Levítico 19
19
Uruk pujakrik Yuusa chichamesha umirmainait nu pachisa timau
1Yuus Moisésan chicharuk:
2“Israelita aina chicharkum, wii Pegker asamtai, nitasha pegker arti tusa Yuus, turamrume tusam ujakarta”, tusa tinaiti.#1Pe 1.16
3Chiki chikichik atum ainatirmeka atumin apari, tura atumin nukurisha arantusrum iiyakrum umirkatarma.#Mt 19.19; Ef 6.1 Wika atumi Yuusri asan tajarme, ayamtai tsawan tsawaarmataigka takasairpa.#Mr 2.27-28 4Chikich aina yuusrimtai aina nu, tura atumek najanarum ina yuusriyaiti tusarmeksha emematirpa. Wika atumi Yuusri asan nunaka tajarme.#1Jn 5.21 5Wii tajarum turusrumek atumi tunauri tsagkurnartin wina eme anentrusrum iirkurum tagku maarum epeakrumnaka shir anentsattajrume.#Mt 5.23-24 6Tagku wina anajmatruarum maakrumka nu tsawantinig yuatarma. Tura kashin tsawakrumsha yumainaitrume. Turasha tres tsawanta nuigka ampintrau ainaka ekemaktarma. 7Antsu nuna umitsuk tres tsawan tsawara ai yuagka pegkerchau jasu asa, winauchu atatui 8Tura nuna yuaka tunau jasu asamtai jiikrum ajapatarma. 9Tsawan árak juuktin jeamtai juuwakrumsha ashika jukairpa, tura kakekaru ainasha yaruakairpa. 10Atum uva arakmau juuwakrumsha kakekaru ainaka shuar kuitrinchau aina, tura chikich shuar ainasha juukar yuawarti tusarum juutsuk inaisatarma, nunaka wika atumi Yuusri asan tajarme. 11Kasamkairpa. Waitruawairpa, chikich ainajaisha tsanumrunairairpa.#Ef 4.25, 28-29
12Wina naar pachisrum umikchatiatrumka chichakairpa. Wii taja nu metek umiachkurmeka winaka shir enentaimtikrurchatin ainarme. Wika Yuus, asan nunaka tajarme.#Mt 5.33-35; Stg 5.12
13Chikich shuar ainasha kasarkairpa, tura pegkerchausha amajsairpa. Tura atumin takartamin ainaka akimain aigkika kashin akiktajme tutsuk akiktarma.
14Shuar empeku ainasha pegkerchau chicharkairpa. Wainmachu ainasha tukumak iyarti tusarum jintanam númi aeprusairpa. Antsu nuka turutsuk wika Yuus asamtai, wina arantusrum iirkurum wii tajarum nu metek umiktarma.
15Shuar kuitrintin aina, shuar kuitrinchau aina, tura apu ainaksha tunaun takaa wainkurmeka waittaka metek susatarma.
16Chikich shuar aina nu chicham tsanumruram waitkasairpa, chikich aina maawarti tusarmeka tsanumrura surukairpa. Nunaka wii, Yuus atum umirtai asan tajarme.
17Atumi yachi pegkerchaun takasmataisha enentaimtusrum kajerkairpa. Ame pegkerchau taká nekayatkumek chicharaichkumka amesha pegkerchau takasua nujai metek jame. Antsu chicharaimsha pegkerchau takatan inaiyashkaigka jiiktarma.#Mt 18.15
18Shuar aina atumin pegkerchau amajtamainakaisha, atumka pegkerchaunmagka iikkairpa. Chikich ainasha atumek enentaimtumasrum eme enentaimtusrum iistarma. Nunaka wii, Yuus asan tajarme.#Mt 5.45; 19.18-19; 22.33-40; Ro 12.19; 13.9; Gá 5.13-14; Stg 2.8
19Wii tajarum nuka metek umiktarma. Atumi vacari ainaka chikich kuntin ainajaigka patamtikirpa. Arak arakrumsha chikich árak aina jigkaijai pachimkarmeka arawairpa. Hilo pachim ainajai jaanch aparmau ainaka nugkurairpa.
20Nuwa inatai aishrinattsa chichas pujaun, chikich shuar takasmataigka nu nuwaka suruka agkanmamtikachmau asamtai, maatsuk mai waitat susatarma. 21Shuar nuwan takasuka nina tunauri tsagkurnartinan chikichik ovejan aishmagkun juki wina emematrutai jeanam ejéti. 22Turamtai sacerdote nuna maa epeak, ju shuara tunauri tsagkurata tusa wina aujtusti. Turutkai wii nu shuara tunaurinka tsagkurattajai.
23Wii atumin nugkan anajmatawaitjarum nui pujusrum árak ararmesha jutsuk tura yutsuk tres uwí inaisatarma. 24Cuatro uwíya nui araka nere aina pegker jasartata nuka winau artatui. Tuma asamtai wina shir anentrakrum jiistamkurum suritarma. 25Cinco uwíya nui araka nere yuattarme. Atum nu metek umiakrumnaka atumi arakri ainaka nu nukap nerekartinati. Wika atumi Yuusri asan tajarme.
26“Kuntina numpe ajapruachmauka yuawairpa. Nekamin atasrumsha wakeritin airpa, tura iwishnumatsarmesha wakeritin airpa”.
27“Awamakrumsha tentearmeka awamarairpa, tura susurmi tsakarisha tsupikairpa. 28Atumi patai jakamtai wake mesemar nekapeakrumsha atumin iyashigka akagkairpa. Atumi iyashincha nakumkairpa. Wika atumi Yuusri asan tajarme”.
29“Atumi nawantri chikich shuarjai takaniasti tusa utsuakrumka nuwa akika takatia nunin amajsattarme. Nu turakrumka atumi nugke pegkerchau amajsattarme”.
30Ayamtai tsawantinka takasairpa. Wina emematrittsa iruuntai jeanam wayaarum, wina arantusrum iirkurum emematritarma. “Wii atumin Yuusri asan tajarme”.
31Shuar nekamin aina nu nekartuati tusarmeka weritin airpa. Nu tumakrumka atumka tunau takákrum tumattarme. “Wii atumin Yuusri, asan tajarme”.
32Atumka wina arantusrum iiru asarum, shuar untach ainasha araantusrum iistarma. “Wii atumin Yuusri asan tajarme”.
33“Chikich shuar aina atumin nugken pujuinasha waitkasairpa. 34Nuka turutsuk atum weantu kuitammainaitrum turusrumek kuitamkurum atum enentaimtumasrum anetarma. Atumsha chikich nugkanmaya ainayatrum Egipto nugkanam pujujakuitrume. Wii atumin Yuusri asan tajarme.
35Antrarmeka waittaka susairpa. Nugka suakrumsha shir nekapmarum susatarma. 36Egipto nugkanam pujarmin jiikin asan tajarme. Kijin ainasha balanzanam shir nenarum surin ataarma. Wii atumi Yuusri asan tajarme. 37Chicham umiktinan atumin tajarum juka metek umiktin ataarma. Wika atumin Yuusri asan tajarme”.
Currently Selected:
Levítico 19: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Levítico 19
19
Uruk pujakrik Yuusa chichamesha umirmainait nu pachisa timau
1Yuus Moisésan chicharuk:
2“Israelita aina chicharkum, wii Pegker asamtai, nitasha pegker arti tusa Yuus, turamrume tusam ujakarta”, tusa tinaiti.#1Pe 1.16
3Chiki chikichik atum ainatirmeka atumin apari, tura atumin nukurisha arantusrum iiyakrum umirkatarma.#Mt 19.19; Ef 6.1 Wika atumi Yuusri asan tajarme, ayamtai tsawan tsawaarmataigka takasairpa.#Mr 2.27-28 4Chikich aina yuusrimtai aina nu, tura atumek najanarum ina yuusriyaiti tusarmeksha emematirpa. Wika atumi Yuusri asan nunaka tajarme.#1Jn 5.21 5Wii tajarum turusrumek atumi tunauri tsagkurnartin wina eme anentrusrum iirkurum tagku maarum epeakrumnaka shir anentsattajrume.#Mt 5.23-24 6Tagku wina anajmatruarum maakrumka nu tsawantinig yuatarma. Tura kashin tsawakrumsha yumainaitrume. Turasha tres tsawanta nuigka ampintrau ainaka ekemaktarma. 7Antsu nuna umitsuk tres tsawan tsawara ai yuagka pegkerchau jasu asa, winauchu atatui 8Tura nuna yuaka tunau jasu asamtai jiikrum ajapatarma. 9Tsawan árak juuktin jeamtai juuwakrumsha ashika jukairpa, tura kakekaru ainasha yaruakairpa. 10Atum uva arakmau juuwakrumsha kakekaru ainaka shuar kuitrinchau aina, tura chikich shuar ainasha juukar yuawarti tusarum juutsuk inaisatarma, nunaka wika atumi Yuusri asan tajarme. 11Kasamkairpa. Waitruawairpa, chikich ainajaisha tsanumrunairairpa.#Ef 4.25, 28-29
12Wina naar pachisrum umikchatiatrumka chichakairpa. Wii taja nu metek umiachkurmeka winaka shir enentaimtikrurchatin ainarme. Wika Yuus, asan nunaka tajarme.#Mt 5.33-35; Stg 5.12
13Chikich shuar ainasha kasarkairpa, tura pegkerchausha amajsairpa. Tura atumin takartamin ainaka akimain aigkika kashin akiktajme tutsuk akiktarma.
14Shuar empeku ainasha pegkerchau chicharkairpa. Wainmachu ainasha tukumak iyarti tusarum jintanam númi aeprusairpa. Antsu nuka turutsuk wika Yuus asamtai, wina arantusrum iirkurum wii tajarum nu metek umiktarma.
15Shuar kuitrintin aina, shuar kuitrinchau aina, tura apu ainaksha tunaun takaa wainkurmeka waittaka metek susatarma.
16Chikich shuar aina nu chicham tsanumruram waitkasairpa, chikich aina maawarti tusarmeka tsanumrura surukairpa. Nunaka wii, Yuus atum umirtai asan tajarme.
17Atumi yachi pegkerchaun takasmataisha enentaimtusrum kajerkairpa. Ame pegkerchau taká nekayatkumek chicharaichkumka amesha pegkerchau takasua nujai metek jame. Antsu chicharaimsha pegkerchau takatan inaiyashkaigka jiiktarma.#Mt 18.15
18Shuar aina atumin pegkerchau amajtamainakaisha, atumka pegkerchaunmagka iikkairpa. Chikich ainasha atumek enentaimtumasrum eme enentaimtusrum iistarma. Nunaka wii, Yuus asan tajarme.#Mt 5.45; 19.18-19; 22.33-40; Ro 12.19; 13.9; Gá 5.13-14; Stg 2.8
19Wii tajarum nuka metek umiktarma. Atumi vacari ainaka chikich kuntin ainajaigka patamtikirpa. Arak arakrumsha chikich árak aina jigkaijai pachimkarmeka arawairpa. Hilo pachim ainajai jaanch aparmau ainaka nugkurairpa.
20Nuwa inatai aishrinattsa chichas pujaun, chikich shuar takasmataigka nu nuwaka suruka agkanmamtikachmau asamtai, maatsuk mai waitat susatarma. 21Shuar nuwan takasuka nina tunauri tsagkurnartinan chikichik ovejan aishmagkun juki wina emematrutai jeanam ejéti. 22Turamtai sacerdote nuna maa epeak, ju shuara tunauri tsagkurata tusa wina aujtusti. Turutkai wii nu shuara tunaurinka tsagkurattajai.
23Wii atumin nugkan anajmatawaitjarum nui pujusrum árak ararmesha jutsuk tura yutsuk tres uwí inaisatarma. 24Cuatro uwíya nui araka nere aina pegker jasartata nuka winau artatui. Tuma asamtai wina shir anentrakrum jiistamkurum suritarma. 25Cinco uwíya nui araka nere yuattarme. Atum nu metek umiakrumnaka atumi arakri ainaka nu nukap nerekartinati. Wika atumi Yuusri asan tajarme.
26“Kuntina numpe ajapruachmauka yuawairpa. Nekamin atasrumsha wakeritin airpa, tura iwishnumatsarmesha wakeritin airpa”.
27“Awamakrumsha tentearmeka awamarairpa, tura susurmi tsakarisha tsupikairpa. 28Atumi patai jakamtai wake mesemar nekapeakrumsha atumin iyashigka akagkairpa. Atumi iyashincha nakumkairpa. Wika atumi Yuusri asan tajarme”.
29“Atumi nawantri chikich shuarjai takaniasti tusa utsuakrumka nuwa akika takatia nunin amajsattarme. Nu turakrumka atumi nugke pegkerchau amajsattarme”.
30Ayamtai tsawantinka takasairpa. Wina emematrittsa iruuntai jeanam wayaarum, wina arantusrum iirkurum emematritarma. “Wii atumin Yuusri asan tajarme”.
31Shuar nekamin aina nu nekartuati tusarmeka weritin airpa. Nu tumakrumka atumka tunau takákrum tumattarme. “Wii atumin Yuusri, asan tajarme”.
32Atumka wina arantusrum iiru asarum, shuar untach ainasha araantusrum iistarma. “Wii atumin Yuusri asan tajarme”.
33“Chikich shuar aina atumin nugken pujuinasha waitkasairpa. 34Nuka turutsuk atum weantu kuitammainaitrum turusrumek kuitamkurum atum enentaimtumasrum anetarma. Atumsha chikich nugkanmaya ainayatrum Egipto nugkanam pujujakuitrume. Wii atumin Yuusri asan tajarme.
35Antrarmeka waittaka susairpa. Nugka suakrumsha shir nekapmarum susatarma. 36Egipto nugkanam pujarmin jiikin asan tajarme. Kijin ainasha balanzanam shir nenarum surin ataarma. Wii atumi Yuusri asan tajarme. 37Chicham umiktinan atumin tajarum juka metek umiktin ataarma. Wika atumin Yuusri asan tajarme”.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.