Daniel 5
5
Perqachö juk maki qellqanqan
1Babiloniapa reynin Belsasar fiestata rurarmi juk waranqa (1,000) yanapaqkunata qayatsirqan juntu mikuyänanpaq. Tsëchömi pëkunawan vïnuta upuyarqan machayashqanyaq. 2-3Machapëkurmi rey Belsasar ordenarqan tëtan Nabucodonosor Jerusalén templupita apamushqan qoripita y qellëpita väsukunata jorqayämunanpaq. Tsëkunata jorqayämurqan yanapaqninkunawan, warminkunawan y concubïnankunawan upuyänanpaqmi. Ordenashqannö apayämuptinmi tsë väsukunawan upuyarqan. 4Vïnuta upullapam qoripita, qellëpita, broncipita, fiërrupita, qerupita y rumipita rurashqa diosninkunata alabayarqan.
5Tsë höram palaciupa sälanchö nunapa makin yurirkur mechëru atsikyaqchö ruri yulaq perqachö qellqarqan. Tsë qellqëkaq makita rikëkurmi 6rey paqwë mantsakar qaqllanpis yulaqärirqan. Qonqunpis pasëpa karkaryaptinmi shäränanpaq kallpanpis karqantsu. 7Tsëmi brüjukunata, qoyllur estudiaqkunata y adivïnukunata qayatsimurqan. Pëkunatam rey kënö nirqan: <<Mëqëkipis kë qellqarëkaqta leyirir ima ninqantapis käyitsimaq kaqtam granäti ratashta yakarkatsishaq. Tsënöllam qoripita rurashqa wallqata wallqatsishaq. Tsënöllam noqawan juntu mandakunanpaq churashaq>>.
8Qayatsishqan yachaq nunakunaqa perqachö qellqarëkaqta leyirpis manam käyiyarqantsu. Tsëmi reyta ima nitapis puëdiyarqantsu. 9Tsëmi Belsasarqa alläpa mantsakëwan qaqllanpis peor yulaqäkurirqan. Yanapaqninkunapis manam imanö këtapis puëdiyarqantsu.
10Rey y yanapaqninkuna mantsakar qapariyashqanta wiyëkurmi reinana yëkurqan mikïkäyashqan kaqman. Tsëchömi reyta kënö nirqan: <<¡Qamlla imëyaqpis rey këkullë! Ama mantsakëtsu ni qaqllëkipis jukläyakuritsuntsu. 11Kë mandakïkashqëki nacionchömi juk nunata llapan dioskuna shumaq yanapayan. Tëtëki Nabucodonosor mandakuq kashqan witsan dioskunanöran tsë nunaqa imatapis shumaq käyiq karqan. Tsëmi tëtëki pëta churarqan llapan adivïnukunapa, brüjukunapa, qoyllur estudiaqkunapa y suerti qatiqkunapa mandakuqnin kananpaq. 12Pëpa shutinqa Danielmi. Tëtëkinam shutinta trocarqan Beltsasar kananpaq. Danielqa imatapis shumaq käyikuq karmi nunakuna suëñuyashqan imapaq kashqantapis musyan. Tsënöllam imapis sasa kaqkunata shumaq arreglananpaq käyin. Pëta qayatsimï perqachö qellqarëkashqan ima ninqantapis käyitsishunëkipaq>>.
13Tsënö niptinmi Danielta qayëkatsir rey kënö tapurqan: <<¿Qamku kanki Judá nacionpita tëtä prësu apamushqan nuna? 14Qampaqmi willayämashqa dioskuna shumaq yanapashushqëkita. Tsëshi imatapis shumaq käyinki y alli yachëyuq kanki.
15<<Perqachö qellqarëkaqta leyirir imapaq kashqantapis niyämänanpaqmi yachaqkunata y brüjukunata qayatsimurqü. Qellqarëkaqta leyirpis manam musyayantsu ima ninqantapis. 16Qampaqmi willayämashqa sasa käyiyänanpaq kaqkunatapis käyishqëkita y imapis sasa kaptinpis shumaq arreglashqëkita. Tsëmi rowakuq perqachö qellqarëkaqta leyirir imapaq kashqantapis käyitsimänëkipaq. Käyitsimaptikiqa granäti ratashtam yakatsishqëki. Tsënöllam qoripita rurashqa wallqata wallqatsishqëki. Tsëpitanam mandakushqä nacionchö noqawan juntu mandakunëkipaq churashqëki>>.
17Tsënö niptinnam Danielqa kënö nirqan: <<Tëtë rey, tsë qaramänëkipaq kaqkunaqa kikikipaq kakutsun o jukta qarëkï. Perqachö qellqarëkaqtaqa leyipashqëkim y imapaq kashqantapis käyitsishqëkim.
18<<Tëtë rey, puëdiq Teyta Diosmi tëtëki Nabucodonosorta yanaparqan jinantin nacionkunata munëninman churananpaq, respetashqa kananpaq y mandakuq kananpaqpis. 19Tëtëkim mandakuq karnin pitapis munashqan kaqta wanutsiq y mana munashqan kaqtaqa manam wanutsiqtsu. Wakintam churaq mas mandakuq kayänanpaq y wakintanam qarquq mandakuq kayashqanpita. Tsënö mandakuq kaptinmi llapan nacionkunachö y markakunachö täraq nunakuna ima idiömata parlaq kaqpis pëta mantsayarqan.
20<<Puëdiq tukur munashqanta ruraptinmi mandakuq kashqanpita Teyta Dios qarqurirqan. 21Nuna mayinkunapita qarquriptinmi yarpëninpis wätapanö tikrarirqan. Tsëmi chucaru ashnukunawan juntu kar törunö qewata mikur kawarqan. Cuerpuntapis shullam#5.21 Wakin nunakunaqa shulya niyanmi. nuyurqan. Tsënö kawarqan Teyta Dioslla llapan mandakuqkunapaqpis puëdiq kashqanta käyishqanyaqmi. Teyta Diosllam nacionta mandananpaq pitapis munashqan kaqta churan.
22<<Tëtë, Nabucodonosorpa tsurin këkar tsënö pasashqanta musyëkarpis puëdiq tukuqmi qampis tikrarqunki. 23Tsëmi ciëluchö këkaq Teyta Diosta piñatsir templunchö inshishqan väsukunata jorqatsimurqunki. Tsëkunawanmi vïnuta upuyarqunki kikikipis, yanapashuqnikikunapis, warmikikunapis y concubïnëkikunapis. Tsëpitanam alabarqunki qoripita, qellëpita, broncipita, fiërrupita, qerupita y rumipita rurashqa dioskunata. Tsë dioskunaqa manam rikäyantsu ni wiyayantsu ni imatapis musyayantsu. Puëdiq Teyta Diostaqa manam alabarqunkitsu. Pëta piñatsirqunki pëpitaraq llapanta chaskikarmi. Pëmi rey kanëkipaqpis churashurqunki.
24<<Tsëmi Teyta Dios tsë makita kachamushqa perqaman qellqananpaq. 25Tsë qellqashqanqa kënömi nikan: <Yupashqa, yupashqa, pesashqa, rakishqa>.#5.25 Arameo idiömachöqa nikan <<Mene, Mene, Tekel, Uparsin>>. 26<Yupashqa> nikan mandakuq kashqëki junaqkuna yupashqalla kaptinmi. Tsë junaqkuna tsëllachöna ushakänanpaqmi Teyta Dios nishqa. 27<Pesashqa> nikan Teyta Dios balanzachö pesashuptiki pësïki alläpa pishiptinmi.#5.27 Pësïki alläpa pishiptin ninanqa alläpa jutsayuq kaptiki ninanmi. 28<Rakishqa> nikan mandakushqëki nacionta rakirir Media y Persia nunakunapa makinman churananpaq destinashqa kaptinmi>>.
29Tsënö willariptinmi Belsasarqa yanapaqninkunata nirqan granäti ratashta Danielta yakatsiyänanpaq y qoripita rurashqa wallqatapis wallqatsiyänanpaq. Y mandakushqan nacionchö pëwan juntu mandakuq kananpaqmi churarqan.
30Tsë paqasmi Babilonia#5.30 Hebreo idiömachöqa Caldea ninmi. Caldeaqa Babiloniapa juk kaq shutinmi këkan. nunakunapa reynin Belsasarta wanutsiyarqan. 31 31 (6.1) Tsëmi Mediapita rey Darío Babilonia nacionta munëninman churarqan. Tsënö rurarqan joqta chunka ishkë (62) watayuq këkarmi.
Currently Selected:
Daniel 5: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Daniel 5
5
Perqachö juk maki qellqanqan
1Babiloniapa reynin Belsasar fiestata rurarmi juk waranqa (1,000) yanapaqkunata qayatsirqan juntu mikuyänanpaq. Tsëchömi pëkunawan vïnuta upuyarqan machayashqanyaq. 2-3Machapëkurmi rey Belsasar ordenarqan tëtan Nabucodonosor Jerusalén templupita apamushqan qoripita y qellëpita väsukunata jorqayämunanpaq. Tsëkunata jorqayämurqan yanapaqninkunawan, warminkunawan y concubïnankunawan upuyänanpaqmi. Ordenashqannö apayämuptinmi tsë väsukunawan upuyarqan. 4Vïnuta upullapam qoripita, qellëpita, broncipita, fiërrupita, qerupita y rumipita rurashqa diosninkunata alabayarqan.
5Tsë höram palaciupa sälanchö nunapa makin yurirkur mechëru atsikyaqchö ruri yulaq perqachö qellqarqan. Tsë qellqëkaq makita rikëkurmi 6rey paqwë mantsakar qaqllanpis yulaqärirqan. Qonqunpis pasëpa karkaryaptinmi shäränanpaq kallpanpis karqantsu. 7Tsëmi brüjukunata, qoyllur estudiaqkunata y adivïnukunata qayatsimurqan. Pëkunatam rey kënö nirqan: <<Mëqëkipis kë qellqarëkaqta leyirir ima ninqantapis käyitsimaq kaqtam granäti ratashta yakarkatsishaq. Tsënöllam qoripita rurashqa wallqata wallqatsishaq. Tsënöllam noqawan juntu mandakunanpaq churashaq>>.
8Qayatsishqan yachaq nunakunaqa perqachö qellqarëkaqta leyirpis manam käyiyarqantsu. Tsëmi reyta ima nitapis puëdiyarqantsu. 9Tsëmi Belsasarqa alläpa mantsakëwan qaqllanpis peor yulaqäkurirqan. Yanapaqninkunapis manam imanö këtapis puëdiyarqantsu.
10Rey y yanapaqninkuna mantsakar qapariyashqanta wiyëkurmi reinana yëkurqan mikïkäyashqan kaqman. Tsëchömi reyta kënö nirqan: <<¡Qamlla imëyaqpis rey këkullë! Ama mantsakëtsu ni qaqllëkipis jukläyakuritsuntsu. 11Kë mandakïkashqëki nacionchömi juk nunata llapan dioskuna shumaq yanapayan. Tëtëki Nabucodonosor mandakuq kashqan witsan dioskunanöran tsë nunaqa imatapis shumaq käyiq karqan. Tsëmi tëtëki pëta churarqan llapan adivïnukunapa, brüjukunapa, qoyllur estudiaqkunapa y suerti qatiqkunapa mandakuqnin kananpaq. 12Pëpa shutinqa Danielmi. Tëtëkinam shutinta trocarqan Beltsasar kananpaq. Danielqa imatapis shumaq käyikuq karmi nunakuna suëñuyashqan imapaq kashqantapis musyan. Tsënöllam imapis sasa kaqkunata shumaq arreglananpaq käyin. Pëta qayatsimï perqachö qellqarëkashqan ima ninqantapis käyitsishunëkipaq>>.
13Tsënö niptinmi Danielta qayëkatsir rey kënö tapurqan: <<¿Qamku kanki Judá nacionpita tëtä prësu apamushqan nuna? 14Qampaqmi willayämashqa dioskuna shumaq yanapashushqëkita. Tsëshi imatapis shumaq käyinki y alli yachëyuq kanki.
15<<Perqachö qellqarëkaqta leyirir imapaq kashqantapis niyämänanpaqmi yachaqkunata y brüjukunata qayatsimurqü. Qellqarëkaqta leyirpis manam musyayantsu ima ninqantapis. 16Qampaqmi willayämashqa sasa käyiyänanpaq kaqkunatapis käyishqëkita y imapis sasa kaptinpis shumaq arreglashqëkita. Tsëmi rowakuq perqachö qellqarëkaqta leyirir imapaq kashqantapis käyitsimänëkipaq. Käyitsimaptikiqa granäti ratashtam yakatsishqëki. Tsënöllam qoripita rurashqa wallqata wallqatsishqëki. Tsëpitanam mandakushqä nacionchö noqawan juntu mandakunëkipaq churashqëki>>.
17Tsënö niptinnam Danielqa kënö nirqan: <<Tëtë rey, tsë qaramänëkipaq kaqkunaqa kikikipaq kakutsun o jukta qarëkï. Perqachö qellqarëkaqtaqa leyipashqëkim y imapaq kashqantapis käyitsishqëkim.
18<<Tëtë rey, puëdiq Teyta Diosmi tëtëki Nabucodonosorta yanaparqan jinantin nacionkunata munëninman churananpaq, respetashqa kananpaq y mandakuq kananpaqpis. 19Tëtëkim mandakuq karnin pitapis munashqan kaqta wanutsiq y mana munashqan kaqtaqa manam wanutsiqtsu. Wakintam churaq mas mandakuq kayänanpaq y wakintanam qarquq mandakuq kayashqanpita. Tsënö mandakuq kaptinmi llapan nacionkunachö y markakunachö täraq nunakuna ima idiömata parlaq kaqpis pëta mantsayarqan.
20<<Puëdiq tukur munashqanta ruraptinmi mandakuq kashqanpita Teyta Dios qarqurirqan. 21Nuna mayinkunapita qarquriptinmi yarpëninpis wätapanö tikrarirqan. Tsëmi chucaru ashnukunawan juntu kar törunö qewata mikur kawarqan. Cuerpuntapis shullam#5.21 Wakin nunakunaqa shulya niyanmi. nuyurqan. Tsënö kawarqan Teyta Dioslla llapan mandakuqkunapaqpis puëdiq kashqanta käyishqanyaqmi. Teyta Diosllam nacionta mandananpaq pitapis munashqan kaqta churan.
22<<Tëtë, Nabucodonosorpa tsurin këkar tsënö pasashqanta musyëkarpis puëdiq tukuqmi qampis tikrarqunki. 23Tsëmi ciëluchö këkaq Teyta Diosta piñatsir templunchö inshishqan väsukunata jorqatsimurqunki. Tsëkunawanmi vïnuta upuyarqunki kikikipis, yanapashuqnikikunapis, warmikikunapis y concubïnëkikunapis. Tsëpitanam alabarqunki qoripita, qellëpita, broncipita, fiërrupita, qerupita y rumipita rurashqa dioskunata. Tsë dioskunaqa manam rikäyantsu ni wiyayantsu ni imatapis musyayantsu. Puëdiq Teyta Diostaqa manam alabarqunkitsu. Pëta piñatsirqunki pëpitaraq llapanta chaskikarmi. Pëmi rey kanëkipaqpis churashurqunki.
24<<Tsëmi Teyta Dios tsë makita kachamushqa perqaman qellqananpaq. 25Tsë qellqashqanqa kënömi nikan: <Yupashqa, yupashqa, pesashqa, rakishqa>.#5.25 Arameo idiömachöqa nikan <<Mene, Mene, Tekel, Uparsin>>. 26<Yupashqa> nikan mandakuq kashqëki junaqkuna yupashqalla kaptinmi. Tsë junaqkuna tsëllachöna ushakänanpaqmi Teyta Dios nishqa. 27<Pesashqa> nikan Teyta Dios balanzachö pesashuptiki pësïki alläpa pishiptinmi.#5.27 Pësïki alläpa pishiptin ninanqa alläpa jutsayuq kaptiki ninanmi. 28<Rakishqa> nikan mandakushqëki nacionta rakirir Media y Persia nunakunapa makinman churananpaq destinashqa kaptinmi>>.
29Tsënö willariptinmi Belsasarqa yanapaqninkunata nirqan granäti ratashta Danielta yakatsiyänanpaq y qoripita rurashqa wallqatapis wallqatsiyänanpaq. Y mandakushqan nacionchö pëwan juntu mandakuq kananpaqmi churarqan.
30Tsë paqasmi Babilonia#5.30 Hebreo idiömachöqa Caldea ninmi. Caldeaqa Babiloniapa juk kaq shutinmi këkan. nunakunapa reynin Belsasarta wanutsiyarqan. 31 31 (6.1) Tsëmi Mediapita rey Darío Babilonia nacionta munëninman churarqan. Tsënö rurarqan joqta chunka ishkë (62) watayuq këkarmi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.