Roma Nenacaauru Rai 10
10
1Canejeraauru, nichotenaa nainecuruha Isaraelitacurune coinane, acaauru que jataain coacuhin Cana Coaunera bajanajacoon. 2Jataainte niqui jeriha Cana Coaunerane rijijieein nenaa jerecure. Nete esinae rauhijiriin coitucuhin aihurenihane jaun nainecurene. 3Cacha ichoterateraneein niha Cana Coaunerane coitucuhin esenetaaurenihane jaunte, niicha letoai esenetana coacuelanaala, rai suujua letonohacha sacuure raajenihane nichotenaa coacuhin. 4Nii rauhi aitoonjoante nelatelu turuhalu Jesocurisitone que tiaajeein. Caje coauneeinte laen nechu Jesocurisito queecha jaaequiin esenetaauruhane coreniha niicha ichai ujuaihoneein neeuruhane caje couluunojoineein neeure satiin esenetaerauru.
5Nicha bei rauhi tonoraain nihane coreniha nichotenaa coacuhin nei raite: “Leinjiinniji cautijiaelanaala caa rauhi tonoraain ichaohi cachate, coreniha nichotereein”, naain laenaelu Moisesa. 6Nete laen nii esenetaauruhane coreniha couluunojoineein nihane coina aitiin, “Cha inicheein dedeeu, caje Jesocurisito fauhane coina”, coa naain coaaucache. 7Niheichu, “Cha onacaauru rene faureein ecuun Jesocurisito inaane coina”, coa naain coaaucache. 8“Nii erenaate inae ii rohan neein ii suujua, ii ujuae, naaonjoainuri cuhane ne”, naain ne laenanohineein. Caa erenaate esenetaain nenacaauru rai beratenojoineein nenaa ne. Nii quene caa inara relaacaanu. 9Aihane jaun, cana Curuaanaa niha Jesocurisitone coitucuhin que ereerejeein, ii suujua aina cuaritaain oo caje ichatihalu Cana Coaunerane esenetaainete nichoteriquiin. 10Nitohaneeinte, cana suujua aina cuaritaain esenetaain nihacache, couluunojoineein canaacha ichai ujuaihoneein nenaa caje nichoteein nihacachene coina. Jana cana ujuaaete Jesocurisito coitucuhin inae nichoterichaacheeinne jaan beraneein ne.
11Cana Coaunera Quiricha cuhanete: “Esinae rauhijiriin icharihanine esenetaain acaacha cohajeein nenaa, coatiha inacojoeein airinaain”, naain ne laenanohineein. 12Coatiha nejelau cachaneein neeuruhi Jorioocuru aina Jorioniheichuru, leinjiin Curuaanaa satiin acaauru Curuaanaa neein caje acaauruacha bajai teraneein nihane jaun. 13Nii coinate: “Cana Curuaanaa coitucuhin que ereerejeein ichaonacaaurute nichoteeurureein”, naain aitelu. 14Chasiina que ereereena nainecurure, coitucuhin esenetaauruhane coalanaala. Niheichu coitucuhin esenetana nainecuruhi, que acaauru rai ereein nei aonacurenihane jaun. Niheichu aonane nainecuruhi neniha acaauru rai beratenojoi berane jaun. 15Chasiina nere acaauru rai bera, niha acaauru coroatajaneein acaauru letoaeranune coaalanaala. “Jataainte caohate cana rene turuuruha Ena nenaa ichaonaa tera Jesocurisito que erenaa turuaaurerane”, naain niha Cana Coaunera Quiricha cuhanene rijijieein.
16Nete satiinelanaa tabaauruhacha, ichoteratenojoineein neeururichaaine coina beratenojoi esenetaaure. Nii quete: “Curuaanaa, cha ii beratenojoi canuhacha beebejei esenetae”, naelu Isaihasi. 17Nii jaunte, nii canaacha aonai caje unaaneein ne nii canaacha esenetai. Jana nii canaacha aonaite, Jesocurisito que aitiin beratenojoi ne. 18Nena canu aitoon, acaauru rai beratenojoi aonacurenihane jaunna esenetaaureniha. Aihei jerihane, aonacuruhane saijieeinte esenetaaurene. Nii que te aitiin:
“Chauratane sacutaainte
amuhemujueein que ereerecure.
Nii jaunte itolereneein
chauratane sacutaain nenacaauru rene turue
nii erenaa”,
naain laenanohineein nelu Cana Coaunera Quiricha cuhane. 19Nii que jaiti nainacurenihane jauncha esenetaaureniha Isaraelitacuru. Aihei jerihane, nainacuruhanete ne. Jauriaanejeein acaauru rai:
“Canu cachanelanaala nenacaauru que
necoelaaichene coinane,
acaauru aina canuhacha ichaneni ichaain,
cha coitucunaa jerelanaala nenacaauru aina
nejerateeichene coina ichareeunni”,
naain beratiha acaauru rai Cana Coaunerane jaun belu Moisesa. 20Nii baihate:
“Chabana canu aina nenaa coacuelanaala nenacaaurute,
canu aina neeurureein.
Chaaen nechu
canu coitucunaa coacuelanaala nenacaauru quene
necoitucueratereeunni”,
naain,
21“Itolere banane
erenaa tonoraelanaala
nechu aansaineein nenacaauru cachaauru
cotijiaain cohajeeun”,
naa Isaraelitacuru nichaanune que Cana Coaunerane belu Isaihasi.
Currently Selected:
Roma Nenacaauru Rai 10: URA
Highlight
Share
Compare
Copy
Want to have your highlights saved across all your devices? Sign up or sign in
© 2005, 2024, Wycliffe Bible Translators, Inc.
