Salmos 138
138
1Läꜙka̱a̱ˉ tuhˉdsënꜙ kwanꜙ tiˊhmaahˊ kyahˈ DSAˉJØ̱Ø̱Hˈ kya̱a̱nꜙ.
Hänˋ kyahˈ kya̱a̱hˊ salmo jeeˊ kihˈ hi̱ˉ tä̱ä̱hˊ gyʉʉhˈ.
2Ju̱hnˊ jnënꜙ taꜙ ko̱o̱ˉ dsooꜘ jeeˊ chihˈ gwahꜙ naˉjngɨɨˈ kyahꜗ.
Jmeenˋ jʉʉhˉ kyahꜗ kihꜗ heˉ läˉñihꜘ hohꜘ hiꜙ miˉtehˋ juuˈ kyahꜗ.
Hñaahꜗ gaꜙjmeehˊ heˉ kye̱e̱ꜘ jwërte jmɨɨˉ kyahꜗ
jeeˊ kihˈ jeeˊ läꜙjë̱ë̱ꜙ
hiꜙ chaˉgaˊmiihˉ kye̱e̱ꜘ heˉ gaꜙbä̱ä̱hˋ hñaahˈ jmeehˈ.
3Jmɨɨˊ heˉ gaꜙchu̱u̱nꜗ kya̱a̱hˊ hneˉ gaꜙje̱e̱hˋ baˊ kinꜙ.
Gaꜙkwëëhˋ jnäꜘ chaˉmiihˉ beꜘ.
4Läꜙjë̱ë̱ꜙ dsaˉtaˊ ka̱a̱hˊ
kwayꜗ tiˊhmaahˊ kyahꜗ hneˉ DSAˉJØ̱Ø̱Hˈ kya̱a̱nꜙ
waˊraˉ gaꜙnuuyꜘ läꜙjëꜙ juuˈ heˉ hlëëhˊ.
5Läꜙja̱ˉ häyꜗ kaˉlähꜘ kihꜗ läꜙjëꜙ taˊ heˉ jmeeꜙ DSAˉJØ̱Ø̱Hˈ jnänˋ.
Jëëhꜘ, haˉ ko̱hꜘ saꜙ jø̱ø̱hˈ la̱a̱ꜗ Dio jnänˋ.
6Maꜙkeꜙ jø̱hˈga̱a̱ˉ DSAˉJØ̱Ø̱Hˈ jnänˋ,
maꜙraꜙ heˉ jmeeꜙ bihꜗ heˈ kihꜗ hi̱ˉ täˉñeeꜘ.
Pero kihꜗ hi̱ˉ jmää˜ hñiiꜘ ka̱a̱hˊ,
ʉ̱ʉ̱ꜘ baˊ cheyhˈ kihꜗ hi̱ˉ heꜘ.
7Cherˊmahꜗ jëën˜ wɨɨꜘ, hneˉ baˊ lä̱ä̱hˊ jnäꜘ kihꜗ heˉ ja̱ˉ.
Ko̱o̱ˉ hɨɨhˈ baˊ hneˉ goohˉ kihꜗ hi̱ˉ hä̱ä̱ˈ hi̱ˉ naˉhøøhˊ kinꜙ,
läꜙja̱ˉ baˊ lä̱ä̱hˊ jnäꜘ kya̱a̱hˊ beꜘ kyahꜗ.
8DSAˉJØ̱Ø̱Hˈ kya̱a̱nꜙ
miˉhñaayꜙ läꜙko̱o̱ˉ laꜗ hʉʉˊdsëˉ kiyhꜗ kya̱a̱hˊ jnäꜘ.
Heˉ läˉñihꜘ hohꜘ läꜙ maˉchaˉ ja̱ˉbaˊ tä̱ä̱ꜘ, DSAˉJØ̱Ø̱Hˈ kya̱a̱nꜙ.
Taꜙ tʉꜗ taˊ heˉ maˉløøhˋ jmeehˉ.
Currently Selected:
Salmos 138: chz
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
