1 JONI Na i Vakamacala Taumada
Na i Vakamacala Taumada
Na i Matai ni Vola i Joni e koto kina e rua na kena i naki lelevu: me vakayaloqaqataki ira sa wilika me ra veitokani kei na Kalou kei na Luvena ko Jisu Karisito, ka me vunauci ira me ra kakua ni muria na i vakavuvuli vakailasu ni rawa oqo me vakacacana na nodra bula ni veitokani kei na Kalou. E yavutaki na i vakavuvuli tani oqo ena kena vakabauti ni dau tubu ga mai na ca ena vuku ni noda veitaratara kei na veika sa vakayago, ka sa vakavuna kina me basika mai na vakasama ni sa sega ni yaco rawa kina vei Jisu, o koya na Luve ni Kalou, me tamata bula talega. Era vakatavuvulitaka o ira na i vakavuvuli vakailasu o ya ni i balebale ni veivakabulai sai koya na noda vagalalataki keda mai na noda leqataka voli na veika ni bula ena vuravura oqo. Era vakatavuvulitaka talega ni vakasama oqo ni veivakabulai e sega ni okati kina na veika me baleta na i tovo ni tamata se na nodra lomani na tani.
Ena kena saqati ga na i vakavuvuli oqo, sa vakamacalataka vakamatata sara kina o koya e vola na i vola oqo ni sa yaco me tamata dina sara ko Jisu Karisito. A vakabibitaka talega ni o ira kecega sa vakabauti Jisu ka lomana na Kalou sa dodonu me ra dau veilomani talega vakataki ira.
Na Lewe ni Vola
Na i vakamacala taumada 1.1-4
Na rarama kei na butobuto 1.5—2.29
O ira na luve ni Kalou kei ira na luve ni tevoro 3.1-24
Na ka dina kei na ka e cala 4.1-6
Na i tavi ni loloma 4.7-21
Na vakabauta e qaqa 5.1-21
Currently Selected:
1 JONI Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.