Daniel 6
6
Leonkuna llawirëkanqanman Danielta jitarkuyanqan
1 1 (2) Nacionninchö mandakushqan alli kananta munarmi rey Darío churarqan juk pachak ishkë chunka (120) mandakur yanapaqninkuna. 2 2 (3) Pëkunata controlayänanpaqnam kima ministrukunata churarqan. Tsë kimanpita juk kaq ministrum karqan Daniel. Tsë ministrukunam imatapis rey nishqanta mandakur yanapaqkunata ruratsiyaq.
3 3 (4) Daniel wakin ministrukunapitapis mas yachëyuq kaptinmi reyqa yarparqan llapan nacionta mandakur yanapananpaq. 4 4 (5) Tsëta musyarirmi wakin ministrukuna y mandakur yanapakuqkuna Danielpa contran shäriyarqan. Tsëmi ima achäquillatapis ashiyarqan imatapis tumpayänanpaq. Tsënö këkaptinpis Danielqa cäsukuq karmi imatapis mana allitaqa rurarqantsu ni qelanarqantsu. Tsëmi imatapis tumpëta puëdiyarqantsu. 5 5 (6) Tsëta käyirirmi niyarqan: <<Manam imatapis tarishuntsu pëta tumpanantsikpaq. Diosninta adorashqanllawanmi pëtaqa ishkitsishun mana alliman>>.
6 6 (7) Tsënö nirmi ministrukuna y mandar yanapakuqkuna comisionta churayarqan reywan parlaq ëwayänanpaq. Chärirmi niyarqan: <<Tëta rey Darío, ¡qamlla imëyaqpis rey këkullë! 7 7 (8) Llapä autoridäkuna ëllukëkurmi willanakuyarqü juk leyta ruratsinëkipaq. Pipis qamta adorayäshunëkipa rantin juk diosta o juk nunata adoraptinqa leonkuna llawiräyashqanman jitashqa katsun. Tsënö ley katsun kananpita kima chunka (30) junaqyaq. 8 8 (9) Tsë leyta qellqarir willakatsi llapanpis cäsukuyänanpaq. Mandashqëki Media y Persia nacionkunapa leyninchö ninqannö tsë rurashqëki leyta pipis ama manakaqpaq churatsuntsu ni trocatsuntsu>>.
9 9 (10) Tsënö niyaptinmi tsë leyta qellqaratsir rey Darío firmarqan. 10 10 (11) Tsë ley qellqarëkashqanta musyarirmi Danielqa punushqan cuartunman witsärir Jerusalén lädupa kaq ventänanta kicharqan. Kicharirnam waran waran kima kuti imëpis mañakushqannö qonqurikïkur Teyta Diosta mañakur alabarqan.
11 11 (12) Tsë acusaq nunakuna chëkurmi Danielta tariyarqan Teyta Diosta mañakïkaqta. 12 12 (13) Tsënö tarïkurmi reyman ëwarnin niyarqan: <<Tëtë rey, musyashqëkinöpis qamta adorashunëkipa rantin ima diostapis o pï nunatapis pipis adoraptinqa leonkuna llawiräyashqanman jitashqa kayänanpaqmi nirqunki. Kima chunka (30) junaq tsënö kananpaqmi leyta mëtsëmanpis apatsirqunki>>.
Tsëmi rey kënö nirqan: <<Awmi, tsënö cumpliyänanpaqmi ordenarqü. Mediapa y Persiapa leyninkunachö ninqannö tsë ruratsishqä leyta pipis manam manakaqpaq churanqatsu ni trocanqatsu>>.
13 13 (14) Tsënö niptinmi niyarqan: <<Judá nacionpita prësu apayämushqan Danielqa manam cäsushunkitsu ni firmashqëki leytapis respetantsu. Pëqa tsënöllam Diosninman waran waran kima kuti mañakïkan>>.
14 14 (15) Tsënö niyaptinmi rey alläpa mantsakar imëkanöpapis Danielta salvëta munar junaqninpi yarpakacharqan. 15 15 (16) Tsë nunakunaqa reyman kutïkurmi kënö niyarqan: <<Musyashqëkinöpis Mediapa y Persiapa leyninchö ninqannö tsë ruratsishqëki leyta pipis manam manakaqpaq churanmantsu ni trocanmantsu>>.
16 16 (17) Tsëmi leonkuna këkäyashqan pözuman jitarkuyänanpaq rey mandarqan. Tsëpitanam Danielta kënö nirqan: <<¡Markäkushqëki Diosniki salvëkulläshï!>>
17 17 (18) Jitarkurninmi jatun rumiwan pözupa shiminta tsaparkuyarqan. Danielta sentenciar cumpliyashqanta musyayänanpaqmi reypis y autoridäkunapis sëllunkunawan sellayarqan. 18 18 (19) Tsëpitanam palaciunman rey ewkur mikïtapis munarqantsu ni müsicatapis wiyëta munarqantsu. Jina waraqninpim punurqantsu.
19 19 (20) Qoya qoyallanam leonkuna llawirëkäyashqan pözu kaqman rey ëqillapa ëwarqan. 20 20 (21) Chëkurmi alläpa llakishqa qayakurqan: <<Wiñëpa kawaq Diosta sirwiq Daniel, imëpis sirwishqëki Dios ¿leonkunapita salvëkushurqunkiku?>>
21 21 (22) Qayakuptinmi Daniel kënö yaskimurqan: <<¡Qamlla imëyaqpis rey këkullë! 22 22 (23) Jutsannaq kashqäta musyarmi angelninta Teyta Diosnï kachamushqa leonkunapa shiminkunata tsapaptin mana mikuyämänanpaq. Tëtë rey, qampa contrëkipis manam ni ima mana allita rurarqütsu>>.
23 23 (24) Tsëmi alläpa kushikur leonkuna llawirëkäyashqanpita Danielta juklla jorqatsimurqan. Jorqaratsimur rikäyänanpaqqa leonkuna manam ashpillapis ashpiyänaqtsu. Tsënö sänu këkarqan Teyta Diosman markäkurmi.
24 24 (25) Tsëpitanam Danielpa contran shäriq nunakunata, warminkunata y tsurinkunatapis leonkuna llawirëkäyashqanman jitarkuyänanpaq rey prësu apatsimurqan. Manaraqpis patsaman chäyaptinmi leonkuna tsaripäkur tullunkunatapis chipyëpa qapchuchurllana ushariyarqan.
25 25 (26) Tsëpitanam rey Darío juk leyta qellqarkur apatsirqan më markachö y më nacionchö täraqkunaman y ima idiömata parlaqkunamanpis. Tsë leychömi kënö nirqan:
<<Qamkunachö alli kawakï këkullätsun. 26 26 (27) Noqam kanan ordenayaq mandakushqä llapan nacionkunachö Daniel adorashqan Diosta mantsakur adorayänëkipaq.
Pëmi wiñëpa kawaq Teyta Diosqa këkan.
Mandakuq kashqanqa manam imëpis ushakanqatsu.
Tsënöllam puëdiq këninqa imëyaqpis këkanqa.
27 27 (28) Pëmi cuidamantsik y ima mana allipitapis tsapämantsik.
Pëmi ciëluchö espantëpaq kaqkunatapis rikakätsimun.
Kë patsachöpis milagrukunatam ruran.
Pëmi leonkunapita Danielta tsapashqa>>.
28 28 (29) Danielqa Persia nacionpa reynin Darío mandakushqan witsan y rey Ciro mandakushqan witsan respetashqam karqan.
Currently Selected:
Daniel 6: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Daniel 6
6
Leonkuna llawirëkanqanman Danielta jitarkuyanqan
1 1 (2) Nacionninchö mandakushqan alli kananta munarmi rey Darío churarqan juk pachak ishkë chunka (120) mandakur yanapaqninkuna. 2 2 (3) Pëkunata controlayänanpaqnam kima ministrukunata churarqan. Tsë kimanpita juk kaq ministrum karqan Daniel. Tsë ministrukunam imatapis rey nishqanta mandakur yanapaqkunata ruratsiyaq.
3 3 (4) Daniel wakin ministrukunapitapis mas yachëyuq kaptinmi reyqa yarparqan llapan nacionta mandakur yanapananpaq. 4 4 (5) Tsëta musyarirmi wakin ministrukuna y mandakur yanapakuqkuna Danielpa contran shäriyarqan. Tsëmi ima achäquillatapis ashiyarqan imatapis tumpayänanpaq. Tsënö këkaptinpis Danielqa cäsukuq karmi imatapis mana allitaqa rurarqantsu ni qelanarqantsu. Tsëmi imatapis tumpëta puëdiyarqantsu. 5 5 (6) Tsëta käyirirmi niyarqan: <<Manam imatapis tarishuntsu pëta tumpanantsikpaq. Diosninta adorashqanllawanmi pëtaqa ishkitsishun mana alliman>>.
6 6 (7) Tsënö nirmi ministrukuna y mandar yanapakuqkuna comisionta churayarqan reywan parlaq ëwayänanpaq. Chärirmi niyarqan: <<Tëta rey Darío, ¡qamlla imëyaqpis rey këkullë! 7 7 (8) Llapä autoridäkuna ëllukëkurmi willanakuyarqü juk leyta ruratsinëkipaq. Pipis qamta adorayäshunëkipa rantin juk diosta o juk nunata adoraptinqa leonkuna llawiräyashqanman jitashqa katsun. Tsënö ley katsun kananpita kima chunka (30) junaqyaq. 8 8 (9) Tsë leyta qellqarir willakatsi llapanpis cäsukuyänanpaq. Mandashqëki Media y Persia nacionkunapa leyninchö ninqannö tsë rurashqëki leyta pipis ama manakaqpaq churatsuntsu ni trocatsuntsu>>.
9 9 (10) Tsënö niyaptinmi tsë leyta qellqaratsir rey Darío firmarqan. 10 10 (11) Tsë ley qellqarëkashqanta musyarirmi Danielqa punushqan cuartunman witsärir Jerusalén lädupa kaq ventänanta kicharqan. Kicharirnam waran waran kima kuti imëpis mañakushqannö qonqurikïkur Teyta Diosta mañakur alabarqan.
11 11 (12) Tsë acusaq nunakuna chëkurmi Danielta tariyarqan Teyta Diosta mañakïkaqta. 12 12 (13) Tsënö tarïkurmi reyman ëwarnin niyarqan: <<Tëtë rey, musyashqëkinöpis qamta adorashunëkipa rantin ima diostapis o pï nunatapis pipis adoraptinqa leonkuna llawiräyashqanman jitashqa kayänanpaqmi nirqunki. Kima chunka (30) junaq tsënö kananpaqmi leyta mëtsëmanpis apatsirqunki>>.
Tsëmi rey kënö nirqan: <<Awmi, tsënö cumpliyänanpaqmi ordenarqü. Mediapa y Persiapa leyninkunachö ninqannö tsë ruratsishqä leyta pipis manam manakaqpaq churanqatsu ni trocanqatsu>>.
13 13 (14) Tsënö niptinmi niyarqan: <<Judá nacionpita prësu apayämushqan Danielqa manam cäsushunkitsu ni firmashqëki leytapis respetantsu. Pëqa tsënöllam Diosninman waran waran kima kuti mañakïkan>>.
14 14 (15) Tsënö niyaptinmi rey alläpa mantsakar imëkanöpapis Danielta salvëta munar junaqninpi yarpakacharqan. 15 15 (16) Tsë nunakunaqa reyman kutïkurmi kënö niyarqan: <<Musyashqëkinöpis Mediapa y Persiapa leyninchö ninqannö tsë ruratsishqëki leyta pipis manam manakaqpaq churanmantsu ni trocanmantsu>>.
16 16 (17) Tsëmi leonkuna këkäyashqan pözuman jitarkuyänanpaq rey mandarqan. Tsëpitanam Danielta kënö nirqan: <<¡Markäkushqëki Diosniki salvëkulläshï!>>
17 17 (18) Jitarkurninmi jatun rumiwan pözupa shiminta tsaparkuyarqan. Danielta sentenciar cumpliyashqanta musyayänanpaqmi reypis y autoridäkunapis sëllunkunawan sellayarqan. 18 18 (19) Tsëpitanam palaciunman rey ewkur mikïtapis munarqantsu ni müsicatapis wiyëta munarqantsu. Jina waraqninpim punurqantsu.
19 19 (20) Qoya qoyallanam leonkuna llawirëkäyashqan pözu kaqman rey ëqillapa ëwarqan. 20 20 (21) Chëkurmi alläpa llakishqa qayakurqan: <<Wiñëpa kawaq Diosta sirwiq Daniel, imëpis sirwishqëki Dios ¿leonkunapita salvëkushurqunkiku?>>
21 21 (22) Qayakuptinmi Daniel kënö yaskimurqan: <<¡Qamlla imëyaqpis rey këkullë! 22 22 (23) Jutsannaq kashqäta musyarmi angelninta Teyta Diosnï kachamushqa leonkunapa shiminkunata tsapaptin mana mikuyämänanpaq. Tëtë rey, qampa contrëkipis manam ni ima mana allita rurarqütsu>>.
23 23 (24) Tsëmi alläpa kushikur leonkuna llawirëkäyashqanpita Danielta juklla jorqatsimurqan. Jorqaratsimur rikäyänanpaqqa leonkuna manam ashpillapis ashpiyänaqtsu. Tsënö sänu këkarqan Teyta Diosman markäkurmi.
24 24 (25) Tsëpitanam Danielpa contran shäriq nunakunata, warminkunata y tsurinkunatapis leonkuna llawirëkäyashqanman jitarkuyänanpaq rey prësu apatsimurqan. Manaraqpis patsaman chäyaptinmi leonkuna tsaripäkur tullunkunatapis chipyëpa qapchuchurllana ushariyarqan.
25 25 (26) Tsëpitanam rey Darío juk leyta qellqarkur apatsirqan më markachö y më nacionchö täraqkunaman y ima idiömata parlaqkunamanpis. Tsë leychömi kënö nirqan:
<<Qamkunachö alli kawakï këkullätsun. 26 26 (27) Noqam kanan ordenayaq mandakushqä llapan nacionkunachö Daniel adorashqan Diosta mantsakur adorayänëkipaq.
Pëmi wiñëpa kawaq Teyta Diosqa këkan.
Mandakuq kashqanqa manam imëpis ushakanqatsu.
Tsënöllam puëdiq këninqa imëyaqpis këkanqa.
27 27 (28) Pëmi cuidamantsik y ima mana allipitapis tsapämantsik.
Pëmi ciëluchö espantëpaq kaqkunatapis rikakätsimun.
Kë patsachöpis milagrukunatam ruran.
Pëmi leonkunapita Danielta tsapashqa>>.
28 28 (29) Danielqa Persia nacionpa reynin Darío mandakushqan witsan y rey Ciro mandakushqan witsan respetashqam karqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.