë.#Apoc. 14.14-16.
Vïnuta ruraqkuna üvasta jaluyashqannö ushakätsiyë.
Tsënö rurayë juzgar castiganäpaq kaq tiempu chämushqana kaptin>>.#Isa. 63.3; Lam. 1.15; Apoc. 14.19-20; 19.15.
14 14 (4.14) Juzgana Pampachöqa waranqapayanmi nunakuna juntakashqa kayan.
Pëkunata Teyta Dios juzganan junaq chämunqanam.
15 15 (4.15) Tsë junaqqa intipis killapis tutapakurkuyanqam.
Qoyllurkunapis manam atsikyäyanqanatsu.
16 16 (4.16) Teyta Diosmi Sión jirkapita patsa leonnöraq qaparimunqa.
Jerusalénpita patsa qayakamushqanmi räyu janraraqnöraq wiyakamunqa.#Jer. 25.30; Amós 1.2.
Tsëmi ciëlupis y kë patsapis kuyukurinqa.
Kuyashqan Israel nunakunataqa castïgunpita tsapanqam.
Judá nunakunaman bendicionta churananpaq kanqan
17 17 (4.17) Teyta Diosmi kënö nin:
<<Tsë junaq chämuptinmi musyayanki Teyta Diosnikikuna kashqäta.
Noqaqa santu Sión jirkachömi tärä.
Jerusalénqa santu markämi kanqa.
Tsëmi juk lädu nación nunakuna imëpis venciyanqanatsu.
18 18 (4.18) Tsëpinmi jirkakunachö vïnupis y lichipis yakunöraq tsëtsika kanqa.
Judá nacionchö urankunapapis mana tsakipam yaku ëwanqa.#Eze. 47.1-5.
Templü rurinpita yaku pashtamurmi Sitim Pampatapis#Núm. 25.1; Jos. 2.1. parqunqa#3.18a Wakin nunakunaqa qallpanqa niyanmi..#3.18b Tsënö nikan templupita patsa bendición shamunanpaq kashqantam.
19 19 (4.19) <<Egipto nación raqällam tikrarinqa.
Edom nacionpis pasëpa chusyaqmi tikrarinqa.
Tsënö ushakanqa Judá nacionta atacar jutsannaqkunata wanutsir ushayashqanpitam.
20 20 (4.20) Judáchö y Jerusalénchöqa imëpis nunakuna täräyanqam.
21 21 (4.21) Kikïpis Sión jirkachömi täräshaq.
Nunakunata tsëchö wanutsiyashqanpitam mana perdonashpa llapanta juzgashaq>>.
Currently Selected:
Joel 3: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
