Timoteeo Rai Coroataja 4

“Atiin aohana jerecureniha cachaaurune nihanatiin beeu”, naa Faborone

1Cana Coaunera aina nii turuha uheneni, nii cau chauratane que nenacaauru ichaonacaauru, saain onacaauru, naaojoaihunri rucuheranu notaracaaena caa mijiaainetiin eletoaaun Cana Coaunera Ere beebejeeine coina. 2Atiin aohana jerecureniha cachaaurune nihanatiin rauhijiriin beeute esenetaauruhine. Baaso ichacuruhane raotojoeein raujiaain cuaain suujuatenajaaun, 3inae ecu tihane bana erenaa rauhi aohana jerecurenerichaaine jaun. Nitohaneeinte, baasoneein coacuhin arajiin acaauru relaeranu ariha cuurureein, acaauruacha jerei tocohaneein baaso que relanajaeraanu que. 4Nitohaneeinte erenaa rauhi aohana jerelanaala que janoriin amuurureein. Amuhin joaenreein casajeeicha esenetaain tonoraain raaje necairichaaurureein. 5Ii laen ishuujua coaraain necairichanaa abaantaain Cana Coaunera Ere beebejeeu, jianacoon osa caje mituhin neeuruha esenetaaurerane coina. Nitohaneein caohatiin chamijianeeo ichaau.

Inae Cana Coaunera tenojoin amihanenaa jitaanu

6Inae ichuunejeeoriha ohanune que tihane.

7Inae Cana Coaunera tenojoin amihanenaa jitaanu jianelanaala rauhijiriin ichaain. 8Inae nerichaain canu amihaneeo core, caque banihateein Cana Coauneraacha rucujuei, Acaachane inae caa cohajeeun. Inae turuha nii Cana Curuaanaa Joesio, caohacha nejesina ichara neein nenaanete, Aca nii canu amihaneeo coretereein. Coatiha canuhacha rai coreterinaain. Satiin nii turu jereein cohajeraauru rai netonaite coretereein.

Satono

9Cacoharaa uu atiin chajaaojoaain. 10Caquete jaoleque Demasi, caa chauratane que nenacaauru itolere rucuhele cautene rijihuru jerihane jaun. Nii jaunte naain Tesalonecau cue. Jana Cresentete Galasia batane cue. Jana Titote Dalmasia batane cue. 11Acaihanejein Locasichate caniha ne cau. Maroco ariin cotijiaain ijiniichaain uhaau. Acate laen camijianeeo que cacorataanena naine.

12Tiquicona laen letoaaun Efesoo.

13Toroasihu nihanune banana Carpo loreri asaae quela ratirihunlu, uhaau carai uhine. Chaenchu nii canu quirichaauru nii quiicha laenajacoaine maajeein uhaau.

14Nii coata que amihanenaa Alejaandorote, jataain baaso neein caete niqui, nete inae cacocaeratereein Cana Curuaanaa. 15Coaraau. Necoeraain neeu, Cana Coaunera Ere canaacha beebejei que nejeratihane jaun.

16Camucuhin, cacaje bajaauruha cocoainanacaaihurine janate, cajaohin caratiriin amuure satiin. Nii coreniha jiaonriha chatohaneein tenajaa Cana Coaunerane.

17Nii janate, canu coroatajaneein casuujua lararajie Cana Curuaanaa. Nii jaunna, itolere caa chauratane que nenacaauru Jorioo niheichuru rai Cana Coaunera Ere beebejeeun, jianacoon neeuruha esenetaaurerane coina. Nitohaneeinte necha aansai ataibinaen leeon ujuae caje jichorocoaain jianacoon caete Cana Curuaanaa. 18Itolere baaso cajete canu mitaain canu beraicheein, aina dedeeu nihanune coina. Coanete Cana Curuaanaa coroajeein belaihacache inoaenlu netiin. Nitohaneein neeine.

Cana Coaunera esenetaerauru rai necoiha Faborone

19“Inara coaaujiha jera Faboro”, naain beeu, Firisila, Aquila, Onesiforo araaichuru, naaonjoaihunri rai. 20Coriintoote nedae Erasto. Jana Torofimona ratirihun Miletoo, cunaitihane jaun. Naineeine elohena ajiniha uu. 21Eobolo, Poreente, Lino, Cularia, naaojoaihurite ii coaaucure. Chaenchu saain cana nejeraauru Cana Coaunera coitucuurerate ii coacue.

22Ii aina neeine cana Curuaanaa Jesocurisito. Satiin inara belaain inara coroatajaneeine atiin Cana Coaunera.

Nitohaneein neeine.

Currently Selected:

Timoteeo Rai Coroataja 4: URA

Highlight

Copy

Compare