Éxodo 17
17
Qaqapita yaku pashtamunqan
1Sin nishqan chusyaq jirkachö tëkäyanqanpitam Teyta Dios ninqannölla Israel nunakuna posadakur posadakur Refidim partiman chäyarqan. Tsëchöpis manam yaku karqantsu. 2Tsëmi nunakuna Moisésta piñëpa niyarqan: <<¿Ima yakutataq këchö upuyäshaq?>>
Niyaptinnam Moisés nirqan: <<Yaku mana kaptin reclamayämaptikipis ¿imatataq rurashaq? ¿Imanirtaq Teyta Diosta probëta munëkäyanki?>>
3Moisés tsënö niptinpis nunakunaqa alläpa yakunëwan qayaparmi niyarqan: <<¿Kënö jipatsiyämänëkipaqku Egiptupita jorqayämarqëki? ¿Llapan wamräkunata y wätäkunata yakunëpa wanutsiyämänëkipaqku jorqayämarqunki?>>
4Nunakuna tsënö niyaptinnam Teyta Diosta mañakur Moisés nirqan: <<Teyta, kë nunakunawan ¿imatataq rurashaq? Tsënölla karqa tsampimarmi wanutsiyämanqa>>.
5Tsënam Moisésta Teyta Dios nirqan: <<Juk ishkë precisaq Israel nunakunata pusharkur llapan nunakunapa puntanta ëwanki. Pëkunawan ëwar mayuta wilunqëki tukrïkita#17.5 Wakin nunakunaqa shukshïkita niyanmi. apanki. 6Horeb#17.6 Horebqa Sinaí jirkapa juk kaq shutinmi. jirkachö këkaq qaqachömi shuyashqëki. Tsë qaqata tukrïkiwan wiluptikim yaku yarqamunqa llapan nunakuna upuyänanpaq>>.
Tsëmi Moisésqa Teyta Dios ninqannölla rurarqan precisaq Israel nunakuna rikarëkäyaptin.
7Tsë sitiupa shutinmi churarqan Masah#17.7a Masah ninanqa probaq ninanmi. y Meriba#17.7b Meriba ninanqa reclamë ninanmi. nir. Tsë shutikunata churarqan Israel nunakuna descontentu kar <<¿noqantsikwan Teyta Dios këkanku o manaku?>> niyanqanpitam.
Amalecita nunakunata venciyanqan
8Tsëpitanam Israel nunakuna Refidimchö tëkäyaptin amalecita nunakuna ëwayarqan pëkunata atacayänanpaq. 9Tsëmi Josuéta Moisés nirqan: <<Nunakunata akrë amalecita nunakunawan pelyaq ëwayänëkipaq. Warë qoyallam noqaqa jirkachö këkäshaq Teyta Dios <apë> nimanqan tukrüta aptashqa>>.
10Moisés ninqannöllam Josuéqa nunakunata akrarir amalecita nunakunawan pelyaq ëwarqan. Moisés, Aarón y Hurnam jirka puntanman witsäyarqan. 11Moisés rikranta pallariraptinmi Israel nunakuna amalecita nunakunata venciyaq. Rikranta Moisés utikar bäjatsiptinnam amalecita nunakuna venciyaq. 12Utikïkuptinmi Aarónwan Hur rumita churayarqan Moisés täkurinanpaq. Nïkurnam ishkan lädupa Moiséspa rikranta pallariräyarqan inti jeqanqanyaq. 13Tsënöpam Josué y akranqan nunakuna espädankunawan wanutsir amalecita nunakunata venciyarqan.
14Tsëpitanam Moisésta Teyta Dios nirqan: <<Kë pelya kanqanta mana qonqayänanpaq qellqë juk rölluman. Josuétana willë amalecita nunakunata llapanta ushakätsinäpaq kanqanta>>.#Deut. 25.17-19; 1Sam. 15.2-9.
15Tsëmi Moisés juk altarta perqarir shutin churarqan Teyta Diosmi Bandërä nir.#17.15 Hebreo idiömachömi tsë shuti këkan Yahweh-nissi. 16Nïkurnam nirqan: <<Teyta Diospa contran amalecita nunakuna shäriyanqanpitam pëkunawan Teyta Dios wiñëpa wiñënin pelyanqa>>.
Currently Selected:
Éxodo 17: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 17
17
Qaqapita yaku pashtamunqan
1Sin nishqan chusyaq jirkachö tëkäyanqanpitam Teyta Dios ninqannölla Israel nunakuna posadakur posadakur Refidim partiman chäyarqan. Tsëchöpis manam yaku karqantsu. 2Tsëmi nunakuna Moisésta piñëpa niyarqan: <<¿Ima yakutataq këchö upuyäshaq?>>
Niyaptinnam Moisés nirqan: <<Yaku mana kaptin reclamayämaptikipis ¿imatataq rurashaq? ¿Imanirtaq Teyta Diosta probëta munëkäyanki?>>
3Moisés tsënö niptinpis nunakunaqa alläpa yakunëwan qayaparmi niyarqan: <<¿Kënö jipatsiyämänëkipaqku Egiptupita jorqayämarqëki? ¿Llapan wamräkunata y wätäkunata yakunëpa wanutsiyämänëkipaqku jorqayämarqunki?>>
4Nunakuna tsënö niyaptinnam Teyta Diosta mañakur Moisés nirqan: <<Teyta, kë nunakunawan ¿imatataq rurashaq? Tsënölla karqa tsampimarmi wanutsiyämanqa>>.
5Tsënam Moisésta Teyta Dios nirqan: <<Juk ishkë precisaq Israel nunakunata pusharkur llapan nunakunapa puntanta ëwanki. Pëkunawan ëwar mayuta wilunqëki tukrïkita#17.5 Wakin nunakunaqa shukshïkita niyanmi. apanki. 6Horeb#17.6 Horebqa Sinaí jirkapa juk kaq shutinmi. jirkachö këkaq qaqachömi shuyashqëki. Tsë qaqata tukrïkiwan wiluptikim yaku yarqamunqa llapan nunakuna upuyänanpaq>>.
Tsëmi Moisésqa Teyta Dios ninqannölla rurarqan precisaq Israel nunakuna rikarëkäyaptin.
7Tsë sitiupa shutinmi churarqan Masah#17.7a Masah ninanqa probaq ninanmi. y Meriba#17.7b Meriba ninanqa reclamë ninanmi. nir. Tsë shutikunata churarqan Israel nunakuna descontentu kar <<¿noqantsikwan Teyta Dios këkanku o manaku?>> niyanqanpitam.
Amalecita nunakunata venciyanqan
8Tsëpitanam Israel nunakuna Refidimchö tëkäyaptin amalecita nunakuna ëwayarqan pëkunata atacayänanpaq. 9Tsëmi Josuéta Moisés nirqan: <<Nunakunata akrë amalecita nunakunawan pelyaq ëwayänëkipaq. Warë qoyallam noqaqa jirkachö këkäshaq Teyta Dios <apë> nimanqan tukrüta aptashqa>>.
10Moisés ninqannöllam Josuéqa nunakunata akrarir amalecita nunakunawan pelyaq ëwarqan. Moisés, Aarón y Hurnam jirka puntanman witsäyarqan. 11Moisés rikranta pallariraptinmi Israel nunakuna amalecita nunakunata venciyaq. Rikranta Moisés utikar bäjatsiptinnam amalecita nunakuna venciyaq. 12Utikïkuptinmi Aarónwan Hur rumita churayarqan Moisés täkurinanpaq. Nïkurnam ishkan lädupa Moiséspa rikranta pallariräyarqan inti jeqanqanyaq. 13Tsënöpam Josué y akranqan nunakuna espädankunawan wanutsir amalecita nunakunata venciyarqan.
14Tsëpitanam Moisésta Teyta Dios nirqan: <<Kë pelya kanqanta mana qonqayänanpaq qellqë juk rölluman. Josuétana willë amalecita nunakunata llapanta ushakätsinäpaq kanqanta>>.#Deut. 25.17-19; 1Sam. 15.2-9.
15Tsëmi Moisés juk altarta perqarir shutin churarqan Teyta Diosmi Bandërä nir.#17.15 Hebreo idiömachömi tsë shuti këkan Yahweh-nissi. 16Nïkurnam nirqan: <<Teyta Diospa contran amalecita nunakuna shäriyanqanpitam pëkunawan Teyta Dios wiñëpa wiñënin pelyanqa>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.