Levítico 16
16
Israelita ainan tunauri tsagkurnartin pachisa timau
1Aarónkan uchiri aina Yuus pujamunam jeantaru asar, mai jakaru ainawai. Tuma asamtai, Moisésan chicharuk: 2Yatsum Aarón, amee shuar ainan tunauri tsagkurnartin tsawan jeatsaigka, wina emematrittsa iruuntai jea jaanchjai jeamkamu tesamu “Shir Pegker” tutaiya nui wayawaigka. Wii chicham umikmau egkeamu arca puja nuna nukutairi ukurin wii yuragminam pachitkau wantinkai jamainaiti. Tumamain asamtai wayawaipa tusam ujakta.
3Antsu nu tsawan jeamtaigka wina emematrittsa iruuntai jaanchjai jeamkamu puja nuna aarin tagku aina maa epetai puja nui epeaku tunau tsagkurnartinan vaca aishmag tsakatan juki, tura wina eme anentrus iiruk epeak emematritnun oveja aishmag tsakatan juki wayatin atii. 4Nui Aarón tagkun maa epea umikka, eke wetsuk entsanam maiti. Tuma sacerdote nugkutain jaanch pujun linojai najanamun nugkurti. Nuiyasha weamataincha linojai najanamun weamakti, akachumtaincha akachumati, tura etsegkrutaincha linojai najanamun etsegkruktin atii.
5Tuma nu epeamunam israelita aina tunauri tsagkurnartinan chivo ainan jimaran jukiti. Tura wina eme anentrus iiruk emematrak epeatnuncha oveja aishmagkun chikichik juki wayatin atii. 6Tura nina tunauri, nina nuwe tunauri tura nina uchiri ainan tunauri tsagkurnartinan vaca aishmagkun chikichik uwí aramun maa epeatin atii.
7Nuna tura umik jimar chivon juki jea pegker tutaiya nuna arin pegmara tenteamua nui wayaa jea pegkera nuna waitirin wii pujamunam tantatin atii. 8Tuma tuki Yuusnau atii, tura tuki Azazelnau atii tusa nekattsa chikichik nakurutain nakuruatin atii. Turakai wii winau atinan tura Azazelnau atina nunasha nekamtikatnaitjai.#16.8 Azazel ta nuka iwanchnash taku ta nuka shirka nekantsui. 9Tura chivo winau atata nunaka Aarón ashi israelita ainan tunauri tsagkurnartinan maa epeatin atii. 10Antsu chikich oveja Azazelnaunka ashi shuar ainan tunauri tsagkurnartinan juki wii pujamunam itatin atii. Nuna tura aya nugkanmag Azazel pujamunam iwákunak akupkatin atii.
11“Aarón nina tunauri nina nuwe tunauri tura nina uchiri ainan tunauri tsagkurnartinan vaca aishmagkun chikichik uwí aramun maa epeatnaiti tusan timaj turusag epeati”. 12Nuna tura kugkuin incienso yara ekeematai wii pujamunam kugkuin aina epetai a nuiyan juak kugkuin incienso aromático tutai shir tsaikmaun juki jaanch nenamu a nui ejéti. 13Tura kugkuin incienso tutain wii pujamunam jinum yarati, turam mukuintak arca wii nitajai chichaman umikuitaj nu aarmau egketa nuna nukutairin yuragkim amuattawai. Wii taja nuna metek umiakka Aarónka jakashtatui. 14Vaca aishmagku numpen ishichik juki tsara uwejen numpanam ajug arca nukutairi ukurin tura yantame ainancha chikichkia ukatkati. Tura chikich yantame emak a nuna sieteya imania ukatrati.
15Nuna tura umik jea pegker tutainmaya aa jiinkiti. Tumamtai amee shuar aina nita tunauri tsagkurnartinan, cabran chikichik uwí aramun jimaran susarti. Turam nuna juki chikichkinak maati, tura nuna numpen ishichik juki tesamu “Shir Pegker” tutainam ataksha wayaa arca nukutairin, tura nuna emtincha ukatkati. “He 9.3-4, 6-7, 12” 16Nuna turakai ashi israelita aina tunaurisha tsagkurnartatui. Tura wina emematrittsa iruuntai jeasha pegker jastatui. Tura wii taa chichatairsha tumasag pegker jastatui. 17Atumi tunauri tsagkurnartinan pachis Aarón wina emematrittsa iruuntai jeanam wijai eke chichas umik jiintsaigka, wina emematrittsa iruuntai jeanmaka chikichkiksha pujuschattawai. Antsu Aarón nina tunaurin, nina nuwe tunauri, nina uchiri ainan tunauri tura israelita ainan tunaurisha tsagkurnarmatai 18jiinki, vaca aishmag tsakatan numpen, tura cabra aishmagkun numpejai ishichik juki, wii pujamunam tagku aina maa patasa epetain yantamen kachua numamtin iruna nuna tura ashi tagku aina maa patasa epetain pegkermamtikattsa werittawai.
19Tuma tagku numpejai, tagku aina maa patasa epetain sieteya imania yakartatui. Nu turamunam israelita ainaka tsagkurnar pegkermakattawai. 20Yuus Moisésan chicharuk:
Aarón wina emematrittsa iruuntai jea nuna pegker amajas tura arcancha pegker amajsagka, chivo iwáku ikukmaun utitarma tusa shuaran akupkati. 21Tura itarmatai ataksha aa jiinki israelita ainan tunauri tsagkurnartinan, cabra aishmagkun iwákun muknum achik, israelita ainan tunaurin ashi susati. Nuna turamtai chikichik shuar nuna cabran juki aya nugkanmag akupkati. 22Turam cabra israelita aina tunaurin ashi juki aya nugkanmag shuar atsamunam weti. 23Turamtai Aarón tesamu pegker tutainam wayaku jaanch pegkeran nugkurmaurin wina emematrutai jeanam ataksha wayaa awiik ikustii.
24Tura tesamu pegker tutaiya nuig maiti. Tuma jaanchrin nugkur aa jiinki nina tunaurin, tura israelita aina tunaurijaimak tsagkurnartinan tagkun maa epeati. 25Tura nuiyasha tagku kuntutin juki, tagku aina maa epetainam epeati. 26Azazelnau atinan chivon juki aya nugkanmag akupkausha jaanchrin nijati tura maiti. Nuna tuma nita aakmara matsatmaunmagka wayati.
27Tunau tsagkurnartinan vaca aishmagkun, tura chivojai maa numpen Aarón juki wina emematrutai jeanam tesamu pegker tutainum awaintuamu aina nunaka, nuapencha, namagkencha tura ampujencha ashi jukiar nita aakmara pujamun ikumtikiar epeawarti. 28Nuna epeaka, jaanchrin shir nijaa, tura shir mai aakmara matsatmaunam wayati. 29Israelita aina chichaman tuke umisarke artina nuka juwaiti: Siete nantua nu taka diez tsawarmataigka ashi israelita aina tura chikich shuar aina nitajai pujuinasha yurumkan yutsuk, tura takatnasha takatsuk pujusartinaiti. 30Nu tsawantinka nita tunaurin wii tsagkurartinaitjai, tusa Yuus tinaiti.#He 5.1-4; 7.26-28; 8.3-4; 9.7-8, 25-26; 10.21-22; 13.10-12
31Chicham umiktinan wii taja junaka tuke umisarke artinaiti. Nu tsawantinka nitaka ayamenak yurumkan yutsuk pujusartin ainawai. 32Atumi uchiri atak artina nuisha yanak sacerdote apuri atii tusan wii etegkatnaitja, nu sacerdote nugkutairi jaanch pujun lino tutaijai najanamu pegkeran nugkur, atum takarum jutiksag nita tunauri tsagkurnartinan takainak, 33Wina emematrittsa iruuntai jean, tesamu Pegker tutain, tura tagku aina maa patasa epetain pegkermamtikainak, sacerdote aina tunaurisha tsagkurnakai israelita aina tunaurisha tsagkurnartin ainawai. 34Wii tajarum juka tuke umisrumke atinaitrume. Atumin tunauri tsagkurnartin chikichik uwítin chikichkia takastinaitrume, tusa tinaiti.
Yuus timau asa, Moiséska turusag taká jakuiti.
Currently Selected:
Levítico 16: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Levítico 16
16
Israelita ainan tunauri tsagkurnartin pachisa timau
1Aarónkan uchiri aina Yuus pujamunam jeantaru asar, mai jakaru ainawai. Tuma asamtai, Moisésan chicharuk: 2Yatsum Aarón, amee shuar ainan tunauri tsagkurnartin tsawan jeatsaigka, wina emematrittsa iruuntai jea jaanchjai jeamkamu tesamu “Shir Pegker” tutaiya nui wayawaigka. Wii chicham umikmau egkeamu arca puja nuna nukutairi ukurin wii yuragminam pachitkau wantinkai jamainaiti. Tumamain asamtai wayawaipa tusam ujakta.
3Antsu nu tsawan jeamtaigka wina emematrittsa iruuntai jaanchjai jeamkamu puja nuna aarin tagku aina maa epetai puja nui epeaku tunau tsagkurnartinan vaca aishmag tsakatan juki, tura wina eme anentrus iiruk epeak emematritnun oveja aishmag tsakatan juki wayatin atii. 4Nui Aarón tagkun maa epea umikka, eke wetsuk entsanam maiti. Tuma sacerdote nugkutain jaanch pujun linojai najanamun nugkurti. Nuiyasha weamataincha linojai najanamun weamakti, akachumtaincha akachumati, tura etsegkrutaincha linojai najanamun etsegkruktin atii.
5Tuma nu epeamunam israelita aina tunauri tsagkurnartinan chivo ainan jimaran jukiti. Tura wina eme anentrus iiruk emematrak epeatnuncha oveja aishmagkun chikichik juki wayatin atii. 6Tura nina tunauri, nina nuwe tunauri tura nina uchiri ainan tunauri tsagkurnartinan vaca aishmagkun chikichik uwí aramun maa epeatin atii.
7Nuna tura umik jimar chivon juki jea pegker tutaiya nuna arin pegmara tenteamua nui wayaa jea pegkera nuna waitirin wii pujamunam tantatin atii. 8Tuma tuki Yuusnau atii, tura tuki Azazelnau atii tusa nekattsa chikichik nakurutain nakuruatin atii. Turakai wii winau atinan tura Azazelnau atina nunasha nekamtikatnaitjai.#16.8 Azazel ta nuka iwanchnash taku ta nuka shirka nekantsui. 9Tura chivo winau atata nunaka Aarón ashi israelita ainan tunauri tsagkurnartinan maa epeatin atii. 10Antsu chikich oveja Azazelnaunka ashi shuar ainan tunauri tsagkurnartinan juki wii pujamunam itatin atii. Nuna tura aya nugkanmag Azazel pujamunam iwákunak akupkatin atii.
11“Aarón nina tunauri nina nuwe tunauri tura nina uchiri ainan tunauri tsagkurnartinan vaca aishmagkun chikichik uwí aramun maa epeatnaiti tusan timaj turusag epeati”. 12Nuna tura kugkuin incienso yara ekeematai wii pujamunam kugkuin aina epetai a nuiyan juak kugkuin incienso aromático tutai shir tsaikmaun juki jaanch nenamu a nui ejéti. 13Tura kugkuin incienso tutain wii pujamunam jinum yarati, turam mukuintak arca wii nitajai chichaman umikuitaj nu aarmau egketa nuna nukutairin yuragkim amuattawai. Wii taja nuna metek umiakka Aarónka jakashtatui. 14Vaca aishmagku numpen ishichik juki tsara uwejen numpanam ajug arca nukutairi ukurin tura yantame ainancha chikichkia ukatkati. Tura chikich yantame emak a nuna sieteya imania ukatrati.
15Nuna tura umik jea pegker tutainmaya aa jiinkiti. Tumamtai amee shuar aina nita tunauri tsagkurnartinan, cabran chikichik uwí aramun jimaran susarti. Turam nuna juki chikichkinak maati, tura nuna numpen ishichik juki tesamu “Shir Pegker” tutainam ataksha wayaa arca nukutairin, tura nuna emtincha ukatkati. “He 9.3-4, 6-7, 12” 16Nuna turakai ashi israelita aina tunaurisha tsagkurnartatui. Tura wina emematrittsa iruuntai jeasha pegker jastatui. Tura wii taa chichatairsha tumasag pegker jastatui. 17Atumi tunauri tsagkurnartinan pachis Aarón wina emematrittsa iruuntai jeanam wijai eke chichas umik jiintsaigka, wina emematrittsa iruuntai jeanmaka chikichkiksha pujuschattawai. Antsu Aarón nina tunaurin, nina nuwe tunauri, nina uchiri ainan tunauri tura israelita ainan tunaurisha tsagkurnarmatai 18jiinki, vaca aishmag tsakatan numpen, tura cabra aishmagkun numpejai ishichik juki, wii pujamunam tagku aina maa patasa epetain yantamen kachua numamtin iruna nuna tura ashi tagku aina maa patasa epetain pegkermamtikattsa werittawai.
19Tuma tagku numpejai, tagku aina maa patasa epetain sieteya imania yakartatui. Nu turamunam israelita ainaka tsagkurnar pegkermakattawai. 20Yuus Moisésan chicharuk:
Aarón wina emematrittsa iruuntai jea nuna pegker amajas tura arcancha pegker amajsagka, chivo iwáku ikukmaun utitarma tusa shuaran akupkati. 21Tura itarmatai ataksha aa jiinki israelita ainan tunauri tsagkurnartinan, cabra aishmagkun iwákun muknum achik, israelita ainan tunaurin ashi susati. Nuna turamtai chikichik shuar nuna cabran juki aya nugkanmag akupkati. 22Turam cabra israelita aina tunaurin ashi juki aya nugkanmag shuar atsamunam weti. 23Turamtai Aarón tesamu pegker tutainam wayaku jaanch pegkeran nugkurmaurin wina emematrutai jeanam ataksha wayaa awiik ikustii.
24Tura tesamu pegker tutaiya nuig maiti. Tuma jaanchrin nugkur aa jiinki nina tunaurin, tura israelita aina tunaurijaimak tsagkurnartinan tagkun maa epeati. 25Tura nuiyasha tagku kuntutin juki, tagku aina maa epetainam epeati. 26Azazelnau atinan chivon juki aya nugkanmag akupkausha jaanchrin nijati tura maiti. Nuna tuma nita aakmara matsatmaunmagka wayati.
27Tunau tsagkurnartinan vaca aishmagkun, tura chivojai maa numpen Aarón juki wina emematrutai jeanam tesamu pegker tutainum awaintuamu aina nunaka, nuapencha, namagkencha tura ampujencha ashi jukiar nita aakmara pujamun ikumtikiar epeawarti. 28Nuna epeaka, jaanchrin shir nijaa, tura shir mai aakmara matsatmaunam wayati. 29Israelita aina chichaman tuke umisarke artina nuka juwaiti: Siete nantua nu taka diez tsawarmataigka ashi israelita aina tura chikich shuar aina nitajai pujuinasha yurumkan yutsuk, tura takatnasha takatsuk pujusartinaiti. 30Nu tsawantinka nita tunaurin wii tsagkurartinaitjai, tusa Yuus tinaiti.#He 5.1-4; 7.26-28; 8.3-4; 9.7-8, 25-26; 10.21-22; 13.10-12
31Chicham umiktinan wii taja junaka tuke umisarke artinaiti. Nu tsawantinka nitaka ayamenak yurumkan yutsuk pujusartin ainawai. 32Atumi uchiri atak artina nuisha yanak sacerdote apuri atii tusan wii etegkatnaitja, nu sacerdote nugkutairi jaanch pujun lino tutaijai najanamu pegkeran nugkur, atum takarum jutiksag nita tunauri tsagkurnartinan takainak, 33Wina emematrittsa iruuntai jean, tesamu Pegker tutain, tura tagku aina maa patasa epetain pegkermamtikainak, sacerdote aina tunaurisha tsagkurnakai israelita aina tunaurisha tsagkurnartin ainawai. 34Wii tajarum juka tuke umisrumke atinaitrume. Atumin tunauri tsagkurnartin chikichik uwítin chikichkia takastinaitrume, tusa tinaiti.
Yuus timau asa, Moiséska turusag taká jakuiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.