Éxodo 16
16
Manáta y codornizta Teyta Dios qaranqan
1Elim partipita ewkurmi Israel nunakuna chäriyarqan Sin niyashqan chusyaq jirkamanpa. Tsëqa këkan Elimpita Sinaíman ëwanachömi. Tsëman chäyarqan Egiptupita ewkur juk killa pullanchömi. 2Tsë chusyaq jirkachömi Israel nunakuna Moiséspa y Aarónpa contran shärir 3kënö niyarqan: <<Egiptullachöna Teyta Dios wanutsimashqa allim kanman karqan. Egiptuchöqa pacha juntam mikurqantsik. Ëtsapis mankantsikkunachö manam pishirqantsu. Qamkunaqa kë chusyaq jirkaman pushayämarqunki mallaqëpa wanutsiyämänëkipaqmi>>.
4Tsënö niyaptinmi Moisésta Teyta Dios nirqan: <<Ciëlupitam mikïta tamyatanöraq shikwatsimushaq.#Juan 6.31. Tsëtam nunakuna waran waran ëlluyanqa tsë junaq mikuyänan tinkulla. Ninqänö ëlluyaptinmi musyashaq cäsuyämanqanta. Ninqäpita masta ëlluyaptinqa musyashaq mana cäsuyämanqantam. 5Joqta junaqchöna ishkë junaq mikuyänanpaq tinku ëlluyanqa>>.
6Tsëmi Moiséswan Aarónqa Israel nunakunata niyarqan: <<Kanan tardim musyayanki Egiptupita kikin Teyta Dios jorqayämushunqëkita. 7Tsënöllam waränin qoyapis Teyta Dios poderyuq kanqanta rikäyanki. Pë musyanmi contran parlëkäyanqëkita. ¡Noqakunapaq rimayänëkipaqqa pitaq kayä!>>
8Yapëpis Moisés nirqanmi: <<¿Imanirtaq conträ rimëkäyanki? Qamkunaqa manam noqakunapatsu conträkuna parlëkäyanki, sinöqa Teyta Diospa contranmi. Pëmi wiyashqa contran sharkuyanqëkita. Tsënö kaptinpis kanan tardim ëtsata mikunapaq qaramäshun. Warë qoyanam mikïta qaramäshun>>.
9Tsëpitanam Aarónta Moisés nirqan: <<Teyta Diosmi wiyashqa Israel nunakuna contran parlayanqanta. Kananqa Israel nunakunata willë Teyta Diospa nöpanman ëllukäyänanpaq>>.
10Israel nunakunata Aarón parlapëkaptinmi chusyaq jirka läduchö Teyta Diospa chipapëninta pukutëchö rikäyarqan.
11Moiséstam Teyta Dios nirqan: 12<<Wiyarqümi Israel nunakuna conträ parlëkäyanqanta. Kanan pëkunata willë: <Tardipam ëtsata mikuyanki. Qoyapanam pachëki juntanqanyaq mikïta mikuyanki. Tsënöpam musyayanki Teyta Diosnikikuna kashqäta> >>.
13Tsë tardim atska codornizkuna Israel nunakuna toldunkuna kashqanman juntarqan. Patsa waräriptinnam täräyashqan tumariq yuraqëparaq shulla#16.13 Wakin nunakunaqa shulya niyanmi. warämurqan.#Núm. 11.31-32. 14Shulla tsakiriptinnam rashta niraq patsachö karqan. 15Tsëta rikëkurmi Israel nunakuna ima kanqantapis mana musyayarqantsu. Tsëmi jukninpis jukninpis niyarqan: <<¿Imaraq këqa?>>#1Cor. 10.3.
Tsënam Moisés nirqan: <<Këqa Teyta Dios qaramanqantsik mikïmi. 16Teyta Diosmi kënö nishqa: <Waran waran mikuyänëki tinkulla ëlluyanki. Ëkaqpis toldïkichö kayanqëkipita jukniki juknikipaq ishkë matitayan ëlluyanki> >>.
17Tsë ninqannöllam Israel nunakuna ëlluyarqan. Tsëmi wallkaqlla karqa wallkallata ëlluyarqan. Atskaq karnam atskata ëlluyarqan. 18Matiwan tupïpam ëlluyarqan. Atskata ëlluyaptinpis manam sobrarqantsu. Wallkallata ëlluyaptinpis manam pishirqantsu.#2Cor. 8.15. Waran waranmi ëlluyarqan mikuyänanpaq tinkulla.
19Tsëpitanam Moisés nirqan: <<Warëpaqqa mëqëkipis mikïta ama churayankitsu>>.
20Tsënö nikaptinpis wakinqa mana cäsukurmi waränin junaqpaq mikïta churayarqan. Tsë churayanqan mikïmi waränin junaq rikëkuyänanpaqqa pasëpa kurushqa asyëkänaq. Tsëmi mikï churaqkunata Moisés alläpa piñaparqan.
21Tsëpitaqa mikur ushayänanpaqnöllam cada qoya jukninpis jukninpis ëlluyarqan. Mana ëlluyanqan kaqtaqa achachëllam tsulluratsiq. 22Joqta kaq junaqqa ishkë junaq mikuyänanpaqmi ëlluyarqan. Tsëmi juknin jukninpaq ëlluyarqan chusku mati juntatayan. Tsënö ëlluyaptinmi anciänukuna ëwayarqan Moisésta willayänanpaq. 23Tsënam Moisés nirqan: <<Tsënö ëlluyänanpaqmi Teyta Dios nishqa. Warë junaqqa Teyta Diosta adoranantsikpaq jamakï junaqmi këkan.#Éxo. 20.8-11. Tsëmi aruyänëkipaq kaqtaqa waräninpaqwan aruyanki y puwatsiyänëkipaq kaqtapis puwatsiyanki. Katukunataqa churayanki waränin junaq mikuyänëkipaq>>.
24Moisés ninqannöllam arukurir churayarqan waränin junaq mikuyänanpaq. Waränin junaq rikëkuyänanpaq tsë churayanqan mikï manam kurushqatsu ni asyashqatsu karqan.
25Tsënam Moisés nirqan: <<Kanan junaqqa Teyta Diosta adoranapaq jamakï junaqmi. Tsëmi qanyan churayanqëki mikïllatana mikuyanki. Mikï ëlluq yarqurpis manam imatapis tariyankitsu. 26Joqta junaqllam mikï kanqa ëlluyänëkipaq. Qanchis kaq junaqqa jamakï junaq kaptin manam imatapis tariyankitsu>>.
27Tsënö nikaptinpis wakin nunakunaqa jamakï junaqpis mikï ëlluq yarqur manam imatapis tariyarqantsu. 28Tsënam Moisésta Teyta Dios nirqan: <<¿Imëyaqtaq mandamientükunata y leynïkunata cäsuyankitsu? 29Ama qonqayëtsu jamakï junaqchö jamayänëkipaq niyanqaqta. Jamakï junaqpaqwanmi joqta kaq junaqna mikïta qarëkäyaq. Tsëmi qanchis junaqqa mëpapis mana yarqïta täkuyanqëkichö jamakuyanki>>.
30Tsënö niptinmi qanchis kaq junaq llapan nunakuna jamakuyarqan.
31Israel nunakuna ëlluyanqan mikïqa karqan culantrupa murunnömi. Tsë mikïqa yulaqmi karqan. Tsëqa mishkirqan mielwan rurashqa tantanömi. Tsëtam Israel nunakuna maná niyarqan.#Núm. 11.7-9. 32Tsëpitanam Israel nunakunata Moisés nirqan: <<Teyta Diosmi kënö nin: <Mirënikikuna rikäyänanpaq ishkë matitanö manáta churayë. Tsënöpam pëkuna reqiyanqa Egiptupita jorqamur chusyaq jirkachö mikïta qarayanqaqta> >>.
33Nïkurmi Aarónta Moisés nirqan: <<Ishkë mati manáta juk canastaman winarkur Teyta Diospa nöpanman churë.#Heb. 9.4. Tsëchömi churaranqa Israel nunakunapita miraqkuna reqiyänanpaq>>.
34Tsënam Moisésta Teyta Dios ninqannölla canastaman manáta winarkur Pactu Baúl nöpanman Aarón churarqan. 35Canaánpa mojunninman chäyanqanyaqmi chusku chunka (40) watanpi Israel nunakuna manáta mikuyarqan.#Jos. 5.12.
36Manáta ishkë matita canastaman winanqanqa karqan ishkë kïlunömi. Tsë tuputam gomer niyaq.
Currently Selected:
Éxodo 16: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Éxodo 16
16
Manáta y codornizta Teyta Dios qaranqan
1Elim partipita ewkurmi Israel nunakuna chäriyarqan Sin niyashqan chusyaq jirkamanpa. Tsëqa këkan Elimpita Sinaíman ëwanachömi. Tsëman chäyarqan Egiptupita ewkur juk killa pullanchömi. 2Tsë chusyaq jirkachömi Israel nunakuna Moiséspa y Aarónpa contran shärir 3kënö niyarqan: <<Egiptullachöna Teyta Dios wanutsimashqa allim kanman karqan. Egiptuchöqa pacha juntam mikurqantsik. Ëtsapis mankantsikkunachö manam pishirqantsu. Qamkunaqa kë chusyaq jirkaman pushayämarqunki mallaqëpa wanutsiyämänëkipaqmi>>.
4Tsënö niyaptinmi Moisésta Teyta Dios nirqan: <<Ciëlupitam mikïta tamyatanöraq shikwatsimushaq.#Juan 6.31. Tsëtam nunakuna waran waran ëlluyanqa tsë junaq mikuyänan tinkulla. Ninqänö ëlluyaptinmi musyashaq cäsuyämanqanta. Ninqäpita masta ëlluyaptinqa musyashaq mana cäsuyämanqantam. 5Joqta junaqchöna ishkë junaq mikuyänanpaq tinku ëlluyanqa>>.
6Tsëmi Moiséswan Aarónqa Israel nunakunata niyarqan: <<Kanan tardim musyayanki Egiptupita kikin Teyta Dios jorqayämushunqëkita. 7Tsënöllam waränin qoyapis Teyta Dios poderyuq kanqanta rikäyanki. Pë musyanmi contran parlëkäyanqëkita. ¡Noqakunapaq rimayänëkipaqqa pitaq kayä!>>
8Yapëpis Moisés nirqanmi: <<¿Imanirtaq conträ rimëkäyanki? Qamkunaqa manam noqakunapatsu conträkuna parlëkäyanki, sinöqa Teyta Diospa contranmi. Pëmi wiyashqa contran sharkuyanqëkita. Tsënö kaptinpis kanan tardim ëtsata mikunapaq qaramäshun. Warë qoyanam mikïta qaramäshun>>.
9Tsëpitanam Aarónta Moisés nirqan: <<Teyta Diosmi wiyashqa Israel nunakuna contran parlayanqanta. Kananqa Israel nunakunata willë Teyta Diospa nöpanman ëllukäyänanpaq>>.
10Israel nunakunata Aarón parlapëkaptinmi chusyaq jirka läduchö Teyta Diospa chipapëninta pukutëchö rikäyarqan.
11Moiséstam Teyta Dios nirqan: 12<<Wiyarqümi Israel nunakuna conträ parlëkäyanqanta. Kanan pëkunata willë: <Tardipam ëtsata mikuyanki. Qoyapanam pachëki juntanqanyaq mikïta mikuyanki. Tsënöpam musyayanki Teyta Diosnikikuna kashqäta> >>.
13Tsë tardim atska codornizkuna Israel nunakuna toldunkuna kashqanman juntarqan. Patsa waräriptinnam täräyashqan tumariq yuraqëparaq shulla#16.13 Wakin nunakunaqa shulya niyanmi. warämurqan.#Núm. 11.31-32. 14Shulla tsakiriptinnam rashta niraq patsachö karqan. 15Tsëta rikëkurmi Israel nunakuna ima kanqantapis mana musyayarqantsu. Tsëmi jukninpis jukninpis niyarqan: <<¿Imaraq këqa?>>#1Cor. 10.3.
Tsënam Moisés nirqan: <<Këqa Teyta Dios qaramanqantsik mikïmi. 16Teyta Diosmi kënö nishqa: <Waran waran mikuyänëki tinkulla ëlluyanki. Ëkaqpis toldïkichö kayanqëkipita jukniki juknikipaq ishkë matitayan ëlluyanki> >>.
17Tsë ninqannöllam Israel nunakuna ëlluyarqan. Tsëmi wallkaqlla karqa wallkallata ëlluyarqan. Atskaq karnam atskata ëlluyarqan. 18Matiwan tupïpam ëlluyarqan. Atskata ëlluyaptinpis manam sobrarqantsu. Wallkallata ëlluyaptinpis manam pishirqantsu.#2Cor. 8.15. Waran waranmi ëlluyarqan mikuyänanpaq tinkulla.
19Tsëpitanam Moisés nirqan: <<Warëpaqqa mëqëkipis mikïta ama churayankitsu>>.
20Tsënö nikaptinpis wakinqa mana cäsukurmi waränin junaqpaq mikïta churayarqan. Tsë churayanqan mikïmi waränin junaq rikëkuyänanpaqqa pasëpa kurushqa asyëkänaq. Tsëmi mikï churaqkunata Moisés alläpa piñaparqan.
21Tsëpitaqa mikur ushayänanpaqnöllam cada qoya jukninpis jukninpis ëlluyarqan. Mana ëlluyanqan kaqtaqa achachëllam tsulluratsiq. 22Joqta kaq junaqqa ishkë junaq mikuyänanpaqmi ëlluyarqan. Tsëmi juknin jukninpaq ëlluyarqan chusku mati juntatayan. Tsënö ëlluyaptinmi anciänukuna ëwayarqan Moisésta willayänanpaq. 23Tsënam Moisés nirqan: <<Tsënö ëlluyänanpaqmi Teyta Dios nishqa. Warë junaqqa Teyta Diosta adoranantsikpaq jamakï junaqmi këkan.#Éxo. 20.8-11. Tsëmi aruyänëkipaq kaqtaqa waräninpaqwan aruyanki y puwatsiyänëkipaq kaqtapis puwatsiyanki. Katukunataqa churayanki waränin junaq mikuyänëkipaq>>.
24Moisés ninqannöllam arukurir churayarqan waränin junaq mikuyänanpaq. Waränin junaq rikëkuyänanpaq tsë churayanqan mikï manam kurushqatsu ni asyashqatsu karqan.
25Tsënam Moisés nirqan: <<Kanan junaqqa Teyta Diosta adoranapaq jamakï junaqmi. Tsëmi qanyan churayanqëki mikïllatana mikuyanki. Mikï ëlluq yarqurpis manam imatapis tariyankitsu. 26Joqta junaqllam mikï kanqa ëlluyänëkipaq. Qanchis kaq junaqqa jamakï junaq kaptin manam imatapis tariyankitsu>>.
27Tsënö nikaptinpis wakin nunakunaqa jamakï junaqpis mikï ëlluq yarqur manam imatapis tariyarqantsu. 28Tsënam Moisésta Teyta Dios nirqan: <<¿Imëyaqtaq mandamientükunata y leynïkunata cäsuyankitsu? 29Ama qonqayëtsu jamakï junaqchö jamayänëkipaq niyanqaqta. Jamakï junaqpaqwanmi joqta kaq junaqna mikïta qarëkäyaq. Tsëmi qanchis junaqqa mëpapis mana yarqïta täkuyanqëkichö jamakuyanki>>.
30Tsënö niptinmi qanchis kaq junaq llapan nunakuna jamakuyarqan.
31Israel nunakuna ëlluyanqan mikïqa karqan culantrupa murunnömi. Tsë mikïqa yulaqmi karqan. Tsëqa mishkirqan mielwan rurashqa tantanömi. Tsëtam Israel nunakuna maná niyarqan.#Núm. 11.7-9. 32Tsëpitanam Israel nunakunata Moisés nirqan: <<Teyta Diosmi kënö nin: <Mirënikikuna rikäyänanpaq ishkë matitanö manáta churayë. Tsënöpam pëkuna reqiyanqa Egiptupita jorqamur chusyaq jirkachö mikïta qarayanqaqta> >>.
33Nïkurmi Aarónta Moisés nirqan: <<Ishkë mati manáta juk canastaman winarkur Teyta Diospa nöpanman churë.#Heb. 9.4. Tsëchömi churaranqa Israel nunakunapita miraqkuna reqiyänanpaq>>.
34Tsënam Moisésta Teyta Dios ninqannölla canastaman manáta winarkur Pactu Baúl nöpanman Aarón churarqan. 35Canaánpa mojunninman chäyanqanyaqmi chusku chunka (40) watanpi Israel nunakuna manáta mikuyarqan.#Jos. 5.12.
36Manáta ishkë matita canastaman winanqanqa karqan ishkë kïlunömi. Tsë tuputam gomer niyaq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.