Josué 2
2
Yaakat Jericó nekaatarma tusa Josué jimar shuaran akupkamu
1Jordán entsanam katigkrum yaakat Jericó nekaatarma tusa, Josué jimar shuaran akupkauwaiti. Turamu asar Jericónam nuwa akika takatai Rahab naartinan jeen jeawar nui kanararuiti. 2Tuman Jericónmaya shuar aina nekaawar, israelita aina ina nugken nekaawartasa taawarai tusar nita apurin ujakaruiti.
3Turam apu chichaak: Rahab iniasrum nu shuar aina achikrum utitarma, tusa nina suntaari ainan ishiakuiti. Turam jeawar chichainak: Israelita aina ina nugken nekaawartasa tawar amina jeemin pujuina nu, jukittsar taaji, tusa tuina. Tusar tuinakai, 4Rahab uuk pujus ayak: Nuka nekasaiti. Jimar shuar wina irartuinak taawarmayi. Turasha tuiya shuartsuk arma nunaka nekachmajai. 5Yaakta waitirin epenainatsaig wemii, tusar kiakai jiinkiar wearmayi. Turasha tuig wearma nunasha nekachmajai. Wári werum amaigkarum achiktarma, tusa tinaiti. Nunaka uuk pujus tsanumeak tinaiti. Takai weriar jiinki tusar yaakta waitirin epeniaruiti.
6Nuwa Rahab naartin, trigo juuka irumra anatainam jea ukurin iwak uuk inaisauwati. 7Apu akupkamu aina entsa Jordánnum jinta weakunam patatukaru ainawai. Nu patatuinai suntar aina wárimas jiintrar yaakta waitirin epeniaru ainawai. 8Shuar nugkan nekattsa jeawaru aina nu kanuinatsaig Rahab jeanam yaki waka nitan chicharuk: 9Ina nugken Yuus atumin amastatrum nuna nekajai. Tuma asar juiya shuar ainati atum ashamakur senchi sapijmainaji.
10Egipto nugkanam pujarmin Yuus jiirmar nayants kapantu tutain ukuyua ikatiatmarua nu, amorreo ainan apuri jimar maawaitrum nusha antukmiaji. Tura ina nugkea juna atumin suramsatta nusha nekainaji. 11Nu antuku asar atumjai maanitka ashamainaji. Tumaina asar chikichkiksha atumjai maanikmi tusa tauka atsawai. Atumjai puja nuka, Yuus, nayaimpinam iruna nuna tura nugkanam iruna nunasha Yuusriyaiti. 12Wii atumin wait anentrajrum tumasrumek Yuusa naari pachisrum amina, tura amina pataim ainancha wait anentrartatjai takurum atumin waríri ikurtuktarma. 13Tura wina apar, wina nukur, wina umaar aina, wina kair aina tura ashi nita patai ainajaimak tsagkurkarturum uwemtikarturtarma, tusa tinaiti.
14Tusa takai nita aimainak: Ameka nu pachisam tukartatsminig, Yuus juna nugkan ina amasmataigka atumka shir anentam atatrume, tusa tiaruiti. 15Rahab yaakta tanishrin ukurin jeamak pujau asa, naekan nenaa iimsatin chigkaimunam akaknaiti. 16Tura chicharuk: “Kuamag werum tres tsawan uumkarum pujustarma. Tumarum atumin eatmainak wearma nu waketramtai atumsha waketratarma”, tusa tinaiti.
17Tutai nita aimainak: “Ame ina seakratnum nuka imatiksarik umiktatji. 18Turasha ii juiya shuar aina ijinattsar winakkrinka amina pataim aina, amina jeemin ashi irumram, ame naek nenaam akakratkittam nu amina jeemin nenata. 19Nu tsawantin amina pataim jeemin pujutsuk aa wekaka mantamnattawai. Tumamtaisha ika makumashtatji. 20Ii amijai chichasaj ju pachisam chikich aina ujakaipa. Nu turawakminka ii amijai chichasaj nuka umikchattaji. 21Tusa nina jeegka yaakta tanishrin ayaantsa jeamkamu asamtai, nina jeen iimsatin chigkaimu aunam naekan kapantun nenamtai akaikiar wearuiti. Tumawarmatai nina patai ainan, nina jeen ashi utsawaiti, tura israelita aina wininak wainkarti tusa naek kapantun ataksha nuig nenawaiti.
22Nugka nekaatarma tusa akupkamu aina ikam umkar tres tsawan pujusaruiti. Tumaina asarmatai achikartasa weriaru ainasha wainkachar waketkiaruiti. 23Tumawarmatai nitasha waketkiar, Josué pujamunam tawar nita turunamun pachisar ashi ujakaruiti. 24Tura nu nugkan Yuus ina suramsatnun nekaina asar, nuiya shuar ainaka senchi ashamramarmaji”, tusar tiaru ainawai.#Stg 2.25; He 11.31
Currently Selected:
Josué 2: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Josué 2
2
Yaakat Jericó nekaatarma tusa Josué jimar shuaran akupkamu
1Jordán entsanam katigkrum yaakat Jericó nekaatarma tusa, Josué jimar shuaran akupkauwaiti. Turamu asar Jericónam nuwa akika takatai Rahab naartinan jeen jeawar nui kanararuiti. 2Tuman Jericónmaya shuar aina nekaawar, israelita aina ina nugken nekaawartasa taawarai tusar nita apurin ujakaruiti.
3Turam apu chichaak: Rahab iniasrum nu shuar aina achikrum utitarma, tusa nina suntaari ainan ishiakuiti. Turam jeawar chichainak: Israelita aina ina nugken nekaawartasa tawar amina jeemin pujuina nu, jukittsar taaji, tusa tuina. Tusar tuinakai, 4Rahab uuk pujus ayak: Nuka nekasaiti. Jimar shuar wina irartuinak taawarmayi. Turasha tuiya shuartsuk arma nunaka nekachmajai. 5Yaakta waitirin epenainatsaig wemii, tusar kiakai jiinkiar wearmayi. Turasha tuig wearma nunasha nekachmajai. Wári werum amaigkarum achiktarma, tusa tinaiti. Nunaka uuk pujus tsanumeak tinaiti. Takai weriar jiinki tusar yaakta waitirin epeniaruiti.
6Nuwa Rahab naartin, trigo juuka irumra anatainam jea ukurin iwak uuk inaisauwati. 7Apu akupkamu aina entsa Jordánnum jinta weakunam patatukaru ainawai. Nu patatuinai suntar aina wárimas jiintrar yaakta waitirin epeniaru ainawai. 8Shuar nugkan nekattsa jeawaru aina nu kanuinatsaig Rahab jeanam yaki waka nitan chicharuk: 9Ina nugken Yuus atumin amastatrum nuna nekajai. Tuma asar juiya shuar ainati atum ashamakur senchi sapijmainaji.
10Egipto nugkanam pujarmin Yuus jiirmar nayants kapantu tutain ukuyua ikatiatmarua nu, amorreo ainan apuri jimar maawaitrum nusha antukmiaji. Tura ina nugkea juna atumin suramsatta nusha nekainaji. 11Nu antuku asar atumjai maanitka ashamainaji. Tumaina asar chikichkiksha atumjai maanikmi tusa tauka atsawai. Atumjai puja nuka, Yuus, nayaimpinam iruna nuna tura nugkanam iruna nunasha Yuusriyaiti. 12Wii atumin wait anentrajrum tumasrumek Yuusa naari pachisrum amina, tura amina pataim ainancha wait anentrartatjai takurum atumin waríri ikurtuktarma. 13Tura wina apar, wina nukur, wina umaar aina, wina kair aina tura ashi nita patai ainajaimak tsagkurkarturum uwemtikarturtarma, tusa tinaiti.
14Tusa takai nita aimainak: Ameka nu pachisam tukartatsminig, Yuus juna nugkan ina amasmataigka atumka shir anentam atatrume, tusa tiaruiti. 15Rahab yaakta tanishrin ukurin jeamak pujau asa, naekan nenaa iimsatin chigkaimunam akaknaiti. 16Tura chicharuk: “Kuamag werum tres tsawan uumkarum pujustarma. Tumarum atumin eatmainak wearma nu waketramtai atumsha waketratarma”, tusa tinaiti.
17Tutai nita aimainak: “Ame ina seakratnum nuka imatiksarik umiktatji. 18Turasha ii juiya shuar aina ijinattsar winakkrinka amina pataim aina, amina jeemin ashi irumram, ame naek nenaam akakratkittam nu amina jeemin nenata. 19Nu tsawantin amina pataim jeemin pujutsuk aa wekaka mantamnattawai. Tumamtaisha ika makumashtatji. 20Ii amijai chichasaj ju pachisam chikich aina ujakaipa. Nu turawakminka ii amijai chichasaj nuka umikchattaji. 21Tusa nina jeegka yaakta tanishrin ayaantsa jeamkamu asamtai, nina jeen iimsatin chigkaimu aunam naekan kapantun nenamtai akaikiar wearuiti. Tumawarmatai nina patai ainan, nina jeen ashi utsawaiti, tura israelita aina wininak wainkarti tusa naek kapantun ataksha nuig nenawaiti.
22Nugka nekaatarma tusa akupkamu aina ikam umkar tres tsawan pujusaruiti. Tumaina asarmatai achikartasa weriaru ainasha wainkachar waketkiaruiti. 23Tumawarmatai nitasha waketkiar, Josué pujamunam tawar nita turunamun pachisar ashi ujakaruiti. 24Tura nu nugkan Yuus ina suramsatnun nekaina asar, nuiya shuar ainaka senchi ashamramarmaji”, tusar tiaru ainawai.#Stg 2.25; He 11.31
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.