Hageo 1

1Këchömi qellqarëkan Teyta Diospa willakïninta profëta Hageo willakushqan. Pëmi rey Darío Persia nacionchö mandakur ishkë watamanna ëwëkaptin joqta kaq killa punta kaq junaqchö willakurqan.#1.1 Calendariuntsikchöqa tsë junaq 29 de agostu wata 520 a. C. karqan. Tsë willakushqan karqan Judápa gobernadornin Zorobabelpaq y sumo sacerdöti Josuépaqmi. Zorobabel karqan Salatielpa tsurinmi y Josuénam karqan Josadacpa tsurin.#Esd. 4.24—5.2; 6.14.

2Llapanta mandaq Teyta Diosmi Israel nunakunata kënö nin: <<Qamkunaqa kënömi nikäyanki: <Teyta Diospa templunta yapë shäritsinantsikpaq manaran tiempu chämunraqtsu> >>.

3Tsëmi Teyta Diospa willakïninta profëtan Hageo willakur nirqan: 4<<¿Templü juchushqa këkaqta rikëkarku qamkunaqa kuyëllapaq rurashqa wayikikunachö kushishqa tëkäyanki?>>

5Llapanta mandaq Teyta Diosmi jina kënö nin:

<<Imanö kawëkäyashqëkitapis shumaq käyikuyë.

6Atskata mururpis wallkallatam cosëchata ëlluyanki.

Atskata mikurpis pachëkikuna manam juntantsu.

Yakuta upurpis kashqanllam yakunëkäyanki.

Raktata yakukurpis manam qoñüyankitsu.

Uryapukuptikipis ganayashqëki qellëniki manam imapaqpis tinkuntsu>>.

7Llapanta mandaq Teyta Diosmi nin:

<<Imanö kawëkäyashqëkitapis shumaq käyikuyë.

8Templüta yapë sharkatsiyänëkipaq montikuna kaqpa ëwar qeruta apayämï.

Templüta sharkatsiyaptikiqa kushikushaqmi.

Tsëchömi kushishqa alabayämanki.

9<<Cosëchëkikuna atska kanantam shuyëkäyanki.

Tsënö kaptinpis wallkallatam ëlluyanki.

Wayikikunaman churakuyashqëkitapis juk pükëllam illakäratsï.

Käyikuyë imanir tsënö rurashqätapis.

Tsënö rurä templü juchutsishqa këkaqta rikëkarpis kikikikunapa wayikikunallapaq yarpakachäyaptikim.

10Tsëmi tsënö kayaptiki tamyatsimünatsu.

Tsëmi mikïnikikunapis chakrëkikunachö wayunnatsu.#Lev. 26.18-20.

11Alläpa usya kananpaq noqam permitirqü.

Tsëmi trïgupis, üvaspis, olïvupis, ni imëka mikïpis wayunnatsu.

Wätakunapaqpis qewa manam kannatsu.

Nunakunapis manakaqllapaqmi uryayan>>.

Templuta shäritsir qallëkuyanqan

12Profëta Hageo willakushqanta wiyëkurmi Salatielpa tsurin Zorobabel, Josadacpa tsurin sumo sacerdöti Josué y llapan nunakuna alläpa mantsakur Teyta Dios nishqanta cäsukuyarqan. 13Tsëmi profëta Hageuwan willakatsir Judá nunakunata Teyta Dios nirqan: <<Noqaqa yanapayänaqpaq qamkunawanmi këkä>>.

14Tsënö nirmi pëkunata Teyta Dios kallpatsarqan uryayänanpaq. Tsëmi Judápa gobernadornin Zorobabel, sumo sacerdöti Josué y wakin nunakunapis llapanta mandaq Teyta Diospa templunta sharkatsir qallëkuyarqan.#Esd. 5.2. 15Uryar qallëkuyarqan joqta kaq killa ishkë chunka chusku (24) junaqchömi.#1.15 Calendariuntsikchöqa tsë junaq 21 de setiembri wata 520 a. C. karqan. Tsëqa karqan rey Darío ishkë watana mandakuq këkaptinmi.#Esd. 5.2.

Currently Selected:

Hageo 1: qwhB

Highlight

Copy

Compare