Números 21
21
Israelita aina Aradnumia shuar ainan nepetkamu
1Néguebnumia shuar cananeo ainan apuri jas yaakat Aradnum pujau, israelita aina Atarim jintanmani wininawai, tusa tamaun antukuiti. Tuma nitajai maaniattsa nina suntaari ainajai werinaiti, tuma maaninak nitan nepetainak ni achiamunka achir yaruakuiti.
2Turamu asar israelita aina Yuusjai chichainak, nepetmakarti tusam ame ina yainkratkuminka, nita nepetkur yaaktari ainasha ashi tsairattaji, tusa tiaruiti.
3Tusa tuinakai Yuus israelita ainan nepetmakarti tusa yaigkuiti. Turamu asa Canaánnumia ainan nepetainak yaaktari ainancha tsairaruiti. Nuna turawaru asar nu nugkanka Hormá anaikaru ainawai.
Moisés napin jirujai najana numinam nenaa awajsamu
4Hor nugkanam pujuina jiinkiar, Edomnumanigka wetsuk tenkiar Nayants Kapantu tutainmani wearu ainawai. Tura nui yujasar wii shuar aina 5kajekar Yuusan pachisar, tura winasha pegkerchau chichartuinak: ¿Urukamtai aya nugkanmag yujas, tsukai jinati tusamsha Egiptonam matsatrincha jiikratkimame? Juigka yumainkisha, tura umumainkisha pegke atsawai. Antsu Yuus, yutain nayaimpinmayan akupeamu nuke yuina asar yawettraji, tusar Moisésan tiaru ainawai. 6Tuina asarmatai Yuus napin ishitkauwaiti. Turam shuar ainan nápi asai ijinu. 7Turuinam Moisésan chicharainak: “Ika Yuus pachisar, tura ame pachisrisha pegkerchau chichaku asar tunau jasarji. Tuma asaakrin ina tunauri pachisam Yuus aujsata. Turawakmin nápi ainan emegkarti, tusa Moisésan tiaruiti.#1Co 10.9 Tusa tuinakai Moisés Yuusan aujsauwaiti. 8Turam Yuus Moisésan chicharuk: Nápi najanam numinam anujkam awajsata. Turawakmin shuar aina, nápi asaim jainaksha nuna iisar pegker jasarti”, tusa tinaiti.
9Yuus timaun Moisés turusag umiak nápin najana numinam anujak awajsauwaiti. Turamun shuar aina nápi asaim jainasha nuna iisar pegker jasaruiti.#Jn 3.14-15 10-35(-)
Currently Selected:
Números 21: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
