JONA Na i Vakamacala Taumada
Na i Vakamacala Taumada
Na i Vola i Jona e duidui mai na nodra i vola na parofita tale eso ena i Vola Tabu, ni oqo e dua na i talanoa sa vakamacalataki kina na nona i lakolako e dua na parofita ka via drotaka na veitalai ni Kalou. A sa vakaroti Jona na Kalou me lako i Ninive, na koro turaga ni matanitu levu o Asiria. A sa qai bese ni lako kina o Jona me tukuna na i tukutuku ni Kalou, baleta ni sega ni vakabauta rawa me na vakayacora dina na Kalou na nona lewa me na vakarusa na koro levu o ya. Ni sa yaco oti e vica na ka lelevu, sa qai vakadonuya voraki me lako kina; ia a qai vakaveveku mata e muri ni a sega dina ni yaco na veivakarusai ka a la'ki tukuna voli o koya na kena i tukutuku.
Sa vakavotui ena i vola oqo ni sa lewa na Kalou na veika kece sara e bulia. Ia sa bibi cake ni vakavotuya mai na Kalou me Kalou yalololoma ka daulomasoli, a sa vinaka cake vua me vosoti ira na kedra meca na nona tamata ka vakabulai ira, ka me kakua ga ni cudruvi ira ka vakarusai ira.
Na Lewe ni Vola
A sa talai o Jona ka qai dro 1.1-17
A veivutuni o Jona ka la'ki vakayacora 2.1-10
A vunauci Ninive o Jona 3.1-10
A lomani Ninive na Kalou 4.1-11
Currently Selected:
JONA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.