Ibr 1
1
Allah Ya Yi Magana ta wurin Ɗansa
1A zamanin dā, Allah ya yi wa kakannin kakanninmu magana ta hanyoyi masu yawa iri iri, ta bakin annabawa, 2amma a zamanin nan na ƙarshe, sai ya yi mana magana ta wurin Ɗansa, wanda ya sa magājin kome, wanda ta wurinsa ne kuma ya halicci duniya. 3Shi ne hasken ɗaukakar Allah, ainihin kamannin zatinsa kuma, shi kuma yana a riƙe da dukan abubuwa ta ikon faɗarsa. Bayan da ya tsarkake zunubanmu, sai ya zauna a dama da Maɗaukaki a can Sama.
Fifikon Yesu a kan Mala'iku
4Ta haka yake da fifiko a kan mala'iku, kamar yadda sunansa da ya gāda yake da fifiko nesa a kan nasu.
5 #
Zab 2.7;
2Sam 7.14; 1Tar 17.13 Domin kuwa wane ne a cikin mala'iku Allah ya taɓa ce wa,
“Kai Ɗana ne,
Ni Ubanka ne yau”?
da kuma,
“Zan kasance Uba a gare shi,
Shi kuma, zai kasance Ɗa a gare ni”?
6 #
M.Sh 32.43
Amma da zai sāke shigo da magāji a duniya, sai ya ce,
“Dukkan mala'ikun Allah su yi masa sujada.”
7 #
Zab 104.4
A game da mala'iku kuma sai ya ce,
“Yakan mai da mala'ikunsa ruhohi,
Masu hidimarsa kuma harsunan wuta.”
8 #
Zab 45.6,7 Amma a game da ɗan, sai ya ce,
“Kursiyinka, ya Allah, na har abada abadin ne,
Sandar sarautarka sanda ce ta tsantsar gaskiya.
9Kā ƙaunaci aikin adalci, kā ƙi aikin sāɓo.
Saboda haka Allah, wato, Allahnka, ya shafe ka
Da man farin ciki fiye da tsararrakinka.”
10 #
Zab 102.25-27
Da kuma,
“Ya ubangiji, kai ne ka halicci duniya tun farko,
Sammai kuma aikinka ne.
11Su za su hallaka, amma kai madawwami ne.
Duk za su tsufa kamar tufa,
12Za ka naɗe su kamar mayafi,
Za su kuma sauya,
Amma kai kana nan ba sākewa,
Har abada shekarunka ba za su ƙare ba.”
13 #
Zab 110.1
Amma wane ne a cikin mala'iku Allah ya taɓa ce wa,
“Zauna a damana,
Sai na sa ka take maƙiyanka”?
14Ashe, dukan mala'iku ba ruhohi masu hidima ba ne, waɗanda Allah yakan aika, don su yi wa waɗanda za su gāji ceto hidima?
Currently Selected:
Ibr 1: HAU
Highlight
Share
Copy
Want to have your highlights saved across all your devices? Sign up or sign in
@Bible Society of Nigeria 1979