Coriinto Nenacaauru Rai Leinjiin 16

Coriqui taojiaauche cana nejeraauru rai.

1Canaacha esenetai esenetaeraneein nenacaauru cana nejeraauru rai coriqui taojiaaichene, Galasia batane nenacaauru, Cana Coaunera coitucuureraauru relaanune rijijieein ichacuche. 2Tomiho bana naineein, inara amihaneeo coreniha inaraacha eruujuei neleru rucuhecuche jelai teein, nabana turuhanune janaacha taojiaa coaauquichene coataa. 3Aihane inae turuhanune bana, inaraacha letoaenenuuru cachaauru letoae, acaauru rai quiricha laenaain teein, nii coriqui inaraacha taojiai aina amaain teeuruha cana nejeraauru raine coina. 4Canuhetonai cunaa jerichaaunnena, acaauru aina jiniiquiin curichaanuhin.

Coriintoote cunaa jere Faboro.

5Inae inara rene turuha uhanunena, Masedonia batane jeloon cuhin, caje coaauneein laen Coriinto turureeunni. 6Jerihanena, carajaaojoaain inara aina nereeunni. Nainichaaunena inara aina nereeunni, situha elohenane reeintiaain. Nii banate, canu coroatajanena naineriquicheein, jelai caje chunijiun cunaa jerichaaunne. 7Coatiha canu situneeicha inara coaana jerihaaun. Nii jaunna inara aina carajaeriin nenaa jereeun, jeriha Cana Curuaanaa ne. 8Nena laen Efesoo nereeunni, Feentecosetesi janonaa bana que tiaaojoaain. 9Aiha jataain ecu Cana Curuaanaa rai amihanihanune, caohachaain mituha canu amihaneeonne rai nihane jaun. Arajiin caque nejeratenaaneein neeuruhane saijieeinna aicheeunni.

10Inae inara rene turuha Timoteeone caohachaain raauchete raotojoeein inara aina neeine. Acaaentonainte jerichanejeein canu rijijieein Cana Curuaanaa amihaneeon ichana coitucue. 11Aihana jaun jiaonriha chuni nere tonoraenihane. Raujiaaincha namu que coroatajanecuchete nii chaque situhelanaala raotojoeein canu coaraa uhine. Cauna leeochaauru canejeraauru aina cohajihacaanu.

12Canejera Aforo netonai raine maajeeinne niqui aitoon, leeochaauru cana nejeraauru aina uhin inara coaraa uhane coina. Nete unaa jerene. Caa baiha nainihane banate ureein.

Satononihate necoe Faboro.

13Caohachaain nainaain necohalajiin, itolere que laraajiin baaso ichana coacuelanaala neeuche. 14Chaelai ichaquiche leeochaauru raine, jataain belaain corajeein ichacuche.

15Canejeraauru, inarate rai naraaichuru aina curuaequiin jauriaanejeein Cana Coaunera esenetaalu Esetefana, Acaiha batane quene coitucuhiche raotojoeein. Chaaen techu acaauru nii cana nejeraauru coroatajaneraneein neeure, canaacha esenetai coitucuuruhane coina. 16Nitohanihane jaunna nii Cana Coaunera coitucuurera aina, satiin acaauru coroatajaneraaurune maajeein, que inara suujua acatequichene jereeun.

17Jataainne rachoojoeeun inara aina nenihanune jana, canu rene turuuruha Esetefana aina Forotonato, Acaico, naaonjoainurine jaun. 18Acaauru ainate raotojoeein nedae casuujua, jerichanejeein inara rijijieein aihuruhane jaun. Acaauru rijijieein caohachaain nenacaauru cachaauru coitucuhin neeuche. 19Asia batane que nenacaauru Cana Curuaanaa Jesocurisito ranojoinunrute inara coaaucure. Aquila, Firisila, chaaen rai loreri asae netaojianacaauru naaojoainunrite inara coaaucure, Cana Curuaanaa Curisito coreniha. 20Satiin cana nejeraaurute inara coaaucure. Raotojoeein ita rene turuhichene ita raain neeuche. 21Canune Faboroneein inara rai canu raajenihane cacoii que caa laenaaun inara coacuhin. 22Chunocoha Cana Curuaanaa belainihane, baaso jana nijiaoine. Inae cataainjia Cana Curuaanaa. 23Cana Curuaanaa Jesocurisito, inara rai caohachaain neeinchene jaanu teeine. 24Satiin inarane jataain belaihun cana Curuaanaa Jesocurisito coreniha.

Currently Selected:

Coriinto Nenacaauru Rai Leinjiin 16: URA

Highlight

Compare

Copy