Génesis 50
50
1Tumamtai José úteak aparin pagkuk kugkuasuiti. 2Tuma nina inatairi tsuakratin ainan chicharuk: Iyash kaushtai tsuakjai, tura kugkuin aina nujai yakartarma, tusa tinaiti. Takai tsuakratin ainasha turusag umikaruiti. 3Turamu asa cuarenta tsawan tepesuiti. Tura egiptonmaya aina setenta tsawan útiaru ainawai. 4Tuma faraónkan jeen pujuinan José chicharuk: Atum winasha wait anentruru asaakrumin tajarme. 5Wina apar iwáku pujus, wii jakamtaigka Canaán nugkanam ikursatin atá tusa turutin asamtai, nuna umiakun aparun Canaánnum ikusan taatjai turamui, tusarum faraón ujattruktarma, tusa tinaiti. 6Tusa akattram shiakar faraónkan jeariar: José turammayi tusa ujam apari timaunka turusag ikustii, tusa tinaiti. 7Timatai José aparin ikustasa weakai, apun inatairi aina, 8Jacobon patai aina, tura José yachi ainajaimak ashi shiakaruiti. Tumainak uchi ainan, tura tagku ainan ikukiaruiti. 9Tura carrete ainanam, caballo ainanmasha shuar aina nukap shiakaruiti. 10Tumawar Jordánnum, etsa watainmani Goren-ha-atad tutainam jeawar, apari jakamun enentaimtusar siete tsawan útiaruiti. 11Tumainan Canaánnumia aina wainkaru asar, egiptonmaya ainaka patai jakamtaisha senchiapi earar iku ainawa, tusar nu nugkan Abel-misraim anaikaruiti. 12-13Jacobon uchiri ainaka Abraham Canaán nugkanam etsa watainmani Macpela a nui, wina ikumatair atii tusa nugkan, tura waancha sumakua nui ikursatarma tusa apari timaunka, turusag umikaruiti. 14Turawar José nijai yujainajaimak Egipto nugkanam ataksha wakettraruiti.
José nina yachi ainan pegkernum chicharkamu
15José yachi aina apari jakau asamtai, nitak enentaimsar chichainak: Yamaika ina aparigka jakayi, tuma asamtai ii kajerkar surukmau asa, incha kajertamkattaji, tusa tuina. 16Tusar ina apari iwáku pujus chichartamuk: 17Wait aneasam yatsum aina amina pegkerchau amajtamkaru ainakaisha, nita tunaurigka tsagkuurarta, tusa turammiayi. Turamin asamtai isha ina apari Yuusriya nu umirin asaakrin, wait aneasam tsagkurkarturta, tusar chichaman Josén akuptukaruiti. Turamun José antuk útnaiti. 18Nuna tumai nina yachi ainasha jeariar tsuntsumruawar chicharainak: Yamaika ika ame inatairam artatji, tusar tiaruiti. 19Tuinakai José nitan chicharuk: Ashamrukairpa, wika Yuuschauwaitjai tumau asan, atumnaka waittanka sumaitsujrume. 20Atumka winaka kajertakrum pegkerchau amajtuktasrum surutkau ainarme. Turasha shuar aina jinumainan yaigti turutu asa, Yuus pegkernum yainkauwaiti. 21Turuta asamtai, ashamrukairpa. Atumnaka yutai ainan wiki ashi sutatjarme, tusa tinaiti. Nuna tusa takai shir aneasaru ainawai.
José jakamu
22José nina yachi ainajai Egipto nugkanam pujusuiti. 23Joséka ciento diez uwí ején asa, Efraínkan tiragke uchirincha wainkauwaiti. Tura Manasésan uchiri Maquir akiamuncha wainkauwaiti. 24José nina yachi ainan chicharuk: Wika jakattajai. Turasha atumnaka Yuus yainmaktatrume. Turutmak juiya jiirmakiar, Abrahaman, Isaackan, tura ina aparin anajmatawa nuu nugkanam apujtamsattarme, tusa tinaiti. 25Tusa yachi ainan chicharuk: Yuus atumnaka nekas yainmaktinaitrume tajarme. Turutmakrumnasha wina ukunchrusha juig ikurtutsuk jukitin ataarma, tusa tinaiti. 26José Egipto nugkanam pujus, ciento diez uwí ejé jakauwaiti. Tumamtai iyash kaushtaijai yakararuiti. Turawar shuar jakau egketainam egkeawar ikusaruiti.
Currently Selected:
Génesis 50: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Génesis 50
50
1Tumamtai José úteak aparin pagkuk kugkuasuiti. 2Tuma nina inatairi tsuakratin ainan chicharuk: Iyash kaushtai tsuakjai, tura kugkuin aina nujai yakartarma, tusa tinaiti. Takai tsuakratin ainasha turusag umikaruiti. 3Turamu asa cuarenta tsawan tepesuiti. Tura egiptonmaya aina setenta tsawan útiaru ainawai. 4Tuma faraónkan jeen pujuinan José chicharuk: Atum winasha wait anentruru asaakrumin tajarme. 5Wina apar iwáku pujus, wii jakamtaigka Canaán nugkanam ikursatin atá tusa turutin asamtai, nuna umiakun aparun Canaánnum ikusan taatjai turamui, tusarum faraón ujattruktarma, tusa tinaiti. 6Tusa akattram shiakar faraónkan jeariar: José turammayi tusa ujam apari timaunka turusag ikustii, tusa tinaiti. 7Timatai José aparin ikustasa weakai, apun inatairi aina, 8Jacobon patai aina, tura José yachi ainajaimak ashi shiakaruiti. Tumainak uchi ainan, tura tagku ainan ikukiaruiti. 9Tura carrete ainanam, caballo ainanmasha shuar aina nukap shiakaruiti. 10Tumawar Jordánnum, etsa watainmani Goren-ha-atad tutainam jeawar, apari jakamun enentaimtusar siete tsawan útiaruiti. 11Tumainan Canaánnumia aina wainkaru asar, egiptonmaya ainaka patai jakamtaisha senchiapi earar iku ainawa, tusar nu nugkan Abel-misraim anaikaruiti. 12-13Jacobon uchiri ainaka Abraham Canaán nugkanam etsa watainmani Macpela a nui, wina ikumatair atii tusa nugkan, tura waancha sumakua nui ikursatarma tusa apari timaunka, turusag umikaruiti. 14Turawar José nijai yujainajaimak Egipto nugkanam ataksha wakettraruiti.
José nina yachi ainan pegkernum chicharkamu
15José yachi aina apari jakau asamtai, nitak enentaimsar chichainak: Yamaika ina aparigka jakayi, tuma asamtai ii kajerkar surukmau asa, incha kajertamkattaji, tusa tuina. 16Tusar ina apari iwáku pujus chichartamuk: 17Wait aneasam yatsum aina amina pegkerchau amajtamkaru ainakaisha, nita tunaurigka tsagkuurarta, tusa turammiayi. Turamin asamtai isha ina apari Yuusriya nu umirin asaakrin, wait aneasam tsagkurkarturta, tusar chichaman Josén akuptukaruiti. Turamun José antuk útnaiti. 18Nuna tumai nina yachi ainasha jeariar tsuntsumruawar chicharainak: Yamaika ika ame inatairam artatji, tusar tiaruiti. 19Tuinakai José nitan chicharuk: Ashamrukairpa, wika Yuuschauwaitjai tumau asan, atumnaka waittanka sumaitsujrume. 20Atumka winaka kajertakrum pegkerchau amajtuktasrum surutkau ainarme. Turasha shuar aina jinumainan yaigti turutu asa, Yuus pegkernum yainkauwaiti. 21Turuta asamtai, ashamrukairpa. Atumnaka yutai ainan wiki ashi sutatjarme, tusa tinaiti. Nuna tusa takai shir aneasaru ainawai.
José jakamu
22José nina yachi ainajai Egipto nugkanam pujusuiti. 23Joséka ciento diez uwí ején asa, Efraínkan tiragke uchirincha wainkauwaiti. Tura Manasésan uchiri Maquir akiamuncha wainkauwaiti. 24José nina yachi ainan chicharuk: Wika jakattajai. Turasha atumnaka Yuus yainmaktatrume. Turutmak juiya jiirmakiar, Abrahaman, Isaackan, tura ina aparin anajmatawa nuu nugkanam apujtamsattarme, tusa tinaiti. 25Tusa yachi ainan chicharuk: Yuus atumnaka nekas yainmaktinaitrume tajarme. Turutmakrumnasha wina ukunchrusha juig ikurtutsuk jukitin ataarma, tusa tinaiti. 26José Egipto nugkanam pujus, ciento diez uwí ejé jakauwaiti. Tumamtai iyash kaushtaijai yakararuiti. Turawar shuar jakau egketainam egkeawar ikusaruiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.