Afocarifisi 19

1Nii baiha jataain arajiin dedeeu tonijiaain ereeuruha cachaaurune jana aonacaaunne janate:

“Cana ichoteraneein nenaa cana Curuaanaa coroaaecuche.

Nii itolere ichana naineein,

rai necaohacha que necaohachaain,

naaonjoaain nihane jaunte

cana ichoteraneein Cana Coauneraneein ne.

2Acate

esinae rauhijiriin baaso icharaauru coaraain

casetecaraneein ne.

Nitohanihane jaunte,

rai jaberoco aina cuaain

satiin chauratane sacuritaain nenacaauru cachaauru saruhin niha osa quene jaun,

nii ene cojoaeloroheri rijijieein nenaa casetecae.

Cana Coaunerate

rai cachaneein nenacaauru ateinaain nihalune

core coaarate que”,

naaure.

3Nii baihate nacoaauneein:

“Cana ichoteraneein nenaa cana Curuaanaa coroaaecuche.

Nii chariji bana jianelanaalate

ecuun iniha cureein nii ene cojoaeloroheri rijijieein nenaa Babilonia nese moco cousuruca”,

naaure dedeeu toniin.

4Nii janate, curuaanaa nihane jaan rori trono ichoae lauhaca Cana Coaunerane jana, nacatiha neseeonriaain: “Cana ichoteraneein nenaa cana Curuaanaa coroaaecuche. Nitohanemiin”, naain Cana Coaunera coroaecure, nii coroata choonca jenaain nenacaauru ichauhenaauru, chaaen nii jenaain cacha tocorijianeein ichaohin nenacaauru naaonjoainuri. 5Nii janate, nii curuaanaa nihane jaan rori caje toniin:

“Satiin inara canaanaihuru, ichauhenaauru, naaonjoaineeichene

Cana Coaunera coroaaecuche,

nelateein acaneein nihane que casiichene coaarateein neinequichene”,

naain toniha erenaane jana aohanrae.

Rai cachaneein nenacaauru aina beseta ichaa Carenero Narejeene jaan cojoanonaa que turuhane

6Chaaen nechu tonijiaain toniha arara aina caraturine rijitiinchuru iriha arajiin cachane jana aonaaun. Nii janate:

“Cana ichoteraneein nenaa Cana Curuaanaa coroaaecuche.

Inae itolere Curuaanaa neein nihane nunuhetiha cana Curuaanaa,

itolere que nelateein,

itolere ichana naineraneein nenaa Cana Coaunera.

7Aihane jaun

coanete rachoojihacache.

Esinae rauhijiriin

rai necaohacha que necaohachaain niha Cana Coaunerane coroaaecaache,

inae nisirihatiha Carenero

Narejeenne jaan cojoanonaa que turuhane jaun.

Inae letona jatoroaain neruujiha rai comasainu.

8Nitohaneein jereraane jaunte,

somajai cajione caohacha jiquihaqui que necoreete nii Carenero Narejeen comasainu.

Nii cajione caohacha somajaain jiquihaquiin nenaate,

esinae rauhijiriin jeriha Cana Coaunerane rijijieein

niicha ranojoineein nenacaauru ne”,

naain tonijiaain toni erenaa. Satiin rai cachaneein nenacaauru raa Cana Coaunera Calaohi Jesocurisitone que.

9Nii janate canu rai: “Caa laenaaun: ‘Raotojoeein turuuruhine nii Carenero Narejeen beseta que cotihanohichuru’, naa caraine baihate: ‘Caa erenaate, inae rauhijiriin Cana Coaunera beratenojoi erenaane’ ”, nae carai nii anjera.

10Nii jana coroaaecaaune coina, nii anjera tijia asaae neseeoriaanune janate: “Coa nitohanai ichana coaauca. Canuhetonaine Cana Coaunera cacha neein neeun, jerichanejeein nii aaine rijijieein. Aihuruha nii ii nejeraauru, acaauru rai aitoha Jesocurisitone rijijieein, naitoonjoan tonoraain nenacaaurune rijijieein. Aihane jaun, Cana Coauneraacha coroaaecu”, nae canu rai nii anjera.

Nii Jesocurisito que erenaa techu, profetacuru que beratenojoineein nelu.

Cabario somajaain ichoae cunaa

11Nii janate dede que ecooca somajaain cabarione jana, nichoae laujuae- nii suujua rijijieein nesineneein curuajai. Acate esinae rauhijiriin baaso icharaauru cachaauru ichao rucujueein, que nejeratenacaauru amuritiin nelu. 12Rai notate jiquihaquiin usi lanaro tocohane. Nii janate, arajiin rai coturi que comai amaane jana, que laenanohineein ne rai curuaa. Leinjiin acaachate nii curuaa coitucuujue. 13Nii jana rai cajionete, ichana que lomonojoin tocohane. Jana rai curuaate: “Cana Coaunera Ere”, nae. 14Nii janate caaijie uure dedeeu anjeraauru cajione caohacha somajai que necoreeteein cabario somanerei ichoae uhin. 15Nii janate rai nujuae caje mitue sabere ajihantiin, satiin lauri lauri nenacaaurulu amuritoheraneein nihane coujunacaneein. Acate coata caje nenaa otiha que biji achunequiin, acaauru Curuaanaa niha cureein. Acate, cana tijia que oba shaquiin, rai baca rocohacane rijijieein, baaso icharaauru coaraain casetecaain, rai nobaeneein casetecocuru que banihateein niicha rucujei- bino que acaauru cocoaa cureein nii itolere que nelateein itolere ichana naineraneein nenaa Cana Coaunera. 16Chaaen techu rai cajione, rai nanaae, naaonjoain que:

Reeycuru reey-

curuaanaacuru Curuaanaa

naain laenanohineein ne Acaneein nihane coitucueratera rai curuaa.

17Chaaen nechu enoto conohanau chujuhecoha leinjiin anjerane jana coaracaaunne janate, satiin tajaae iniho que lenoneein ecuun jiaauluhin amunacaauru rai tonijiaain: “Chajaauchete netaojiaete tabai lenone que inara coroaatemiin Cana Coaunera. 18Aihate Curuaanaacuru reeycuru, soondarooru curuaanaacuru, laraajiin nenacaauru cachaauru, cabariocuru, nichoae cunacaauru, itolere inihocuru, letononelanaala nenacaauru, letononeein nenacaauru, nelatelanaala nenacaauru, nelateein nenacaauru, naaonjoainuri iniho que lenonequiche”, naain ehequiin nii iniho que lenonenacaauru tajaaecuru cotihacane aonaaun.

19Nii baihane, nii necha aansai ataebinae tabai aina, satiin caa chauratane que nenacaauru curuaanaacuru aina sonaana que neenihuru acaauru soondarooru coaraaun. Acaaurute, nii cabario ichoae lauheconaa aina rai anjeraauru sooruhane coina netaojiaaure. 20Nii janate, nii necha aansai ataebinae tabai mucuhin casetecaaure, nii rai profeta- nacatiha neein itolere cojoelanaacojoai ichara aina curuaecaain. Nii itolere cojoaelanaacojoai ichaane aina cuaainte, nii necha aansai ataebinae tocohaneein niicha ichacuri coujunaca terateein rai ecaanto coroaeraauru cachaauru coritae nii rai profeta niha nocoeti. Nii jaunte, nii profeta niha nocoeti aina curuaecaain, nii necha aansai ataebinae tabai jaaore ichaaojoihane jana, usi conemuri asojoereneein moconaa cuhane. 21Nii jana leochaaurute, sohin jaonojoinecure, nii cabario somajai choae laujuaain cunaa ujuae caje mitunaa sabere ajainai que. Nii janate, nii onacaauru iniho quihure nainaain obejeein nii iniho que lenonenacaauru tajaaecuru.

Currently Selected:

Afocarifisi 19: URA

Highlight

Copy

Compare