Génesis 49
49
Jacob nina uchiri ainan chicharkamu
1Jacob nina uchiri ainan untsuk ikaanmak chicharuk: Atak atina nuna pachisan ujaktajrume, wini tantatarma tusa takai aparin jeantaruiti. 2Tumawarmatai chichaak: Wii Jacobowaitiatan Israel naartinaitaj juna chichame antuktarma. 3Rubénka ametme iwairimka: Tumau asam amina yatsum aina nagkasau pegker, tura senchirtinaitme. 4Turasha ameka entsa tsukatna numamtuk shir enentaimchau asam, wina chikich nuwarjai pujusuitam nui, imanka achatnaitme. 5Simeónkan Levíjai chicharuk: Mai metekmamtinak asarum, iturchat akaisha esetsuk tuke maani matsamtin ainarme. 6Atumka shuar aina kajerakrum, tura tagku ainasha kagkaji tsupiru jaku asaakrumin, jakancha atumjaigka pegke iruuntrashtinaitjai. 7Atumka pegkerchau asaakrumin pegkerchaunam chicharkattajrume. Turamu asarum Israel nugkanmag iruuntsarum matsamtsuk kanaarum yujatin ainarme.
8Judán chicharuk: Amina yatsum aina emematramiartin ainawai. Shuarum ainaka ame nepettinaitme. 9Wina uchir Judáya ameka uun yawa uchiri, namagken yua ejémar ayameak tepena numamtuk ayamratnaitme. Amina nepettammainka pegke atsawai. 10Ushukrutai orojai najanamu ame takakam aunka atantramkichartin ainawai. Imanismek pujamin Yuus akupkamu taamtai shuar aina nuna ashi anturaina asamtai ikuktinaitme. 11Arak uva tutaiya nuna naekrijai burron uchirin jigkak nuna kampuinig jigkatnaiti. Nina nugkutairincha uvan yumirijai nijatnaiti. 12Nina jiigka uva yumiri ijuraamun nagkasau mukusa jas ekeemtinaiti. Naigka muntsu pujua iman jastinaiti. 13Zabulónkan nugkegka nayantsa yantamen barco aina pemtainam juki Sidón nugkanam nagkankatnaiti. 14Isacarka burro senchirtina numamtinaiti. Tagku nina wenuken pujuina numamtuk pujutnaiti. 15Nigka ayamaintrin nugka pegkeran wainkau asa, nina apuri inamsha nakittsuk takartinaiti. 16Israel shuar ainan inatna numamtuk, Danka ni shuar ainan apuri jastinaiti. 17Danka nápi jinta nakamak tepes, caballo nagkamaun nawenam asai nui entsatkauncha ajumaina numamtuk, nina shuari ainan nepetin atinaiti.
18Yuusa, wika uwemtikrurta tusan amina nakajme. 19Suntar aina Gaadjai maaniawartinaiti, turamsha ni nepetmaktinaiti. 20Aseran pankrigka shir nukap atinaiti, iman asamtai apu ainancha antrag sutinaiti. 21Neftalíka jápa agkan wekaina numamtinaiti, tura uchiri ainasha jápa uchiri pegkera numamtin ainawai. 22Joséka númi entsa yantam wajas nukap nerek jigkai kakek tsapauwa numamtinaiti. 23Josénka kajerainak maawartasa tuke waitkasartinaiti.
24José weantu ainaka senchirtin artinaiti. Tura Yuus yayámu asar, nita chichamesha imanuk artinaiti. 25Amina Yuusrum ashi senchirtina nu pegkernum yainmaktinaiti. Turutmak atsumtsuk pujusti tusa nayaimpinmaya pegker ainan, nugkanmaya pegker ainan, entsanmaya pegker ainan, tura uchiram weantu ainancha turusag pegkeran suramsatnaiti. 26Wika aminka wina uuntur aina pegkernum chichartukaru aina nuna nagkasau tuke atinan, pegkernum chicharkaujme. Turamu asam amina yatsum aina ju nagkasau atinaitme. 27Benjamínka uun yawa yukartina imanaiti. Káshikmas namagken yutinaiti, ampintrau ainan agkuantai tinamtinaiti. 28Israel nina uchiri doce ajakarua nuna, nita matsamsatnun pachis pegkernum, tura pegkerchaunmasha chicharkauwaiti.
Jacob jakamu
29-30Tura nitan chicharuk: Wika jakattajai, tumamtaisha Abraham Canaán nugkanam etsa watainmani Macpela a nui wina ikumatair atii, tusa nugkan, tura waancha sumakua nui ikursatarma. 31Abraham, Sara, Isaac, Rebeca, tura Leasha nu nugkanmag ikuntsaru ainawai. 32Nu nugkanka, tura waancha Het shuarnaun Abraham sumakuiti, tusa tinaiti. 33Jacob uchiri ainan ashi chicharak umik jakauwaiti.
Currently Selected:
Génesis 49: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Génesis 49
49
Jacob nina uchiri ainan chicharkamu
1Jacob nina uchiri ainan untsuk ikaanmak chicharuk: Atak atina nuna pachisan ujaktajrume, wini tantatarma tusa takai aparin jeantaruiti. 2Tumawarmatai chichaak: Wii Jacobowaitiatan Israel naartinaitaj juna chichame antuktarma. 3Rubénka ametme iwairimka: Tumau asam amina yatsum aina nagkasau pegker, tura senchirtinaitme. 4Turasha ameka entsa tsukatna numamtuk shir enentaimchau asam, wina chikich nuwarjai pujusuitam nui, imanka achatnaitme. 5Simeónkan Levíjai chicharuk: Mai metekmamtinak asarum, iturchat akaisha esetsuk tuke maani matsamtin ainarme. 6Atumka shuar aina kajerakrum, tura tagku ainasha kagkaji tsupiru jaku asaakrumin, jakancha atumjaigka pegke iruuntrashtinaitjai. 7Atumka pegkerchau asaakrumin pegkerchaunam chicharkattajrume. Turamu asarum Israel nugkanmag iruuntsarum matsamtsuk kanaarum yujatin ainarme.
8Judán chicharuk: Amina yatsum aina emematramiartin ainawai. Shuarum ainaka ame nepettinaitme. 9Wina uchir Judáya ameka uun yawa uchiri, namagken yua ejémar ayameak tepena numamtuk ayamratnaitme. Amina nepettammainka pegke atsawai. 10Ushukrutai orojai najanamu ame takakam aunka atantramkichartin ainawai. Imanismek pujamin Yuus akupkamu taamtai shuar aina nuna ashi anturaina asamtai ikuktinaitme. 11Arak uva tutaiya nuna naekrijai burron uchirin jigkak nuna kampuinig jigkatnaiti. Nina nugkutairincha uvan yumirijai nijatnaiti. 12Nina jiigka uva yumiri ijuraamun nagkasau mukusa jas ekeemtinaiti. Naigka muntsu pujua iman jastinaiti. 13Zabulónkan nugkegka nayantsa yantamen barco aina pemtainam juki Sidón nugkanam nagkankatnaiti. 14Isacarka burro senchirtina numamtinaiti. Tagku nina wenuken pujuina numamtuk pujutnaiti. 15Nigka ayamaintrin nugka pegkeran wainkau asa, nina apuri inamsha nakittsuk takartinaiti. 16Israel shuar ainan inatna numamtuk, Danka ni shuar ainan apuri jastinaiti. 17Danka nápi jinta nakamak tepes, caballo nagkamaun nawenam asai nui entsatkauncha ajumaina numamtuk, nina shuari ainan nepetin atinaiti.
18Yuusa, wika uwemtikrurta tusan amina nakajme. 19Suntar aina Gaadjai maaniawartinaiti, turamsha ni nepetmaktinaiti. 20Aseran pankrigka shir nukap atinaiti, iman asamtai apu ainancha antrag sutinaiti. 21Neftalíka jápa agkan wekaina numamtinaiti, tura uchiri ainasha jápa uchiri pegkera numamtin ainawai. 22Joséka númi entsa yantam wajas nukap nerek jigkai kakek tsapauwa numamtinaiti. 23Josénka kajerainak maawartasa tuke waitkasartinaiti.
24José weantu ainaka senchirtin artinaiti. Tura Yuus yayámu asar, nita chichamesha imanuk artinaiti. 25Amina Yuusrum ashi senchirtina nu pegkernum yainmaktinaiti. Turutmak atsumtsuk pujusti tusa nayaimpinmaya pegker ainan, nugkanmaya pegker ainan, entsanmaya pegker ainan, tura uchiram weantu ainancha turusag pegkeran suramsatnaiti. 26Wika aminka wina uuntur aina pegkernum chichartukaru aina nuna nagkasau tuke atinan, pegkernum chicharkaujme. Turamu asam amina yatsum aina ju nagkasau atinaitme. 27Benjamínka uun yawa yukartina imanaiti. Káshikmas namagken yutinaiti, ampintrau ainan agkuantai tinamtinaiti. 28Israel nina uchiri doce ajakarua nuna, nita matsamsatnun pachis pegkernum, tura pegkerchaunmasha chicharkauwaiti.
Jacob jakamu
29-30Tura nitan chicharuk: Wika jakattajai, tumamtaisha Abraham Canaán nugkanam etsa watainmani Macpela a nui wina ikumatair atii, tusa nugkan, tura waancha sumakua nui ikursatarma. 31Abraham, Sara, Isaac, Rebeca, tura Leasha nu nugkanmag ikuntsaru ainawai. 32Nu nugkanka, tura waancha Het shuarnaun Abraham sumakuiti, tusa tinaiti. 33Jacob uchiri ainan ashi chicharak umik jakauwaiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.