1 TIMOCI 2
2
Na Veivakaro me Baleta na Sokalou
1Ia na i matai ni ka au kerea sai koya me caka na masumasu, na masu ni kerekere, na veimasulaki baleti ira na tani kei na vakavinavinaka vua na Kalou ena vukudra na tamata kecega; 2me ra masulaki na tui kei ira na veiliutaki me da tiko vinaka kina ka tiko veisaututaki, ena veitovo kece vakalou ka kilikili. 3Sa ka vinaka oqo ka vinaka vua na Kalou na noda i Vakabula, 4o koya sa gadreva me ra vakabulai na tamata kecega, ka me ra kila na ka dina. 5Sa duabau ga na Kalou, ka sa duabau ga na dauveisorovaki ena maliwa ni Kalou kei na tamata, na tamata ko Karisito Jisu. 6Sa soli koya vakai koya me sereki ira na tamata kecega. Ia sa vakadinadinataka ena gauna sa lokuci na i naki ni veivakabulai ni Kalou. 7#2Timo 1.11Au sa digitaki me'u i apositolo ka qasenivuli me'u vakatavulici ira na kai matanitu tani ena vakabauta kei na dina. Au sa tukuna na ka dina ka sega ni lasu.
8Ena veigauna kece ni lotu, au sa vinakata me ra masu na tagane, o ira na tagane sa yalodina vua na Kalou ka rawa me ra laveta cake na ligadra ni sa sega vei ira na cudru kei na yalo ni veileti. 9#1Pita 3.3Au sa vinakati ira talega na yalewa me ra vakaisulutaki ira vakavinaka ena i sulu e matau ka rakorako. Me kakua ni tali na drau ni uludra se tokara na i ukuuku koula, mataniciva se i sulu i sau dredre. 10Me ra vakaitovotaki ira ena veitovo vinaka kecega me vaka sa kilikili kei ira na yalewa era sa tukuna ni ra sa lotu. 11Me ra vakarorogo na yalewa ena yalomalumalumu ni ra sa vakatavulici. 12Au sa sega ni vakatara vei ira na yalewa me ra veivakatavulici se me ra lewai ira na tagane; ia me ra tiko lo ga. 13#Vteki 2.7; Vteki 2.21,22Ni a buli e liu o Atama, ka qai muri o Ivi. 14#Vteki 3.1-6Ni a sega talega ni temaki o Atama, na yalewa ga, ka mani valavala ca kina. 15Ia era na vakabulai na yalewa ena gauna ni nodra vakasucu gone, kevaka era tudei tikoga ena vakabauta, kei na loloma, kei na yalosavasava, kei na yalomatua.
Currently Selected:
1 TIMOCI 2: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.