Daniel 8
8
Carnëruta y chiwata revelacionchö Daniel rikanqan
1Belsasar kima wata rey këkaptinmi noqa Daniel yapë revelacionta rikarqä. 2Tsë revelacionchömi këkarqä Elam provinciachö këkaq Susa markachö y Ulai mayu kuchunchö. 3Rikachakushqächömi rikëkurqä ishkë largu waqrayuq carnëru mayu kuchunchö këkaqta. Juk kaq waqram qepataraq winamushqa këkarpis mas jatun karqan. 4Tsë carnërutam rikëkurqä inti jeqanan kaq lädupa, norti kaq lädupa y sur kaq lädupa ataquëkaqta. Manam ima animalpis pärapïta puëdiyarqantsu. Tsënöllam munëninpita pipis safarqantsu. Tsë carnërum munashqanta rurar llapanpitapis mas puëdiq tikrarqan.
5Tsë rikashqäkunapaq yarpakachëkaptïmi inti jeqanan kaq lädupita juk yayan chiwa urkunchö tsëtsikan waqrayuq yurirkamurqan. Tsë chiwam ëqillapa ëwakurqan patsatapis mana jalushpa. 6Mayu kuchunchö rikashqä ishkë waqrayuq carnëru kaqman chëkurmi llapan kallpanwan piñashqa tsaktëkurqan. 7Rikëkaptï tsaktëkuptinmi carnërupa ishkan waqran pakirirqan. Chiwa tsaktar pasëpa jalukur ushëkuptinmi carnëru ima rurëtapis puëdirqantsu. Manam pipis tsë carnëruta washëta puëdirqantsu.
8Tsëmi chiwaqa waran waranlla alläpa kallpayuq tikrakurirqan. Tsënö alläpa puëdiq këkaptinpis jatun waqranqa pakikurirqanmi. Tsë pakiq waqranpa rantinnam chusku jatusaq waqrankuna winamurqan. Tsë waqrankunam chuskun läduman toqurëkarqan.
9Juk kaq waqrapitam taksha waqra winar mas jatun tikrarirqan. Tsë waqram winarqan sur kaq lädupa, inti yarqamunan kaq lädupa y kuyëllapaq nacionnintsik kaq lädupa.#8.9 Tsë waqraqa Antíoco IV Epífanes shutiyuq reymi karqan. Pëqa mandakïta qallëkurqan revelacionta Daniel rikashqanpita kima pachak qanchis chunka (370) watatanöran. 10Tsënöllam winarqan ciëluchö këkaq angelkunayaq. Tsëmi tsë wakin angelkunata y qoyllurkunata jitarkamur jalur usharqan.#Apoc. 12.4. 11Angelpa mandakuqninpita alläpa puëdiq kashqanta yarparmi sacrificiuta templuchö waran waran kayayänanta jaqirqantsu y templutapis impüruyätsirqan.#8.11 Templutaqa impüruyätsin Teyta Dios prohibishqanta tsëchö rurarmi. Tsëpita masta musyanëkipaq leyinki Lev. 20.3; 21.12; Núm. 19.13, 20. Antíoco IV Epífanes shutiyuq rey templuta impüruyätsir imata rurashqanta musyanëkipaq leyinki 1 Macabeos 1.20-24, 44-50. 12Tsënö kaptinmi waran waran kayayänanpaq kaq sacrificiuta manana kayayarqantsu y Diosman markäkuqkuna tsëchö manana adorayarqannatsu. Tsë waqraqa Teyta Dios nishqantapis llapantam manakaqpaq churarqan. Waqra munashqannömi llapanpis karqan.
13Tsëpitam wiyarirqä ángel mayinta juk ángel kënö tapukïkaqta: <<¡Imëyaqraq waran waran kayayänanpaq kaq sacrificiuta kayayanqatsu! ¡Imëyaqraq Teyta Diosta mana cäsur templuta manakaqpaq churayanqa! ¡Imëyaqraq Teyta Diosman markäkuqkunata jipatsiyanqa!>>
14Tapuptinmi juk kaq ángel kënö nirqan: <<Tsënö kanqa ishkë waranqa kima pachak (2,300) tardiyaq y qoyayaqmi. Tsëpitaran templu purificashqa kanqa>>.
Daniel revelacionchö rikanqan imapaq kanqanpis
15Noqa Daniel revelacionta rikashqäpita yarpakachar këkaptïmi juklla lädüchö nuna niraq yurirkamurqan. 16Tsëpitanam wiyarirqä Ulai mayupita tsë nuna niraq kënö nimuqta: <<Ángel Gabriel, käyïkatsi rikashqan imapaq kashqantapis>>.#Luc. 1.19, 26.
17Ángel Gabriel lädüman shamuptinmi noqaqa alläpa mantsakar lätakëpa ishkirirqä. Tsëmi kënö nimarqan: <<Nunapa tsurin, shumaq käyikï. Llapan rikashqëkiqa pasanqa ushakänan tiempu chämuptinran>>.
18Tsënö parlapëkämaptinmi lätarëkashqächö desmayarirqä. Sharkarkatsimarmi 19nimarqan: <<Kananmi käyitsishqëki Teyta Dios piñarkur castiganan tiempu ima pasananpaq kashqantapis. Tsëqa ushanan junaqkunachömi kanqa.
20<<Ishkë waqrayuq carnëruta rikashqëkiqa Mediapa y Persiapa reyninkunam këkäyan. 21Rikashqëki chiwaqa Grecia nacionpa reyninmi këkan. Chiwapa urkunchö tsëtsikan waqra rikashqëkiqa Grecia nacionpa punta kaq reyninmi këkan. 22Tsë waqra pakiptin chusku waqrakuna winayämushqanta rikashqëkiqa tsë nación chusku nacionman rakikänanpaqmi këkan. Tsë rakikashqa nacionkunapa poderninqa manam puntata kayanqannönatsu kanqa.
23<<Tsë chusku nacionkuna poderninnaq tikrariyaptinmi y nunakunapa jutsan tinkuriptinnam mana kuyakuq astütu nuna rey kananpaq yëkunqa.#8.23 Tsë astütu nunaqa Antíoco IV Epífanes shutiyuq reymi karqan. 24Tsë reyqa alläpa puëdiqmi tikranqa. Imanö kaptinpis manam kikinpa poderninwantsu tsënö kanqa, sinöqa jukpa poderninwanmi. Caprïchunta rurarmi imëkatapis pasëpa ushakätsinqa. Tsënöllam mandakuqkunata y Teyta Diosman markäkuq santu nunakunatapis ushakätsinqa.
25<<Alläpa musyaq karninmi pitapis engañanqa. Puëdiq tukurmi atska nunakunatapis juklla wanutsinqa. Tsënöllam mandakuqkunapa mandakuqnin Teyta Diospa contran shärinqa. Tsënö këkashqanchömi castïguwan wanunqa. Tsë castïguqa manam nunapitatsu kanqa.
26<<Qoyapa y tardipa sacrificiuta mana kayayänanpaq revelación rikanqëkiqa rasunpam pasakunqa. Ama pitapis tsëta willëtsu. Atska wata pasariptinran tsëkunaqa cumplikanqa>>.
27Tsënö nimaptinmi noqa Daniel alläpa mantsakar kallpannaq tikrarir atska junaq qeshyarqä. Tsëpita kachakärirnam rey nimashqanta yapë rurarqä. Tsë rikashqä imapaq kashqantapis mana käyirmi alläpa llakikurqä.
Currently Selected:
Daniel 8: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Daniel 8
8
Carnëruta y chiwata revelacionchö Daniel rikanqan
1Belsasar kima wata rey këkaptinmi noqa Daniel yapë revelacionta rikarqä. 2Tsë revelacionchömi këkarqä Elam provinciachö këkaq Susa markachö y Ulai mayu kuchunchö. 3Rikachakushqächömi rikëkurqä ishkë largu waqrayuq carnëru mayu kuchunchö këkaqta. Juk kaq waqram qepataraq winamushqa këkarpis mas jatun karqan. 4Tsë carnërutam rikëkurqä inti jeqanan kaq lädupa, norti kaq lädupa y sur kaq lädupa ataquëkaqta. Manam ima animalpis pärapïta puëdiyarqantsu. Tsënöllam munëninpita pipis safarqantsu. Tsë carnërum munashqanta rurar llapanpitapis mas puëdiq tikrarqan.
5Tsë rikashqäkunapaq yarpakachëkaptïmi inti jeqanan kaq lädupita juk yayan chiwa urkunchö tsëtsikan waqrayuq yurirkamurqan. Tsë chiwam ëqillapa ëwakurqan patsatapis mana jalushpa. 6Mayu kuchunchö rikashqä ishkë waqrayuq carnëru kaqman chëkurmi llapan kallpanwan piñashqa tsaktëkurqan. 7Rikëkaptï tsaktëkuptinmi carnërupa ishkan waqran pakirirqan. Chiwa tsaktar pasëpa jalukur ushëkuptinmi carnëru ima rurëtapis puëdirqantsu. Manam pipis tsë carnëruta washëta puëdirqantsu.
8Tsëmi chiwaqa waran waranlla alläpa kallpayuq tikrakurirqan. Tsënö alläpa puëdiq këkaptinpis jatun waqranqa pakikurirqanmi. Tsë pakiq waqranpa rantinnam chusku jatusaq waqrankuna winamurqan. Tsë waqrankunam chuskun läduman toqurëkarqan.
9Juk kaq waqrapitam taksha waqra winar mas jatun tikrarirqan. Tsë waqram winarqan sur kaq lädupa, inti yarqamunan kaq lädupa y kuyëllapaq nacionnintsik kaq lädupa.#8.9 Tsë waqraqa Antíoco IV Epífanes shutiyuq reymi karqan. Pëqa mandakïta qallëkurqan revelacionta Daniel rikashqanpita kima pachak qanchis chunka (370) watatanöran. 10Tsënöllam winarqan ciëluchö këkaq angelkunayaq. Tsëmi tsë wakin angelkunata y qoyllurkunata jitarkamur jalur usharqan.#Apoc. 12.4. 11Angelpa mandakuqninpita alläpa puëdiq kashqanta yarparmi sacrificiuta templuchö waran waran kayayänanta jaqirqantsu y templutapis impüruyätsirqan.#8.11 Templutaqa impüruyätsin Teyta Dios prohibishqanta tsëchö rurarmi. Tsëpita masta musyanëkipaq leyinki Lev. 20.3; 21.12; Núm. 19.13, 20. Antíoco IV Epífanes shutiyuq rey templuta impüruyätsir imata rurashqanta musyanëkipaq leyinki 1 Macabeos 1.20-24, 44-50. 12Tsënö kaptinmi waran waran kayayänanpaq kaq sacrificiuta manana kayayarqantsu y Diosman markäkuqkuna tsëchö manana adorayarqannatsu. Tsë waqraqa Teyta Dios nishqantapis llapantam manakaqpaq churarqan. Waqra munashqannömi llapanpis karqan.
13Tsëpitam wiyarirqä ángel mayinta juk ángel kënö tapukïkaqta: <<¡Imëyaqraq waran waran kayayänanpaq kaq sacrificiuta kayayanqatsu! ¡Imëyaqraq Teyta Diosta mana cäsur templuta manakaqpaq churayanqa! ¡Imëyaqraq Teyta Diosman markäkuqkunata jipatsiyanqa!>>
14Tapuptinmi juk kaq ángel kënö nirqan: <<Tsënö kanqa ishkë waranqa kima pachak (2,300) tardiyaq y qoyayaqmi. Tsëpitaran templu purificashqa kanqa>>.
Daniel revelacionchö rikanqan imapaq kanqanpis
15Noqa Daniel revelacionta rikashqäpita yarpakachar këkaptïmi juklla lädüchö nuna niraq yurirkamurqan. 16Tsëpitanam wiyarirqä Ulai mayupita tsë nuna niraq kënö nimuqta: <<Ángel Gabriel, käyïkatsi rikashqan imapaq kashqantapis>>.#Luc. 1.19, 26.
17Ángel Gabriel lädüman shamuptinmi noqaqa alläpa mantsakar lätakëpa ishkirirqä. Tsëmi kënö nimarqan: <<Nunapa tsurin, shumaq käyikï. Llapan rikashqëkiqa pasanqa ushakänan tiempu chämuptinran>>.
18Tsënö parlapëkämaptinmi lätarëkashqächö desmayarirqä. Sharkarkatsimarmi 19nimarqan: <<Kananmi käyitsishqëki Teyta Dios piñarkur castiganan tiempu ima pasananpaq kashqantapis. Tsëqa ushanan junaqkunachömi kanqa.
20<<Ishkë waqrayuq carnëruta rikashqëkiqa Mediapa y Persiapa reyninkunam këkäyan. 21Rikashqëki chiwaqa Grecia nacionpa reyninmi këkan. Chiwapa urkunchö tsëtsikan waqra rikashqëkiqa Grecia nacionpa punta kaq reyninmi këkan. 22Tsë waqra pakiptin chusku waqrakuna winayämushqanta rikashqëkiqa tsë nación chusku nacionman rakikänanpaqmi këkan. Tsë rakikashqa nacionkunapa poderninqa manam puntata kayanqannönatsu kanqa.
23<<Tsë chusku nacionkuna poderninnaq tikrariyaptinmi y nunakunapa jutsan tinkuriptinnam mana kuyakuq astütu nuna rey kananpaq yëkunqa.#8.23 Tsë astütu nunaqa Antíoco IV Epífanes shutiyuq reymi karqan. 24Tsë reyqa alläpa puëdiqmi tikranqa. Imanö kaptinpis manam kikinpa poderninwantsu tsënö kanqa, sinöqa jukpa poderninwanmi. Caprïchunta rurarmi imëkatapis pasëpa ushakätsinqa. Tsënöllam mandakuqkunata y Teyta Diosman markäkuq santu nunakunatapis ushakätsinqa.
25<<Alläpa musyaq karninmi pitapis engañanqa. Puëdiq tukurmi atska nunakunatapis juklla wanutsinqa. Tsënöllam mandakuqkunapa mandakuqnin Teyta Diospa contran shärinqa. Tsënö këkashqanchömi castïguwan wanunqa. Tsë castïguqa manam nunapitatsu kanqa.
26<<Qoyapa y tardipa sacrificiuta mana kayayänanpaq revelación rikanqëkiqa rasunpam pasakunqa. Ama pitapis tsëta willëtsu. Atska wata pasariptinran tsëkunaqa cumplikanqa>>.
27Tsënö nimaptinmi noqa Daniel alläpa mantsakar kallpannaq tikrarir atska junaq qeshyarqä. Tsëpita kachakärirnam rey nimashqanta yapë rurarqä. Tsë rikashqä imapaq kashqantapis mana käyirmi alläpa llakikurqä.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.