MALAKAI 4
4
Na Siga Cecere i Jiova
1A sa kaya ko Jiova ni lewevuqa, “Sa toro voleka mai na siga me ra na vakamai kina me vaka na qani sila o ira kece na tamata dokadoka ka i tovo ca. Era na kama yavu vakadua ena siga o ya, ka na sega sara ni dua na tikidra me vo. 2Ia vei kemuni sa dau talairawarawa vei au, ena cadra mai vei kemuni na kaukauwa ni noqu veivakabulai me vaka na cadra ni matanisiga, ka na kauta mai na veivakabulai me vaka na rarama ni matanisiga. O ni na galala ka mamarau me vakataki ira na luve ni bulumakau sa vagalalataki mai na valenimanumanu ni sa dolavi na kena katuba. 3O ni na vakamalumalumutaki ira na tamata ca, me ra na qai vaka ga na kuvu ni soso o ni butuka tu, io, oqori ena siga au sa vakayaco ka kina.
4“Ni nanuma tiko na i vakavuvuli i Mosese na noqu tamata, na lawa kei na i vakaro ka'u a solia vua mai na Ulunivanua o Saineai me ra talairawarawa kina na Isireli kecega.
5 #
Maciu 11.14; 17.10-13; Mari 9.11-13; Luke 1.17; Joni 1.21 Ia au na tala me lako mai vei kemuni o Ilaijia na parofita ni se bera ni yaco mai na siga rerevaki oqo. 6Ena vakaduavatataki ira na tama kei ira na gone o koya; kevaka e sega o ya, ke'u a sa lako oti yani oi au me'u vakarusa na nomuni matanitu.”
Currently Selected:
MALAKAI 4: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.