2 Tesalonicenses Kjibokwo ëre sorë
Kjibokwo ëre sorë
Domer shäng kjl̈ara ko Pablo. E Sbö tjl̈õkwo l̈aga Jesús ãska wl̈eniyo. Jesús wol̈ono, ga woshrara Sbörë iröng obi irgo ga to jem kjok dogo. Eshko ga tjl̈ẽ ba tjl̈õkwo kjragaga kong ga l̇l̇ono ga tjwe iröng obi l̈e. Tesalónica kjokyo ga no kjone kjone to l̈öng tjl̈ẽ ga Jesús shrono shäng iröng obi tjän, e kjĩshko epga parkë ame ga pjl̈úe l̈e eni. Kuya l̈ok ga Jesús tjl̈õkwo kjragaga l̈öng eshko l̈i kjone kjone omtjl̈õkwo kjrono, ga parkono l̈ok ame.
E kjĩshko ga kjibokwo ëre tara Pablorë ba kong, l̇l̇ëbo ëre l̇l̇gweya wl̈o, Jesús tjwe iröng obi sorë l̈i miyde l̈ok wl̈o. Jesús tjwayde iröng l̇l̇ëm obi l̈i tara ba kong. Bäm go ga domer tjwe kjl̈ara obi Ä dbo l̈i tjok, ga nopga jyãpgwe ara l̈i tara ba kong. Jesús tjwe iröng obishko ga ëye mär l̈öng Jesús go l̇l̇ëm l̈i shdũya kjang l̈i tara ba kong. Ga epga ichara ber l̈öng parkë, Jesús shrono iröng obi guing.
Dënashko ga kjibokwo ichara Pablorë epga kong kjwara. Ëre tjok ga kjwo pjök.
Currently Selected:
2 Tesalonicenses Kjibokwo ëre sorë: tfr
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.