Éxodo 2

Moisés akinamu

1Nu imanik waitu pujuinaig, chikichik shuar Leví weantu, nuwan nuatkauwaiti. 2Tuma pujus nuwa ajapruk uchi aishmagkun jureruiti. Tura uchi pegkeri asamtai, nina jeen tres nantu uuk apujsauwaiti.#He 11.23 3Turasha uchi chichiaru asa, nukap tsawan uuka apujmainchau asamtai, sukun kánua numamtinan najana entsa utuawai tusa sakatar, uchin egkea shir nukuk Nilo entsa yantamen saak irunmaunam inanasuiti. 4Tura nawantrin chicharuk: “Umaim urukatig ame ika wajasam iista”, tusa tinaiti. Timau asa ika wajas ii wajatu. 5Tumai faraónkan nawantrisha nina inatairi ainajai entsanam maittsa wuwaiti. Tuma jeaa entsa yantamen wekajkama suku kánua numamtin najanamu nanatun wainkauwaiti. Tura nina inatairin chikichkinak chicharuk: Utita, tusa tinaiti. 6Tama weri itaamtai sukun urak iikma, uchi útu egketun faraónkan nawantri wainkauwaiti. Tura wait anentar chichaak: Juka israelita uchiti, tusa tinaiti.

7Takai uchi umai faraónkan nawantrin jeari chicharuk: Amesha wakerakminka ju uchin umuntsa tsakatmartinan israelita nuwan yama uchin jurerun eatkan uturtajme, tusa tinaiti. 8Tama faraónkan nawantrisha ayu, weme utita, tusa tinaiti. Takai uchi umaisha wuwaiti. Tuma nina nukurinak itawaiti. 9Turamtai faraónkan nawantri chicharuk: Ju uchi jukim amina jeemin apujsam tsakatmatrurta turawakmin akiktajme, tusa susauwaiti. Turamu asa nina nukurig uchinka juki tsakatmaruiti. 10Tura faraónkan nawantrin susauwaiti. Turam nina uchiriya numamtuk amajsauwaiti. Tura Moisés anaikauwaiti. Nunaka entsanmayan jusauwaitjai, taku tinaiti.#Hch 7.17-22

Moisés Egiptonam pujayat uun jas Madián nugkanam pujustasa tsekegmau

11Moisés uun jas nina patai ainan iistasa chikichik tsawantin wuwaiti. Tuma senchi takamtikainam waitu pujuinan wainkauwaiti. Nuiyasha nina patain egiptonmaya suimun wainkauwaiti. 12Tura ashi iimas shuar pegke atsakai Egiptonmayan maa yaikminam yutua ikuknaiti. 13Tura ataksha kashin tsawak nina patai ainan iistasa wuwaiti. Tumakma mai nitak maanittamaun wainak chicharuk: Amina pataimijaigka maanikaipa, tusa tinaiti.

14Tama ni chicharuk: Amekaitam ina apurim, amincha ya chicham iwarin atá tusa turammataiya tame, Egiptonmaya yau maamam turusmek winasha mantuattsamek turutam, tusa tinaiti. Tama wii magkartuamaj nunaka nekartuawaraipi tusa sapijmakuiti. 15Egiptonmaya shuaran Moisés maamun faraón nekawaiti. Tura nina suntaari ainan Moisés maatarma, tusa tinaiti. Turasha Moisés Madián nugkanam pujustasa tsekegnaiti.#Hch 7.23-29; He 11.24-27 Tuma jeaa yumirmatai amaunam ayaamas ekeemsauwaiti. 16Tumai sacerdote Jetro nawantri aina, apari ovejari ainan entsan shikik aakartasa yumirmatnum siete nuwa jeawaruiti. 17Turasha ovejan kuitamin chikich aina jeawar nu nuwa ainan tuke turin asar, entsan suritainak atumka menastarma tusa tuinakai, Moisés nui pujau asa ayamruk, entsan shikik oveja ainan aakuiti. 18Turamtai nuwa ainasha apari pujamunam waketkiar jeawaruiti. Tumawarmatai apari nitan chicharuk: ¿Urukamtai yamaika nukap megkatsuk taurmea? tusa tinaiti.

19Tama nita chichainak: “Egiptonmaya shuar ina ayamrutmak nigki entsancha shikik oveja ainan aakmatai, nukap megkatsuk taaji”, tusar tiaruiti. 20Tuinakai nitan chicharuk: Nusha tui pujuma, urukamtai ikuknuram yurumak ajamsami ¡werum utitarma! tusa tinaiti. 21Timau asar weriar jukiaruiti. Turam Jetro jeen nukap tsawan pujusuiti. Tumamtai Jetro nina nawantrin Séfora naartinan nuatkati tusa susauwaiti. 22Turam nuna nuatak pujus uchi aishmagkun akia Gersón anaikauwaiti. Nunaka wika chikich nugkanmaya shuaraitjai taku tu anaikauwaiti. 23Moisés Madián nugkanam nukap uwí pujai egiptonmaya apu jakauwaiti. Turasha nina patai israelita ainaka inaku senchi waitkainam Yuusan aujsaruiti. Turam nuna antuk: 24-25Abrahaman, Isaackan, tura Jacobon atum weantu ainan turatnaitjai tusa anajmatawa turusag israelita aina waitainan nekau asa, Yuus wait anentrauwaiti.

Currently Selected:

Éxodo 2: hubDBL

Highlight

Copy

Compare